होसे 7:4 - Sunuwar Bible

⁴ मेको नेल्‍ल तेल्‍लेम बाक्‍नीम। मेकोपुकी शोब्‍ले चोचा कली होइश्‍शो चुप्‍लु खोदेंशो बाक्‍नीम। मेको शोब्‍ले चोइबमी फस निवा रे मबोरम सम्‍म मी थुक्‍चा ममाल्‍ब।

होसे 7:4 ပူးပေါင်းရင်းမြစ်များ

येरमीया 23:10

मारदे हना एको रागी तेल्‍लेम पतीकेम ब्रीशो बाक्‍ब। सराप रतीके, रागीम रोंका पाइब। मुर मबाक्‍तीके बस्‍तु योव़तीके सोव़तेक्‍म। परमप्रभु यावे आ लोव़ पाइब आन पतीके काइ मरिम्‍शो बाक्‍ब। आन सक्ति दूली पा चलेनीम। येरमीया १२:४

येरमीया 9:1

परमप्रभुमी “आं पिया ब्‍वाक्‍कु बुक्‍तीक दुम्‍शो हना, नु आं मिक्‍ची प्रेक्‍कु बुक्‍तीक दुम्‍शो हना, गो नाक्‍दो नाक्‍ती ङाक्‍ङ वा। श्‍येत जशो साइश्‍शो आं मुर आन पर्बम ङाक्‍ङ वा। येरमीया १३:१७; लूका १९:४१

येरमीया 9:2

गोरशो रागीम मुर आन कली बास बाक्‍तीक बाक्‍शो हना, गो आं मुर आन कली प्रोंइशा, मेकेर लशा बाक्‍ङ वा। मिनु मेको आन रे ङोन लङ वा। मारदे हना मेको नेल्‍ल आन नाता ख्रोइश्‍शा अरु नु इप्‍‍नीम। मेको नेल्‍ल मरिम्‍शो हुल का बाक्‍नीम।

होसे 4:10

मेकोपुकीमी जाइनीम ब्‍वाइनीम, तन्‍न मरूनीम। मेकोपुकीमी तेल्‍लेम पशा, सोशा बोशा मलाइनीम। मारदे हना मेकोपुकीमी तेल्‍लेम पचा कली परमप्रभु यावे कली प्रोंइतेक्‍म।

होसे 4:12

आं मुरपुकीमी शी के मूर्ति कली हिल्‍लो पाइनीम। मिनु मेकोपुकीमी कोक्‍केमी साहीत कोव़नीम। मारदे हना तेल्‍लेम पतीक थुंमी मेको आन कली हेंथे गाक्‍पाइश्‍शो बाक्‍ब। मेकोपुकीमी तेल्‍लेम पचा कली परमप्रभु कली प्रोंइतेक्‍म। येरमीया २:२७; होसे ५:४

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

१ कोरिन्‍थी 5:6

इन ठेयब लेश्‍शो रिम्‍शो ममाइ। इम्‍चीली डल्‍ला का बोरपाइक्‍ब ओख्‍तीमी फस नेल्‍ल ङाम्‍शा, बोरब दे मतुइक्‍नीनी? गलाती ५:९

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५