होसे 7:5 - Sunuwar Bible

⁵ आंइ पिप आ भोजम आ सासन पाइब अङगुर शांबु तूशा दुक्‍नीम। मिनु पिपमी शुक्‍शी पाइबपुकी नु गुइ गारपाइक्‍ब।

होसे 7:5 ပူးပေါင်းရင်းမြစ်များ

उत्पत्ती 40:20

मिनु आ सांबु नाक्‍ती फाराओ आ जरमेशो नाक्‍त बाक्‍माक्‍त। मिनु फाराओमी आ गेय पाइब नेल्‍ल आन कली भोज सेला बाक्‍त। मिनु आ कली तूचा गेब आन ठेयब मुर नु शोब्‍ले चोइब आन ठेयब मुर आस कली जेल्‍खान रे ग्रुंइदीम्‍सी बाक्‍त।

१ राजा 13:4

मिनु येरोबामम परमप्रभु आ मुरुम बेथेल ङा चढ़ेतीक आ पर्बम ठेयब सेंदा पा देंशो लोव़ नेना बाक्‍त। मिनु मेकोम चढ़ेतीक रे आ गुइ दिंशा “मेरे कली ग्‍याइक्‍तीन” देंमाक्‍त। तन्‍न येरोबाम आ गुइ मुक्‍ने मचबा बाक्‍त।

भजन संग्रह 1:1

सु परमप्रभु आ अरेशो लोव़ मटीब नु मगाक्‍बा, पापी आन लां मखोइक्‍बा नु परमप्रभु आ पर्बम शुक्‍शी पाइब नु मबाक्‍बा, मेको ग्‍येरसीशो मुर दुम्‍‍ब। भजन संग्रह २६:४; भजन संग्रह ११९:१; हितोपदेस ४:१४; येरमीया १५:१७

भजन संग्रह 69:12

ठेयब लाप्‍चोम बाक्‍बपुकीमी आं कली शुक्‍शी पाइनीम। दुक्‍शो मुरपुकीमी आं पर्बम कुम्‍सो पाइनीम। अय्‍युब ३०:९

हितोपदेस 13:20

सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।

हितोपदेस 20:1

अङगुर शांबुमी हेंथे ब्‍वाक्‍पाइक्‍ब। राकसीमी राम्‍शी पपाइक्‍ब। सु मेको तूशा दुक्‍नीमी, मेको जोक्‍ब तुइक्‍ब मदुम्‍नीम। हितोपदेस २३:२९-३५; हितोपदेस ३१:५; होसे ४:११

यसैया 28:1

आबी, गे एफ्राइम ङा दुक्‍शो ठेयब लेश्‍शो मुरपुकी, इन दारस फू खोदेंशो पा बेक्‍ब। मेकेर ब्रोव़शो जाइब नु दुक्‍शो मुर ला बाक्‍नीम। अङगुर शांबुम मेको आन कली नेक्‍शो बाक्‍ब।

यसैया 28:14

मोपतीके गे शुक्‍शी पाइबपुकी, परमप्रभु यावे आ लोव़ नेनीन। गे यरूसलेम ङा मुर आन कली हुकुम पाइनीनी।

दानीएल 5:23

‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।

होसे 7:3

परमप्रभुमी “मेको आन मरिम्‍शो पशोमी पिप कली ग्‍येरपाइक्‍नीम। मिनु आन जोल पतीकेमी सासन पाइब आन कली ग्‍येरपाइक्‍नीम।

मत्ती 14:6

मिनु पिप हेरोद आ जरमेशो नाक्‍त जाक्‍माक्‍त। मिनु हेरोदनी आ तमीमी हेरोद आ भोजमी जाक्‍ब आन दातेमी सिल पशा, हेरोद कली ग्‍येरपदा बाक्‍त।

मर्कूस 6:21

काबु मार दुम्‍माक्‍त देंशा हना, पिप आ जरमेशो नाक्‍ती मिम्‍चा कली हेरोद पिपमी आ दरवार ङा गेय पाइब, सरकार ङा गेय पाइब नु गालील ङा ठेयब मुर नेल्‍ल आन कली ब्रेश्‍शा, ठेयब भोज का गेवा बाक्‍त।

एफिसी 5:18

राकसी शांबुमी मदुक्‍कीन। मारदे हना दुक्‍ब मुरपुकी ग्‍येत्‍थ मलाइनीम। तन्‍न गेपुकी परमप्रभु यावे आ सोक्‍तीम ब्रीशो दुमीन। लूका २१:२४