होसे 7:7 - Sunuwar Bible

⁷ मेको नेल्‍ले मी खोदेंशो पा ब्रशो बाक्‍नीम। मिनु आन सासन पाइब आन कली साइक्‍नीम। मेको आन पिप नेल्‍ल आन कली साइक्‍तेक्‍म। मिनु मेकेर ङा सुइमी यो आं कली मथोइनीम” देंत।

होसे 7:7 ပူးပေါင်းရင်းမြစ်များ

१ राजा 15:28

मिनु यहूदा ङा पिप आसा पिप दुम्‍शो बर्स सां दुम्‍मेनु, बाशामी नादाब कली सदा बाक्‍त। मिनु मेको आ पा ङा पिप दुम्‍माक्‍त।

१ राजा 16:18

मिनु जिम्रीमी सहर ग्राशो तवा चोटी पिप आ खिं ओव़शा मी सुइश्‍शा, आंमा यो दुप्‍शा बेक्‍माक्‍त। २सामुएल १७:२३

१ राजा 16:22

तन्‍न ओम्री आ नोले खोइक्‍बपुकी गिनाथ आ तौ तिब्‍नी आ नोले खोइक्‍ब आन क्‍येङा बोल्‍यो बाक्‍मा बाक्‍त। मोपतीके तिब्‍नी कली साइश्‍शा, ओम्री पिप दुम्‍माक्‍त।

२ राजा 10:14

मिनु येहूम “एको आन कली सेसीन ग्‍याइक्‍तीन” देंमाक्‍त। मिनु मेकोपुकीम मेको आन कली सेसीन ग्‍याइश्‍शा बेथ-एकेद सहरम सदमे बाक्‍त। मेकोपुकीम मेकेर ४२ जना वोंइश मुर आन कली का यो सेस मप्रोन्‍मे बाक्‍त।

२ राजा 10:7

मिनु मेको चिठी मेक जाक्‍दीम्‍मेनु, मेकोपुकीम मेको ७० जना पिप आ तौ आन कली लाइश्‍शा सदमे बाक्‍त। मिनु मेकोपुकीम मेको आन ख्रोइश्‍शो पिया थुन्‍सेपुकीम कुर पा येज्रेल सहरम सोइक्‍तमे बाक्‍त।

२ राजा 15:10

याबेश आ तौ शाल्‍लुममी जकरिया कली साइक्‍चा मला बाक्‍त। मिनु शाल्‍लुममी मेको कली मुर आन दातेमीन तुप्‍शा सदा बाक्‍त। मिनु मेको आ पा ङा शाल्‍लुम पिप दुम्‍माक्‍त।

२ राजा 15:14

मेको नोले गादी आ तौ मेनाहेम तिरचा सहर रे सामरीयाम कुमाक्‍त। मिनु मेकोमी याबेश आ तौ शाल्‍लुम कली तुप्‍शा सदा बाक्‍त। मिनु मेको कली साइश्‍शा, आ पा ङा पिप दुम्‍माक्‍त।

२ राजा 15:25

मिनु मेको आ लडाइ पाइब आन कप्‍तान रेमाल्‍याह आ तौ पेकाहमी मेको पिप कली साइक्‍चा मला बाक्‍त। मिनु मेकोम गिलाद ङा ५० जना मुर आन कली लाइश्‍‍शा सामरीया ङा पिप पेकाहीयाह आ दरवारम ओव़शा, मेको कली सदा बाक्‍त। मिनु अरगोब नु अरीएह आस कली यो सांइ‍सी बाक्‍त। मोपा पेकाह आ पा ङा पिप दुम्‍माक्‍त। २राजा १५:१०,१५,३०

२ राजा 15:30

मिनु एलाह आ तौ होशेआमी रेमाल्‍याह आ तौ पेकाह कली साइक्‍चा मला बाक्‍त। मिनु पेकाह कली तुप्‍शा सदा बाक्‍त। मिनु मेको आ पा ङा पिप दुम्‍माक्‍त। मेना यहूदामी उज्‍जीयाह आ तौ योथामम सासन पशो २० बर्स दुम्‍शो बाक्‍माक्‍त। २राजा १७:१; २राजा १५:२५

२ राजा 9:24

मिनु येहूम आ लिब्रा कीशा येहोराम आ बला आ दातेमी आबा बाक्‍त। मिनु मेको ब्राम मेको आ लुङ‍गीर ख्रिदा बाक्‍त। मिनु मेको आ बग्‍गीमी गोल्‍माक्‍त।

२ राजा 9:33

मिनु येहूमी “मेको कली झेल रे ताइक्‍तीन” देंमाक्‍त। मिनु मेकोपुकीम इजेबेल कली उइ ताइक्‍तमे बाक्‍त। मिनु मेको आ हुश प्रेक्‍शा कोइ गारोमी नु कोइ शारा आन कली जुक्‍तमे बाक्‍त।

अय्‍युब 36:13

परमप्रभु कली मान मपाइब मुर गाइक्‍स ङा गाइक्‍स बाक्‍नीम। परमप्रभु रे पा सजाइ तामेनु, यो मेकोपुकीम ‘वारच पाइक्‍की’ दे मपुंइनीम।

