होसे 7:1 - Sunuwar Bible

¹ “गो इस्राएल ङा मुर आन कली सापाइक्‍चा मिम्‍ताक्‍ङ हना, एफ्राइम आ मरिम्‍शो पशो नु सामरीया आ पाप तांइसीब। मेकोपुकी जोल पना पन बाक्‍नीम। खुइपुकी खिं ओव़शा खुइ पाइनीम। रोइक्‍बपुकीम लांमी मुर आन कली रोइक्‍नीम। योएल ४:१

होसे 7:1 ပူးပေါင်းရင်းမြစ်များ

यसैया 28:1

आबी, गे एफ्राइम ङा दुक्‍शो ठेयब लेश्‍शो मुरपुकी, इन दारस फू खोदेंशो पा बेक्‍ब। मेकेर ब्रोव़शो जाइब नु दुक्‍शो मुर ला बाक्‍नीम। अङगुर शांबुम मेको आन कली नेक्‍शो बाक्‍ब।

यसैया 59:12

इन ङोंइती आंइ हेंथे पशो शुश बाक्‍ब। आंइ पशो पापमी इन कली तुइक्‍पाइक्‍ब। गो मरिम्‍शो पाइब बाक्‍नीकी, दे तुइक्‍नीकी। आंइ हेंथे पशो थमा पा गोपुकी नु बाक्‍ब। गोपुकी आंइ मरिम्‍शो पशो तुइक्‍नीकी। येरमीया १४:७

यसैया 59:13

गोपुकी हेंथे गाक्‍शा, परमप्रभु यावे रे नोले शोंइसाक्‍क। आंइ परमप्रभु आ नोले खोइक्‍चा प्रोंइतक। आंइ लोव़ मुर आन कली दिप्‍चा नु परमप्रभु यावे कली मटिचा ङा बाक्‍ब। गोपुकी जोल कली थमा सुइश्‍शा, ब्रपाइश्‍शो बाक्‍तक।

यसैया 59:14

मिनु ठीक निसाफ मबाक्‍ब। ठीक पतीके ङोन बाक्‍ब। सुइ सुइमी जोल पाइनीम। मिनु रिम्‍शो थुं पाइश्‍शो मुर बाक्‍ने मचाप्‍नीम।

येरमीया 51:9

गोपुकीम बेबीलोन कली सापाइय्य वा। तन्‍न मेको मसाब। गो मेको कली प्रोंइतक। मिनु आंम आंम रागी लेत्‍तक। मारदे हना मेको आ निसाफ पशो सजाइ स्‍वर्ग सम्‍म जाक्‍दीश्‍शो बाक्‍ब। मेको सरीङ सम्‍म बोक्‍शो बाक्‍ब।

इजीकीएल 16:46

मिनु इ दिदी सामरीया बाक्‍ब। मेको इ उत्तर गे आ तमीपुकी नु बाक्‍शो बाक्‍त। इ लोक्‍ब नु आ तमी चहिं दक्‍खिन गे सोदोम सहरम बाक्‍नीम। मेको आ तमीपुकी नु बाक्‍शो बाक्‍ब।

इजीकीएल 23:4

मिनु दिदी आ नें ओहोला नु आ लोक्‍ब आ नें ओहोलीबा बाक्‍त। मेको निक्‍शी आं के दुम्‍शो बाक्‍ताक्‍स। मिनु मेको निक्‍शीमी तमी तौ थिम्‍ताक्‍स। मेको आस नें आ अर्थ मार बाक्‍त देंशा हना, ओहोला सामरीया नु ओहोलीबा यरूसलेम बाक्‍त।

