होसे 4:5 - Sunuwar Bible

⁵ गेपुकी काबु नाक्‍ती खतम दुम्‍नीनी। मिनु आं लोव़ पाइबपुकी यो गेपुकी नु काथा खतम दुम्‍नीम। मोपतीके गो इन खिं ङा मुर नेल्‍ल गे नु खतम सेल्‍नुङमी।

होसे 4:5 ပူးပေါင်းရင်းမြစ်များ

यसैया 50:1

मिनु परमप्रभु यावेमी “गोम इन ममा कली प्रोंइशा गेशो छोड पत्र ते बाक्‍म? गो तेको आं कली जेर गेब कली इन कली ले‍यन्‍नी? ममाइ, गे इन पापम पतीके लेयसीशो ननी। इन हेंथे पतीकेमी इन ममा प्रोंइचा पुंइसीशो बाक्‍ब। यसैया ५४:६; ब्‍यवस्‍था २४:१; यसैया ५२:३

येरमीया 15:8

मेको आन वोंइश बेक्‍शो मीश मुरपुकी समुन्‍द्र ङा बाल्‍वा क्‍येङा शुश दुम्‍तेक्‍म। नाक्‍ती उइक्‍थ दुम्‍मेनु, तौ नु आन ममा आन पर्बम साइक्‍ब का चाक्‍नुङ। गो कालेम मेको आन तार सुर्ता पतीक नु ग्रीचोक पा हिंतीके चाक्‍नुङ।

येरमीया 23:9

परमप्रभु यावेम आ लोव़ पाइब आन पर्बम लोव़ पशो बाक्‍ब। मेको नेंशा आं थुं जिक्‍त। आं रुश नेल्‍ल ख्रिंख्रि पाइनीम। गो दुक्‍शो मुर खोदेंशो दुम्‍ती। गो अङगुर शांबु शुश तूशा दुक्‍शो खोदेंशो दुम्‍ती। गो परमप्रभु यावे आ पर्बम नु आ लोव़ आ पर्बम मोदेंशो दुम्‍ती।

येरमीया 50:12

इन ममा थाम्‍पा मुने दोक्‍ब। इन कली जरमे‍ब शिशी मताइब। मेको इन रागी रागी आन दातेमी नेल्‍ल क्‍येङा आइक्‍च दुम्‍ब। मेको मुर मबाक्‍तीके सोव़शो रागी नु गोरशो रागी दुम्‍ब।

इजीकीएल 14:3

मार लोव़ पाप्‍तु देंशा हना “ए मुर, एको खाल्‍पापुकीम आन मूर्ति आन आन थुंम वोइश्‍शो बाक्‍तेक्‍म। मिनु मरिम्‍शो पा दाइल पांइसीतीक फुल्‍लु यो आन ङोंइती वोइश्‍शो बाक्‍नीम। मार, आन हिल्‍लो पशो लोव़ गो लेत्‍चा माल्‍नुङा, ङा?

होसे 2:2

इन ममा कली हुइक्‍तीन। मेको कली शुश हुइक्‍तीन। मारदे हना मेको आं मीश मबाक्‍ब। मिनु गो मेको आ वोंइश मनङ। मेकोमी आ मिक्‍च वोंइश मुर गे हिरचा प्रोनल। मिनु आ दूध आस दाते ङा नाता ख्रोइश्‍शा, ग्रांग्रा दिशो गेय प्रोनल। इजीकीएल १६:२३;

होसे 2:5

मेको आन ममा जोल पा अर्को मुर नु गाक्‍त। मेको आन कली मुने पा थिशो बाक्‍त। मेकोमी ‘गो आं कली दाक्‍ब वोंइश खोइक्‍नुङ। मिनु मेकोमी आं कली जचा तूचा, ऊन नु सुती वा, तेल नु अङगुर शांबु गेब’ देंत। येरमीया ४४:१७

होसे 5:5

इस्राएली आन ठेयब लेत्‍तीकेमी मरिम्‍शो पाइब बाक्‍नीम, दे आन सांकछी बाक्‍ब। एफ्राइम ङा मुरपुकी आंम पाप पतीकेमी खतम दुम्‍नीम। यहूदा ङा मुरपुकी यो मेकोपुकी नु खतम दुम्‍नीम।

जकरिया 11:8

गो महिना कामी गोठला सां आन कली खेर‍तामी। गो मेको आन गेय तशा ब्रीशा, फाल्‍ने मचाप्‍शो बाक्‍ती।

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

गलाती 4:26

इर ङा यरूसलेम चहिं प्रोंइसीशो बाक्‍ब। मेको यरूसलेम कली इं ममा मिम्‍नय। हिब्रू १२:२२; प्रकाश २१:२