होसे 4:15 - Sunuwar Bible

¹⁵ गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

होसे 4:15 ပူးပေါင်းရင်းမြစ်များ

२ इतिहास 17:4

तन्‍न मेको परमप्रभु यावे, आ आफ आ परमप्रभु आ नोले खोदा बाक्‍त। मिनु मेको आ शेंशो पवा बाक्‍त। मेको इस्राएल ङा पिप आन लांम मगाक्‍माक्‍त।

२ इतिहास 21:11

मेकोमी यहूदा ङा पहाडमी डांडा ङा थानपुकी सेला बाक्‍त। मिनु मेकोमी यरूसलेमम बाक्‍ब मुर आन कली मूर्ति पूजा पा परमप्रभु कली प्रोंइपाइक्‍मी बाक्‍त। मिनु यहूदा कली दूली लांम गाक्‍पदा बाक्‍त।

यसैया 48:1

मिनु परमप्रभु यावेमी “याकूब आ खिं ङा मुर, नेनीन। इन कली इस्राएल नें वोइश्‍शो बाक्‍ब। गे यहूदा आ चच युइ बाक्‍नीनी। गे परमप्रभु यावे आ नें थिशा, कसम जाइनीनी। गे इस्राएली आन परमप्रभु कली ठेयब सेल्‍खु पाइनीनी। यसैया ५१:१

येरमीया 44:26

मोपतीके गे इजीप्‍तम बाक्‍ब यहूदी नेल्‍ल परमप्रभु यावे आ लोव़ नेनीन। परमप्रभु यावेमी गो आं ठेयब नेंमी कसम जाइनुङ। मुल मेको इजीप्‍त रागीम बाक्‍ब यहूदा ङा मुर आन शोव़ रे ‘परमप्रभु, परमप्रभु यावे ब्रोंइशा बाक्‍शो खोदेंशो पा’ दे देंतीकेमी आं नें गेनायो मदेंनीम।

येरमीया 5:2

मेकोपुकीमी ‘परमप्रभु यावे ब्रोंइशा बाक्‍शो खोदेंशो पा’ दे कसम जाइनीम। मो हना यो मेकोपुकीमी जोल लोव़ पाइनीम” देंत। येरमीया ४:२

इजीकीएल 20:39

ए इस्राएल आ खिं ङा मुरपुकी, परमप्रभु यावेमी इन कली ‘लन। गे आं देंशो टिचा मदाक्‍नीनी हना, मुल रे गे नेल्‍लेम इन इन मूर्ति आन कली पूजा पने। तन्‍न इन मूर्ति पूजा पतीकेमी आं नें कली गेनायो ग्रांग्रा दिशो मसेलीन।

होसे 10:5

सामरीयामी बाक्‍ब मुरपुकी बेथ-आवेन ङा बाछा आ मूर्ति आ पर्बम हिंनीम। ङोंइती मेको मूर्ति आ दारस तशा, ग्‍येरसीशो मुरपुकी मेको आ पर्बम रोंका पाइनीम। चढ़ेबपुकी यो मेको आ पर्बम रोंका पाइनीम। मारदे हना मेको मूर्ति ङोन लाइक्‍सीशो बाक्‍ब। होसे ४:१५

होसे 10:8

मिनु आन मरिम्‍शो पतीक मूर्ति बाक्‍शो आवेन डांडा खतम पोक्‍नीम। मेको इस्राएल ङा मुर आन पाप पशो बाक्‍ब। मेको आन फुल्‍लु के चढ़ेतीकेमी चुं नु चोंक वाशा सुम्‍नीम। मिनु मेकोपुकीमी पहाड कली “आंइ कली सुम्‍की” दे डांडा कली “आंइ तारी दोक्‍कीन” देंनीम। होसे ९:६; लूका २३:३०; प्रकाश ६:१६

होसे 11:12

एफ्राइममी आं कली जोल पना पन बाक्‍ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्‍चा कली थुं निक्‍शी प‍शो बाक्‍ब। तन्‍न मेकोमी मेको आन कली दाक्‍शा मप्रोंइब।

होसे 12:1

एफ्राइममी आं कली लोव़ पाइब। मेकोमी नेल्‍ल नाक्‍त पूर्ब ङा फश कली खेदा पाइब। मेकोमी जोल नु हुश ख्राक्‍श पोक्‍चा बारपाइक्‍ब। मेको अस्‍सुर नु गारब। मिनु इजीप्‍त रागी कली तेल सोइक्‍ब। होसे ५:१३

होसे 12:11

गिलाद मरिम्‍शो पाइब बाक्‍ब। मेको आ मुरपुकी शोर गाक्‍शो बाक्‍नीम। मेकोपुकीमी गिल्‍गालमी ब्‍यफ चढ़ेम्‍तेक्‍म हना, आन फुल्‍लु के चढ़ेतीक ब्रेश्‍शा, फुल्‍लु देल्‍शो खोदेंशो दुम्‍ब। होसे ६:८; होसे ९:१५