भजन संग्रह 14:4

मरिम्‍शो पाइबपुकीमी परमप्रभु यावे कली मतुइक्‍नीम। आ मुर आन कली शोब्‍ले जशो खोदेंशो पा नेक्‍नीम। मेकोपुकीमी परमप्रभु यावे कली यो मपुंइनीम। मीका ३:३

यसैया 43:22

तन्‍न याकूब, गे आं कली ठेयब मसेली। इस्राएल, गे आं नोले खोइक्‍चा आ पर्बम मारेइ ममिम्‍ती।

यसैया 64:4

सु सुमी मेको कली रिम्‍नीमी, मेकोमी, मेको आन पर्बम गेय पाइब। मारदे हना साइ ङोंइती रे गे ङा लाक्‍शा अरु परमप्रभु बाक्‍ब, दे सुइम मनेंशो नु मतशो बाक्‍तेक्‍म। प्रस्‍थान ३२:५-१०

यसैया 64:6

गो नेल्‍ल ग्रांग्रा दिशो मुर खोदेंशो दुम्‍तक। आंइ ठीक पतीके नेल्‍ल ग्रांग्रा दिशो लुम्‍सीशो वा खोदेंशो दुम्‍त। गो सफा खोदेंशो पा सोल सुल बेक्‍नीकी। आंइ मरिम्‍शो पशो फश खोदेंशो दुम्‍शा, आंइ कली बेरपाइक्‍ब।

यसैया 64:7

मिनु इन नें थीब सुइ मबाक्‍नीमी। इन कली थिचा माल्‍ब सुइ मबाक्‍नीम। मारदे हना गे आंइ ङोंइती रे इन कुल ख्रुइक्‍ताक्‍नी। आंइ मरिम्‍शो पतीके मतेक्‍नी। यसैया ६३:१६; यसैया ४५:९; बिलाप ४:२; रोमी ९:२१

यसैया 9:13

मो हना यो मुर आन कली तुप्‍ब गे मलेम्‍म। मिनु मेकोपुकीमी मुर नेल्‍ल आन परमप्रभु यावे कली ममाल्‍नीम। यसैया १०:३३

इजीकीएल 22:30

मिनु गो मेको आन दातेम गारो प्रोव़शा गेब नु रागी मक्‍याम्‍दुल, दे रागी आ पर्बम आं ङोंइती राप्‍ब मुर का माल्‍ता, तन्‍न मथिदु। इजीकीएल १३:५

दानीएल 9:13

मोसामी इन अरेशो लोव़म ‘मेको कली मटीब श्‍येत जाइनीम’ दे ब्रेक्‍शो खोदेंशो पा, मेको श्‍येत नेल्‍ल आंइ कली दुम्‍त। मिनु गोपुकीमी परमप्रभु यावे, आंइ परमप्रभु कली ‘इन थमा लोव़ कली रुप्‍तीक थुं गेकी’ दे मपुंइक। मिनु आंइ मरिम्‍शो पशो मप्रोंइक। इन कली दाक्‍शा मप्रोंइतीके ममिम्‍तक।

होसे 13:10

इन कली प्रोंइने चाप्‍ब ते बाक्‍मा? इन कली वारच पाइब सासन पाइब, ते लाक्‍गमे? मेको आ पर्बम गेपुकीमी ‘गो आंइ कली पिप नु सासन पाइब गेकी’ देंतीनी। १सामुएल ८:५-९

होसे 5:15

मिनु गो आं बाक्‍तीकेमी लेश्‍शा बाक्‍नुङ। मेकोपुकीमी आन मरिम्‍शो पशो तुइश्‍शा, आं कली ममाल्‍मे सम्‍म बाक्‍नुङ। मिनु मेकोपुकीमी शुश श्‍येत जशा, आं कली माल्‍नीम” दे परमप्रभुमी देंत। यसैया २६:१६

होसे 7:10

इस्राएल आ ठेयब लेत्‍तीकेमी ‘मरिम्‍शो पाइब बाक्‍ब’ दे आन सांकछी बाक्‍ब। तन्‍न मेकोपुकी परमप्रभु यावे, आन परमप्रभु गे मलेत्‍नीम। मिनु मेको कली ममाल्‍नीम” देंत।

होसे 7:14

मेकोपुकीमी आन थुं नेल्‍लेमी आं कली मब्रेत्‍नीम। तन्‍न आन ब्राख्‍येमी रोंका पाइनीम। अन्‍न नु नक अङगुर शांबु आ पर्बम बुक्‍नीम। तन्‍न आं रे पा आन कुल हिरनीम।

होसे 8:4

मेकोपुकीमी आं कली हिल्‍लो मपथु पिप योव़नीम। मेकोपुकीमी गो आं मदेंथु सासन पाइबपुकी योव़नीम। मेकोपुकीमी खतम दुम्‍चा कली आन सुन चांदी रे पा आंम कली मूर्ति सेल्‍नीम। २राजा १५:१०,१४,२५,३०

मीका 2:1

आबी आबी, सु सुम आन ब्राख्‍येम गोल्‍शा पाप नु मरिम्‍शो पचा ला मिम्‍नीमी। मिनु नां सोव़म चोटीन मेको आन मिम्‍शो पाइनीम। मारदे हना मेको पने चाप्‍ब बाक्‍नीम।