होसे 7:10 - Sunuwar Bible

¹⁰ इस्राएल आ ठेयब लेत्‍तीकेमी ‘मरिम्‍शो पाइब बाक्‍ब’ दे आन सांकछी बाक्‍ब। तन्‍न मेकोपुकी परमप्रभु यावे, आन परमप्रभु गे मलेत्‍नीम। मिनु मेको कली ममाल्‍नीम” देंत।

होसे 7:10 ပူးပေါင်းရင်းမြစ်များ

भजन संग्रह 10:4

मिनु ठेयब लेश्‍शा, आन थुंमी “परमप्रभुमी आंइ कली मरिम्‍शो मसुइक्‍ब। मारदे हना मेको मबाक्‍ब” दे मिम्‍नीम।

भजन संग्रह 14:2

परमप्रभु यावेमी स्‍वर्ग रे मुर आन कली कोव़ब। मारदे कोव़ब देंशा हना, मुर आन दातेमी जोक्‍ब तुइक्‍ब परमप्रभु कली माल्‍ब, सुइ बाक्‍मा कों, दे कोव़ब।

भजन संग्रह 53:2

मिनु परमप्रभुमी स्‍वर्ग रे मुर आन कली कोव़ब। मारदे कोव़ब देंशा हना, आ कली माल्‍ब, रुप्‍ब मुर का बाक्‍म कों, दे कोव़ब।

हितोपदेस 27:22

मूर्ख कली अन्‍न नु चुम्‍लुम वोइश्‍शा तूलीमी चुशा हना यो, आ मूर्खे पचा गेनायो मग्रूब।

यसैया 9:12

मिनु अराम ङा मुर नु रेसीन पूर्ब रे नु पलिस्‍ती ङा मुर पच्‍छिम रे जाक्‍शा, मेकोपुकीमी शुश पाक्‍शो शोव़मी खोदेंशो पा इस्राएली आन कली दाक्‍नीम। मोपा यो परमप्रभु आ गाइश्‍शो मनाइक्‍थु, आ गुइ दिंस ङा दिंस बाक्‍त।

यसैया 9:13

मो हना यो मुर आन कली तुप्‍ब गे मलेम्‍म। मिनु मेकोपुकीमी मुर नेल्‍ल आन परमप्रभु यावे कली ममाल्‍नीम। यसैया १०:३३

येरमीया 3:3

मोपतीके रेउ मयिशो बाक्‍त। मिनु बर्खा ङा रेउ मयी। मो हना यो गे मुने मपाइश्‍शो बाक्‍नेवे। गे इ मुनेम लल मजिनेवे। येरमीया ३:१९; येरमीया ३१:९; यसैया ६३:१६

होसे 13:14

गो मेको आन कली तुरस रे प्रोंइनुङा ङा? गो मेको आन कली बेक्‍चा रे पा प्रोंइनुङा ङा? साइक्‍ब, इ साइक्‍तीक ते बाक्‍बा? तुरस, इ खतम सेल्‍तीक ते बाक्‍बा? गो शिशी मपाइनुङ। २तिमोथी १:१०; प्रकाश २०:१४; १कोरिन्‍थी १५:५४-५५

होसे 5:5

इस्राएली आन ठेयब लेत्‍तीकेमी मरिम्‍शो पाइब बाक्‍नीम, दे आन सांकछी बाक्‍ब। एफ्राइम ङा मुरपुकी आंम पाप पतीकेमी खतम दुम्‍नीम। यहूदा ङा मुरपुकी यो मेकोपुकी नु खतम दुम्‍नीम।

होसे 6:1

मिनु मार लोव़ पाइनीम देंशा हना “पिन, गोपुकी परमप्रभु यावे गे लेय्‍य। मेकोमी आंइ कली टुक्रा टुक्रा पशो बाक्‍त। मिनु आंइ कली सापाइक्‍ब। मेकोमी आंइ कली तुप्‍तु। मिनु मेकोमी आंइ कली ओख्‍ती पाइक्‍ब। होसे ५:१४

होसे 7:7

मेको नेल्‍ले मी खोदेंशो पा ब्रशो बाक्‍नीम। मिनु आन सासन पाइब आन कली साइक्‍नीम। मेको आन पिप नेल्‍ल आन कली साइक्‍तेक्‍म। मिनु मेकेर ङा सुइमी यो आं कली मथोइनीम” देंत।

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

जकरिया 1:4

साइ ङा आं लोव़ पाइबपुकीमी इन किकी पिपी आन कली लोव़ पाम्‍तेक्‍म। मेकोपुकीमी मुर नेल्‍ल आन परमप्रभु यावेमी इन कली मार लोव़ पाप्‍तु देंशा हना इन मरिम्‍शो लां रे नु इन मरिम्‍शो पतीके रे परमप्रभु आ लां गे ले‍तीन, दे लोव़ पाम्‍तेक्‍म। तन्‍न इन किकी पिपीमी आं लोव़ मनेंथु मटीम। गेपुकी मेको आन खोदेंशो मपने। येरमीया ३:१२; इजीकीएल ३३:११

रोमी 3:11

परमप्रभु यावे कली तुइक्‍ब सुइ मबाक्‍नीम। मेको कली ममाल्‍ब यो मबाक्‍नीम।