होसे 12:12

मिनु याकूब प्रोक्‍शा, अराम रागीमी लत। मेकेर इस्राएलमी मीश चाक्‍चा आ पर्बम गेय पाप्‍तु। मेकोम मेकेर भेडा योव़तु। उत्‍पत्ती २७:४३; उत्‍पत्ती २८:५; उत्‍पत्ती २९:२०

होसे 4:12

आं मुरपुकीमी शी के मूर्ति कली हिल्‍लो पाइनीम। मिनु मेकोपुकीमी कोक्‍केमी साहीत कोव़नीम। मारदे हना तेल्‍लेम पतीक थुंमी मेको आन कली हेंथे गाक्‍पाइश्‍शो बाक्‍ब। मेकोपुकीमी तेल्‍लेम पचा कली परमप्रभु कली प्रोंइतेक्‍म। येरमीया २:२७; होसे ५:४

होसे 5:8

गिबामी तुराही नु रामाह सहरमी ग्रोव़ ताप्‍पीन। बेथ-आवेनमी लडाइ ङा तुराही ताप्‍पीन। बेन्‍यामीन ङा मुरपुकी ङोंइती बारीन। २राजा १५:३७; यसैया ७:१-९; होसे ४:१५

होसे 9:15

मेको आन मरिम्‍शो पतीके नेल्‍ल गिल्‍गालम पाम्‍तेक्‍म। मेक रे गो मेको आन कली तशा ग्रांग्रा दि‍चा गोव़ता। मेको आन काइ मरिम्‍शो पतीके, गो आं खिं रे खेरनुङमी। मेको आन ठेयब मुर नेल्‍ल मटीब बाक्‍नीम।

आमोस 4:4

मिनु परमप्रभु यावेमी “बेथेल सहरम ल‍शा, मरिम्‍शो पने। गिल्‍गालमी लशा, मेको क्‍येङा यो शुश मरिम्‍शो पने। सुनी कुस कुस इन चढ़ेतीक चाक्‍कीन। नाक्‍त सां सांमी इन १० भाग ङा भाग का चाक्‍कीन। होसे १२:१२; ब्‍यवस्‍था १४:२८

आमोस 5:5

बेथेल कली ममालीन। मिनु गिल्‍गाल मलने। बेयर-शेबामी मगाक्‍कीन। मारदे हना गिल्‍गाल ङा मुर थमा पा ग्‍याइश्‍शा लाइक्‍चा पुंइसीनीम। मिनु बेथेल खतम दुम्‍ब। आमोस ४:४; होसे ४:१५

आमोस 6:10

मिनु खिं ङा मुर कामी मेको आन बेक्‍शो रां चोइब, खिं आगा रे बेक्‍शो मुर ग्रुंइचा कली जाक्‍शा, मेकेर ख्रुइक्‍ब का कली “गेपुकी नु अरु सुइ बाक्‍नीमी?” दे हिल्‍लो पाइब। मिनु मेकोमी “मबाक्‍ब” देंब। मिनु खिं ङा मुरुमी “सिक्‍सी पावो। गोपुकीमी परमप्रभु यावे आ नें थिचा मदुम्‍ब” देंब। आमोस ८:३

आमोस 8:14

सु सु सामरीया ङा देवता अशीमाह आ नेंमी कसम जशा ‘ए दान, इ देवता ब्रोंइशा बाक्‍शो खोदेंशो पा’ नु ‘बेयर-शेबा ङा देवता ब्रोंइशा बाक्‍शो खोदेंशो पा’ देंशा कसम जाइब नेल्‍ल गेनायो मबोक्‍चा ङा पा गोल्‍नीम” दे परमप्रभु यावेमी देंत। न्‍यायाधीस १८:३०

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

यहोसु 5:9

मिनु परमप्रभु यावेमी यहोसु कली “मुलाक्‍त ङा नाक्‍ती इजीप्‍त ङा इन मुने नेल्‍ल क्‍याम्‍ताक्‍ङ” देंत। मोपतीके मुलाक्‍त सम्‍म मेको आन बाक्‍शो बाक्‍तीके कली गिल्‍गाल देंशो बाक्‍नीम। यहोसु ४:१९

यहोसु 7:2

मिनु यहोसुमी यरीको रे बेथेल आ पूर्ब बेथ-आवेन आ नेक्‍था ऐ सहरमी मुर आन कली सोइक्‍ताक्‍व। मिनु मेको आन कली “गेपुकी मेक लशा, मेको रागी कली क्‍यारी पन” दे माइक्‍तु। मिनु मेको मुरपुकी लशा, मेको ऐ सहर कली क्‍यारी पाम्‍तेक्‍म।