होसे 7:2 - Sunuwar Bible

² गो मेको आन मरिम्‍शो पशो नेल्‍ल तुइश्‍शा मिम्‍नुङ। मेकोपुकीम मतुइक्‍नीम। मेकोपुकीमी मरिम्‍शो ला पाइनीम। मिनु मेको आन पाप गेना हना यो आं ङोंइती बाक्‍नीम” देंत।

होसे 7:2 ပူးပေါင်းရင်းမြစ်များ

अय्‍युब 34:21

मेकोमी मुर नेल्‍ल आन पतीके कोव़शो बाक्‍ब। मिनु मेको आन गाक्‍शो नेल्‍ल कोव़शो बाक्‍ब। अय्‍युब ३१:४; हितोपदेस ५:२१

भजन संग्रह 10:11

मेको आन थुंमी “परमप्रभुमी आंइ पशो मताइब। आ कुल ख्रुइक्‍ताक्‍व, आंइ पशो प्रेंब” दे मिम्‍नीम। भजन संग्रह ७३:११; भजन संग्रह ९४:७; यसैया २९:१५

भजन संग्रह 25:7

गो ठिटा बाक्‍ङा ना आं पशो पाप नु आं मरिम्‍शो पशो प्रेंदीन। परमप्रभु यावे, इन गेना हना यो दाक्‍तीके नु रिम्‍शो पतीकेम आं कली मिम्‍तीन।

भजन संग्रह 50:22

गे परमप्रभु कली प्रेंबपुकी तुइक्‍तीन। मो मपाइतीनी हना, गो इन कली साइक्‍नन्‍नी। मिनु इन कली सुइमी प्रोंइने मचाप्‍नीम।

भजन संग्रह 9:16

परमप्रभु यावेमी मेको ठीक निसाफ पाइब बाक्‍ब, दे मुर नेल्‍ल कली तुइक्‍पाइश्‍शो बाक्‍ब। आ अरेशो मटीब मुर आंम आन पशोमीन खतम दुम्‍नीम। ताप्‍तीकेमी ठेयब सेंदा पा।

भजन संग्रह 90:8

आंइ मरिम्‍शो पशो इन ङोंइती वोइश्‍शो बाक्‍तीनी। आंइ ख्रुइश्‍शा पशो इन कुल ङा छेङछेङ आ ङोंइती बाक्‍ब।

यसैया 1:3

ब्‍यफोमी आ होव़प कली तुइक्‍ब। गधामी आ होव़प आ शुंगु तुइक्‍ब। तन्‍न इस्राएल ङा मुर मतुइक्‍ब बाक्‍नीम। आं मुर मरुप्‍ब बाक्‍नीम।

यसैया 26:16

परमप्रभु यावे, मेको मुरपुकीमी श्‍येत जशा, इन कली माल्‍तेक्‍म। इन गेशो सजाइ तशा, आइक्‍च सेंदाम इन कली पुंइतेक्‍म। होसे ५:१५

यसैया 44:19

सुइमी मारेइ ममिम्‍ब कामी “गो मेको शी आधा मीम चोता। मेको मी तारी शोब्‍ले चोशा, श्‍ये वाल्‍शा ब्‍वाता। मुल गो मेको आ लीशो ठुटा रे ग्रांग्रा दिशो मूर्ति सेल्चा दुम्‍बा ङा? गो मेको आ ङोंइती बाप्चा दुम्‍बा ङा?” देंब सुइ मबाक्‍ब।

यसैया 5:12

बीना, तार पाइश्‍शो ठेयब ताप्‍तीके, खैजडी नु बांसुरी नेंशा, शांबु दुक्‍नीनी। तन्‍न परमप्रभु यावे आ पशो प्रेंशा ममिम्‍नीनी। आ गुइ ङा गेय मताइनीनी। आमोस ६:५-६; भजन संग्रह ४४:२

येरमीया 14:10

परमप्रभु यावेमी मेको मुर आन पर्बम “मेकोपुकी थमा पा हिरना हिरन बाक्‍नीम। हेंथे गाक्‍चा दाक्‍नीमी। थमा पा ठीक लां मगाक्‍‍नीम। मोपतीके परमप्रभु यावेम मेको आन कली मब्राइब। मुल मेकोमी आन मरिम्‍शो पशो आ पर्बम मिम्‍ब। मिनु मेको आन कली आन पाप आ पर्बम सजाइ गेब” देंत।

येरमीया 16:17

मारदे हना गो मेको आन लां नेल्‍ल तुइक्‍नुङ। मेको आं ङोंइती मख्रुइश्‍शो बाक्‍नीम। मेको आन मरिम्‍शो पशो यो आं ङोंइती मख्रुइश्‍शो बाक्‍ब। अय्‍युब ३४:२१

येरमीया 17:1

परमप्रभु यावेमी “यहूदा आ पाप फलाम के मुतीकेम मुशा ब्रेक्‍शो बाक्‍ब। मेको हीरा पाइश्‍शो मुतीकेमी आन थुं नु आन चढ़ेतीक ङा ग्रोव़पुकीम मुशा ब्रेक्‍शो बाक्‍ब। २राजा २३:४-१८