इजीकीएल 24:13

मिनु गो इ कली इ ग्रांग्रा दिशो गेय रे ग्रुंइशा ग्रांग्रा मदिशो सेल्‍चा माल्‍ता। तन्‍न गे ग्रांग्रा मदिशो मदुमे। मोपतीके गो गेना सम्‍म आं गाइश्‍शो नेल्‍ल इ तार मोइश्‍शा, आं थुं मनाइक्‍पाइक्‍नुङा, मेना सम्‍म गे ग्रांग्रा मदिशो सेल्‍चा मपुंइसीनेवे। इजीकीएल ५:१३

होसे 10:5

सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५

होसे 11:12

एफ्राइममी आं कली जोल पना पन बाक्‍ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्‍चा कली थुं निक्‍शी प‍शो बाक्‍ब। तन्‍न मेकोमी मेको आन कली दाक्‍शा मप्रोंइब।

होसे 11:8

एफ्राइम, गो इ कली दोपा प्रोंइने चाप्‍नुङा? इस्राएल, गो इ कली दोपा इ जोरी सत्रु आन गुइमी गेने चाप्‍नुङा ङा? गो इ कली दोपा अदमाह कली पाइश्‍शो खोदेंशो पाइनुङा ङा? गो इ कली दोपा सेबोयीम खोदेंशो सेल्‍नुङा ङा? मुल आं थुं फांइसाक्‍व। गो गाइक्‍चा रे लेश्‍शा, शिशी पाइब दुम्‍ती। ब्‍यवस्‍था २९:२२; येरमीया ३१:२०

होसे 12:1

एफ्राइममी आं कली लोव़ पाइब। मेकोमी नेल्‍ल नाक्‍त पूर्ब ङा फश कली खेदा पाइब। मेकोमी जोल नु हुश ख्राक्‍श पोक्‍चा बारपाइक्‍ब। मेको अस्‍सुर नु गारब। मिनु इजीप्‍त रागी कली तेल सोइक्‍ब। होसे ५:१३

होसे 12:2

परमप्रभु यावेमी यहूदा आ मरिम्‍शो पशो ङा सजाइ गेप्‍तु। मेकोमी याकूब आ मरिम्‍शो पशो आ पर्बम सजाइ गेब। मेकोपुकीमी दोदेंशो पामे, मोदेंशो पा सजाइ गेब।

होसे 4:17

एफ्राइम मूर्ति आन वारच दुम्‍शो बाक्‍ब। मोपतीके मेको कली प्रोनीन।

होसे 4:2

एकेर कसम जचा, जोल पचा, मुर साइक्‍चा, खुइ पचा नु तेल्‍लेम पचा ङा लाक्‍शा, अर्को मारेइ मबाक्‍ब। नेल्‍लेमी मरिम्‍शो ला पाइनीम। मेकोपुकीम मुर साइश्‍शा, हुश ख्राक्‍श पोक्‍नीम।

होसे 5:1

मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्‍शा नेनीन। पिप आ खिं ङा मुरपुकी, नेनीन। एको निसाफ इन मरिम्‍शो पशो आ पर्बम बाक्‍ब। गेपुकी मिस्‍पा सहरमी दाइश्‍शो ब्‍वारद नु ताबोर सहरमी ब्रशो ग्‍याइल खोदेंशो दुम्‍शो बाक्‍नीनी।

होसे 6:4

मिनु परमप्रभुमी “एफ्राइम, गो इ कली मार पङ? यहूदा इ कली मार पङ? इस दाक्‍चा सुनी ङा गोस्‍स खोदेंशो नु रीब पा जाम्‍शा लाइब सीत खोदेंशो बाक्‍ब। होसे ७:१६

होसे 7:13

आबी आबी, मेकोपुकी गो रे पा ङोन लाम्‍तेक्‍म। मेकोपुकी खतम दुम्‍मल। मारदे हना मेकोपुकी आं कली मटीब दुम्‍शो बाक्‍नीम। गो मेको आन कली श्‍येत रे प्रोंइ‍चा दाक्‍नुङ। तन्‍न मेकोपुकीमी आं पर्बम जोल पाइनीम। भजन संग्रह ८१:१४-१५

