होसे 4:7 - Sunuwar Bible

⁷ चढ़ेबपुकी दोशो बारमा, मोशोन आं कली मरिम्‍शो पाम्‍तेक्‍म। मेको आन ठेयब दुम्‍तीके ताइश्‍शा, मुने दोक्‍तीक गेय पाम्‍तेक्‍म।

होसे 4:7 ပူးပေါင်းရင်းမြစ်များ

एज्रा 9:7

गो आंइ किकी पिपी रे मुलाक्‍त ङा नाक्‍त सम्‍म आंइ दोस थम ठेयब बाक्‍ब। आंइ काइ मरिम्‍शो पतीके आंइ पिप नु चढ़ेबपुकी अर्को रागी ङा पिप आन गुइमी साइक्‍चा, चोक्‍चा, मारेइ मारेइ रोइक्‍चा पुंइसीचा नु शुश मुने तोक्‍चा पुंइसाक्‍म। मिनु गोपुकी यो सिनाक्‍त मुलाक्‍त मोदेंशो दुम्‍शो बाक्‍नीकी।

होसे 10:1

ङोंइती इस्राएल ब्राक्‍शो नु शुश फल सिप्‍ब अङगुर बोट का बाक्‍‍त। मिनु इस्राएल ङा मुरपुकी शुश क्‍येट थीब दुम्‍तेक्‍म। मिनु मोपा मेकोपुकीमी फुल्‍लु के चढ़ेतीक यो शुश सेल्‍तेक्‍म। मिनु मेको रागीमी दोशो क्‍येट चेम्‍मे, मोशोन मे कोपुकीमी आन थाम ङा मूर्ति दारपाइक्‍तेक्‍म। येरमीया २:२१; लेवी २६:१

होसे 10:6

मेको मूर्ति कली अस्‍सुर लाइक्‍नीम। मिनु ठेयब पिप कली सोइक्‍नीम। एफ्राइम मुने दोक्‍ब, इस्राएल चहिं आ मिम्‍शो आ पर्बम मुने दोक्‍ब। होसे ५:१३

होसे 13:14

गो मेको आन कली तुरस रे प्रोंइनुङा ङा? गो मेको आन कली बेक्‍चा रे पा प्रोंइनुङा ङा? साइक्‍ब, इ साइक्‍तीक ते बाक्‍बा? तुरस, इ खतम सेल्‍तीक ते बाक्‍बा? गो शिशी मपाइनुङ। २तिमोथी १:१०; प्रकाश २०:१४; १कोरिन्‍थी १५:५४-५५

होसे 13:6

गो मेको आन कली रूपाइक्‍ता। मिनु मेकोपुकी ठेयब लेश्‍शा, आं कली प्रेंताक्‍म। ब्‍यवस्‍था ३२:१५

होसे 4:10

मेकोपुकीमी जाइनीम ब्‍वाइनीम, तन्‍न मरूनीम। मेकोपुकीमी तेल्‍लेम पशा, सोशा बोशा मलाइनीम। मारदे हना मेकोपुकीमी तेल्‍लेम पचा कली परमप्रभु यावे कली प्रोंइतेक्‍म।

होसे 5:1

मिनु परमप्रभुमी “चढ़ेबपुकी, एको लोव़ नेनीन। इस्राएलीपुकी इन नोफा दाइश्‍शा नेनीन। पिप आ खिं ङा मुरपुकी, नेनीन। एको निसाफ इन मरिम्‍शो पशो आ पर्बम बाक्‍ब। गेपुकी मिस्‍पा सहरमी दाइश्‍शो ब्‍वारद नु ताबोर सहरमी ब्रशो ग्‍याइल खोदेंशो दुम्‍शो बाक्‍नीनी।

होसे 6:9

दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।

होसे 9:11

एफ्राइम आ सक्ति चिक्‍ब खोदेंशो पा बेरशा लाइब। मेको आन दातेमी सुइ यो आल थीब मदुम्‍नीम।

हबकुक 2:16

गे ठेयब दुम्‍चा क्‍येङा शुश मुने दोक्‍नेवे। मुल इ पालो जाक्‍त। गे यो तूशा, दुक्‍शा दाइल पांइसो। परमप्रभु यावेमी आ ग्‍युरा गुइ ङा कचौरा इ कली गे‍ब। मिनु इ ठेयब दुम्‍तीके मुने दोक्‍ब। येरमीया २५:१५,२६

मलाकी 2:9

परमप्रभुमी “मोपतीके गो इन कली मुर नेल्‍ल आन ङोंइती आइक्‍च नु महिक्‍सीशो सेल्‍ता। मारदे हना गेपुकीमी आं लां प्रोंइतीनी। आं शेंशो लोव़ मटिथु, कुल कोव़मुशा हुकुम पाइतीनी” देंत।

ब्‍यवस्‍था 32:15

मिनु येशुरुनमी दोम्‍शा ताइक्‍तु। गे दोम्‍ते। गे दोम्‍शा, ठेयब लेश्‍शो दुम्‍ते। मेकोमी आ कली सेल्‍ब परमप्रभु कली प्रोंइतु। मिनु आ श्‍येत रे प्रोंइब सेरथे फुल्‍लु, कली प्रोंइतु। येशुरुन याकूब-इस्राएल कली मान पतीक नें बाक्‍ब। ब्‍यवस्‍था ३३:५,२६; यसैया ४४:२; ब्‍यवस्‍था ३१:२०; नेहेम्‍याह ९:२५

फिलिप्‍पी 3:19

नोले मेकोपुकी जाम्‍शा लाइनीम। आन कोव़ज कली परमप्रभु यावे क्‍येङा ठेयब बाक्‍ब, दे मुने पचा ङा गेयमी आंम कली ठेयब सेल्‍सीशा, आन थुंमी रागी ङा माल्‍शो ला मिम्‍नीम। रोमी १६:१८

१ सामुएल 2:30

मोपतीके परमप्रभु यावे, इस्राएली आन परमप्रभुमी “इ किकी पिपी आन खिं ङा मुर नेल्‍ल गेना हना यो आं ङोंइती चढ़ेब दुम्‍नीम, गो कसम जशो नङ” देंशो बाक्‍त। तन्‍न परमप्रभु यावेमी “मुल ओदेंशो मदुम्‍ब। मारदे हना आं कली ठेयब सेल्‍ब आन कली गो ठेयब सेल्‍नुङ। आं कली आइक्‍च सेल्‍ब नेल्‍ल आइक्‍च सेल्‍चा पुंइसीनीम। प्रस्‍थान २८:१; मलाकी ३:१६-१८