येरमीया 2:19

इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।

येरमीया 32:19

इन अर्ती ठेयब नु इन गेय नेल्‍ल क्‍येङा सक्ति पाइश्‍शो बाक्‍नीम। मुर आन पशो मारेइ मारेइ इन ङोंइती तचा ङा पा बाक्‍नीम। गे मुर नेल्‍ल आन कली कोव़नीनी। गे नेल्‍ल आन लां नु आन पशो तशा इनाम गेनीनी। रोमी २:६

येरमीया 4:18

मिनु परमप्रभु यावेमी “इ दूली लां गाक्‍तीके नु इ पतीके इ कली मोदेंशो दुम्‍शो बाक्‍त। इ सजाइ मेकोन बाक्‍ब। मेको शुश कशो बाक्‍ब। मिनु मेकोमी इ थुं खाइक्‍पाइक्‍तु” देंत।

येरमीया 44:21

“गेपुकी, इन किकी पिपी, इन पिप, इन ठेयब मुर नु एको रागी ङा मुरपुकीम यहूदा ङा सहर नु यरूसलेम ङा लांम चढ़ेशो परमप्रभु यावेम मतुइक्‍बा ङा? मार, मेकोमी ममिम्‍ता ङा?

इजीकीएल 21:29

इन पर्बम जोल पा कोंइतीके ताम्‍तेक्‍म। इन पर्बम दूली पा लिंक्‍यु कोव़तेक्‍म। मेको मरिम्‍शो पाइब नु परमप्रभु यावे आ अरेशो लोव़ मटीब नु साइक्‍चा पुंइसीनीम। मेको आन नाक्‍त जाक्‍शो मुर आन कली मोदेंशो पशो बाक्‍ब। मेको आन नोले ङा सजाइ ततीक नाक्‍त जाक्‍शो बाक्‍ब।

होसे 12:2

परमप्रभु यावेमी यहूदा आ मरिम्‍शो पशो ङा सजाइ गेप्‍तु। मेकोमी याकूब आ मरिम्‍शो पशो आ पर्बम सजाइ गेब। मेकोपुकीमी दोदेंशो पामे, मोदेंशो पा सजाइ गेब।

होसे 4:9

मिनु मुरपुकी दोदेंशो बाक्‍मा, मोदेंशो चढ़ेबपुकी बाक्‍नीम। गो मुरपुकी नु चढ़ेब नेल्‍ल आन कली सजाइ गेनुङ। मेकोपुकीमी दोदेंशो पामे, मोदेंशोन सजाइ गेनुङ।

होसे 6:2

नाक्‍त निक्‍शी नोले परमप्रभुमी आंइ कली लेंशा ब्रोंइचा गेब। मिनु नाक्‍त सां नोले आंइ कली आ ङोंइती राप्‍पाइक्‍ब। मिनु मोपा गोपुकी मेको आ ङोंइती ब्रोंइ‍नीकी। ब्‍यवस्‍था ३२:३९

होसे 8:13

मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।

होसे 9:15

मेको आन मरिम्‍शो पतीके नेल्‍ल गिल्‍गालम पाम्‍तेक्‍म। मेक रे गो मेको आन कली तशा ग्रांग्रा दि‍चा गोव़ता। मेको आन काइ मरिम्‍शो पतीके, गो आं खिं रे खेरनुङमी। मेको आन ठेयब मुर नेल्‍ल मटीब बाक्‍नीम।

होसे 9:9

गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

आमोस 8:7

परमप्रभु यावेमी याकूब आ सोशो बोशो मिम्‍शा, कसम जाप्‍तु। मार कसम जाप्‍तु देंशा हना “गो मेको आन पशो गेनायो मप्रेंनुङ।

योना 1:2

“गे छुल बोक्‍शा, निनवे माइश्‍शो ठेयब सहरम लावो। मिनु मेकेर ङा मुर आन मरिम्‍शो पशो आ पर्बम शेंदीमी। मारदे हना गो मेको आन मरिम्‍शो पशो नेल्‍ल ताता” दे मदा बाक्‍त।

गन्‍ती 32:23

तन्‍न गेपुकीम मो मपाइतीनी हना, परमप्रभु यावे आ ङोंइती पाप पाइनीनी। मिनु इन पाप थमा पा राइनीनी।

लूका 12:2

सुम्‍शा वोइश्‍शो नोले नेल्‍ल हाक्‍सीशा तांइसीब। ख्रुइश्‍शा वोइश्‍शो लोव़ नेल्‍ल नोले तुंइ‍सीब। लूका ८:१७

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८

ब्‍यवस्‍था 32:29

मेकोपुकी निप्‍स पाइश्‍शो नम हना, एको लोव़ रुबेम वा। मेको आन बेक्‍तीक तुइक्‍तेम वा।

हिब्रू 4:13

मेको आ ङोंइती सुइमी मारेइ ख्रुइक्‍ने मचाप्‍नीम। नेल्‍लेमी पशो नु मिम्‍शो मेको आ ङोंइती तांइसीब।