होसे 8:5

सामरीया ङा मुरपुकी, इन बाछा आ मूर्ति ताइक्‍तीन। गो मेकोपुकी नु गाइश्‍शो बाक्‍नुङ। गेना सम्‍म मेकोपुकी आं मुर दुम्‍चा मदाक्‍नीमी? प्रस्‍थान ३२:२०; १राजा १२:२८

होसे 8:9

ब्‍वाकी ङा गधा हेंथे गाक्‍शो खोदेंशो पा मेकोपुकी अस्‍सुरमी लाम्‍तेक्‍म। एफ्राइम ङा मुरपुकी आंम कली दाक्‍बपुकी कली लेयसीशो बाक्‍नीम। होसे ५:१३

आमोस 3:10

मेकोपुकी ठीक गेय पस मजोक्‍नीम। हुश ख्राक्‍श पोक्‍शा नु मार मार रोइश्‍शा खुइ पशो आन बोल्‍यो दरवारम खेक्‍शा वोइक्‍नीम” दे परमप्रभु यावेमी देंत।

आमोस 3:9

‘अ‍श्‍दोद ङा बोल्‍यो दरवार नु इजीप्‍त रागी ङा बोल्‍यो दरवार ङा मुर आन कली गेपुकी सामरीया ङा पहाडमी बुक्‍कीन। मिनु मेको सहरम दुम्‍शो ठेयब रेयके नु मुर आन कली श्‍येत गेशा, दिप्‍शो कोव़ङीन’ दे मुर आन कली देनीन।

आमोस 8:14

सु सु सामरीया ङा देवता अशीमाह आ नेंमी कसम जशा ‘ए दान, इ देवता ब्रोंइशा बाक्‍शो खोदेंशो पा’ नु ‘बेयर-शेबा ङा देवता ब्रोंइशा बाक्‍शो खोदेंशो पा’ देंशा कसम जाइब नेल्‍ल गेनायो मबोक्‍चा ङा पा गोल्‍नीम” दे परमप्रभु यावेमी देंत। न्‍यायाधीस १८:३०

मीका 6:16

गे ओम्री आ अरेशो लोव़ पाप्‍तीवी। मिनु आहाब आ खिं ङा मुर आन पशो नेल्‍ल पाप्‍तीवी। मिनु मेको आन गेशो अर्ती टिप्‍तीवी। मोपतीके गो इ कली खतम पोक्‍नुङ। मिनु इ मुर आन कली शुक्‍शी पतीक सेल्‍नुङ। गे आं मुर आन गाइश्‍शो ताइनेवे” दे ब्रेन्‍न ब्रेन्‍न बाक्‍ब। १राजा १६:२९-३३

मत्ती 23:37

ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोथीमी आ चितोली आन कली आ फ्रा आगामी पुप्‍शो खोदेंशो पा, गो शुश खेयप इ आल आन कली पुप्‍चा माल्‍ता, गे चहिं मबिस्‍से।

लूका 13:34

मिनु यरूसलेम कली “ए यरूसलेम, यरूसलेम, परमप्रभु यावे आ लोव़ पाइब आन कली साइक्‍तीवी। इ कली शेंथ सोइश्‍शो आन कली फुल्‍लु क्रोम्‍ताक्‍वी। पोव़थीमी आ चितोली आन कली पुप्‍शो खोदेंशो पा, गो शुश खेयप इ आल आन कली पुप्‍चा माल्‍ती, गे चहिं मबिस्‍से। मत्ती २३:३७-३९; लूका १९:४१-४४

लूका 19:42

“थुं नाइक्‍तीक ते रे जाक्‍बा, दे तुइक्‍ती हना दुम वा। तन्‍न मुल मेको इ ङोंइती रे ख्रुइश्‍शो बाक्‍ब। लूका १३:३४; मत्ती १३:१३,१४