होसे 4:8 - Sunuwar Bible

⁸ मेकोपुकी आं मुर आन पाप आ पर्बम चढ़ेशो ब्‍वशा दोम्‍नीम। मिनु मुरपुकीम पाप पशो दाक्‍नीम। लेवी ४:१३-२१, २७-३५; लेवी ६:१९

होसे 4:8 ပူးပေါင်းရင်းမြစ်များ

२ राजा 12:16

मिनु दोस आ पर्बम नु पाप आ पर्बम चढ़ेशो क्‍येट चहिं परमप्रभु यावे आ खिं ङा क्‍येट नु मब्वाइक्‍तमे बाक्‍त। मेको चहिं चढ़ेब आन के दुम्‍बाक्‍माक्‍त।

भजन संग्रह 24:4

आन गुइमी काइ मरिम्‍शो मपाइबपुकी, रिम्‍शो थुं पाइश्‍शोपुकी, मूर्ति आन ङोंइती सेउ मपाइबपुकी नु जोल पा कसम मजाइबपुकी ला मेकेर ङोइक्‍ने चाप्‍नीम।

भजन संग्रह 25:1

परमप्रभु यावे, गो आं थुंमी इन नेक्‍था दुम्‍नुङ।

यसैया 56:11

कुचुमपुकी शुश जचा ब्‍वचा दाक्‍नीम। गेनायो मरूनीम। मेको गोठला यो मोदेंशो मरुप्‍ब बाक्‍नीम। मेको नेल्‍ल आंम आन लां खोइक्‍ब बाक्‍नीम। मारेइ मारेइ आंम के सेल्‍चा दाक्‍‍नीम। मेको नेल्‍ल खाल का ङा बाक्‍नीम। येरमीया ६:१३

इजीकीएल 14:3

मार लोव़ पाप्‍तु देंशा हना “ए मुर, एको खाल्‍पापुकीम आन मूर्ति आन आन थुंम वोइश्‍शो बाक्‍तेक्‍म। मिनु मरिम्‍शो पा दाइल पांइसीतीक फुल्‍लु यो आन ङोंइती वोइश्‍शो बाक्‍नीम। मार, आन हिल्‍लो पशो लोव़ गो लेत्‍चा माल्‍नुङा, ङा?

इजीकीएल 14:7

इस्राएल आ खिं ङा मुर सुइ नु मेकेर बाक्‍ब अर्को रागी ङा मुर सुइमी आं कली प्रोंइशा, मूर्ति आन थुंम वोइश्‍शा, आन मरिम्‍शो पा दाइल पांइसीतीक फुल्‍लु आन ङोंइती वोइश्‍शा, आं लोव़ पाइब आन बाक्‍तीक जाक्‍तेक्‍म हना, गो, परमप्रभु यावेमी, मेको आन थुंम मूर्ति वोइश्‍शा जाक्‍शो मुर आन कली लोव़ लेत्‍नुङमी।

होसे 10:13

तन्‍न गेपुकी परमप्रभु यावेमी अरेशो मटितीकेम ग्रुम्‍शा बाक्‍तीनी। मिनु ठीक मदुम्‍तीके खुप्‍शा बाक्‍तीनी। गेपुकी जोल आ फल जाइब बाक्‍तीनी। मारदे हना गे आंम बोल नु इन लडाइ पाइब आन कली थमा सुइक्‍तीनी। अय्‍युब ४:८

होसे 12:8

एफ्राइममी “गो शुश क्‍येट थीब दुम्‍ती। गो शोंप पाइश्‍शो बाक्‍नुङ। आं शुश क्‍येट चेम्‍तीके ‘गे पाप पाप्‍तीवी’ दे दोस गेने मचाप्‍नीम” देंत। प्रकाश ३:१७

होसे 14:1

गे इस्राएली, परमप्रभु यावे, इन परमप्रभु गे लेश्‍शा जाक्‍कीन। मारदे हना गे इन मरिम्‍शो पतीके रे खतम दुम्‍तीनी।

लेवी 6:22

मोपा हारून आ नोले आ तेल लुक्‍शो तौमी मोदेंशो पचा माल्‍ब। मेको गेना हना यो परमप्रभु यावे केन बाक्‍ब। मिनु मेको नेल्‍ल चोचा माल्‍ब।

लेवी 6:26

मेको पाप क्‍याम्‍चा कली चढ़ेशो चढ़ेबमी मेको रे ब्‍वचा माल्‍ब। मेकोपुकीमी ग्रुम्‍तीक ताम्‍बु ङा लाङगाम बाक्‍शा, ब्‍वचा माल्‍नीम।

मीका 3:11

मेकेर ङा ठेयब मुरपुकीमी घूस जशा निसाफ पाइनीम। मेकेर ङा चढ़ेबपुकीम शेंशो ङा क्‍येट ताक्‍नीम। परमप्रभु यावे आ लोव़ पाइबपुकी क्‍येट तचा कली नोले दुम्‍ब लोव़ पाइनीम। मो हना यो मेकोपुकीमी ‘परमप्रभु यावे आंइ दातेमी बाक्‍ब। गो श्‍येत मजाइनीकी’ देंनीम। येरमीया ७:४

मलाकी 1:10

मिनु लेंशा “गेपुकीमी आं चढ़ेतीकेमी मो मी मुइक्‍चा क्‍येङा का लशा लाप्‍चो चोक्‍नी हना, रिम्‍शो दुम वा। गो इन कली तशा मग्‍येरसीशो बाक्‍नुङ। मिनु इन चढ़ेशो यो मताक्‍नुङ” दे मुर नेल्‍ल आन परमप्रभु यावेमी देंत। मलाकी २:१३; यसैया १:१३

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

तीतस 1:11

मोदेंशो मुर आन कली ब्‍वालेइ पपाइक्‍चा माल्‍नीम। मारदे हना खिं खिं ङा मुर नेल्‍ल आन कली जिपाइक्‍नीमी। मिनु क्‍येट चेम्‍चा कली शेंनीमी।

२ पत्रुस 2:3

मेको आन शीम पतीकेमी इन कली दूली लोव़ पा, इन क्‍येट योल्‍नीम। मेकोपुकी ङोंइती रे नरक लचा चिक्‍शो बाक्‍नीम।

१ सामुएल 2:29

मारदे गे आं देंशो चढ़ेशो नु जचा थोव़क चढ़ेशो नेल्‍ल आइक्‍च मिम्‍ती? मिनु आं क्‍येङा गे इ तौ आस कली ठेयब सेल्‍नेवे। आं मुर, इस्राएली आन चढ़ेशो रे गे नेल्‍ल क्‍येङा रिम्‍शो मारदे आंम कली वोंइसीशा, इ तौ आस कली ठेयब सेल्‍नेवे?” देंमाक्‍त।