होसे 4:10 - Sunuwar Bible

¹⁰ मेकोपुकीमी जाइनीम ब्‍वाइनीम, तन्‍न मरूनीम। मेकोपुकीमी तेल्‍लेम पशा, सोशा बोशा मलाइनीम। मारदे हना मेकोपुकीमी तेल्‍लेम पचा कली परमप्रभु यावे कली प्रोंइतेक्‍म।

होसे 4:10 ပူးပေါင်းရင်းမြစ်များ

२ इतिहास 24:17

मिनु येहो-यादा बेक्‍म नोले यहूदा ङा सरकार आ गेय पाइब पिप योआश कली ग्रुम्‍थ जाक्‍शा, मेको कली सेउ पामे बाक्‍त। मिनु पिपम मेको आन लोव़ नेना बाक्‍त।

भजन संग्रह 125:5

तन्‍न परमप्रभु यावेमी नोले शोंइसीशा मरिम्‍शो लां खोइक्‍ब आन कली मरिम्‍शो पाइश्‍शा खतम पोक्‍ब। इस्राएलमी थुं नाइश्‍शा बाक्‍तीक दुम्‍ल। भजन संग्रह १२८:६; गलाती ६:१६

भजन संग्रह 36:3

मेको आन लोव़ मरिम्‍शो नु जोल ला बाक्‍ब। मेकोपुकीमी रुप्‍ब थुंम मिम्‍शा, रिम्‍शो पचा प्रोंइने थुम्‍शो बाक्‍नीम।

हितोपदेस 13:25

ठीक पाइबमी रूत्री जचा ताइनीम। तन्‍न परमप्रभु यावे आ अरेशो मटीब शोव़लुन बाक्‍चा माल्‍नीम।

येरमीया 34:15

गेपुकीम चहिं नक माफ पुंइशा आं ङोंइती नेल्‍ल आन कली प्रोंइचा नम, देंशो लोव़ ठीक पाइतीनी। मिनु गेपुकीमी आं नें बाक्‍तीक खिंम आं ङोंइती कबल का पाइतीनी। लेवी २५:१०

येरमीया 9:12

मेको लोव़ रुप्‍चा कली जोक्‍ब तुइक्‍ब सु बाक्‍बा ङा? परमप्रभु यावेम सु कली लोव़ पवा, मेकोमी एको शेंने चाप्‍ब। मारदे मेको रागीम ब्रेश्‍शो खिं ला बाक्‍नीमी? मारदे मेको मुर मबाक्‍तीके खोदेंशो दुम्‍शा, सुइ लने मचाप्‍चा ङा पा, श्‍येत्‍थ दुम्‍शो बाक्‍बा? लूका १९:४२

इजीकीएल 18:24

तन्‍न ठीक पाइब मुरुम आ ठीक पतीक प्रोंइशा, मरिम्‍शो पाप्‍तु हना, आं अरेशो लोव़ मटीबपुकीम खोदेंशो पा ग्रांग्रा दिशो गेय पाप्‍तु हना, मार मेको ब्रोंइबा ङा? मेको आ ङोंइती पशो ठीक गेय मारेइ ममिम्‍सीब। मेको आ मरिम्‍शो पशो नु आ पाप आ पर्बम बेक्‍चा माल्‍ब। इजीकीएल ३:२०

इजीकीएल 22:9

मेकेर मुर आन पर्बम जोल लोव़ पा साइक्‍पाइक्‍ब मुर बाक्‍नीम। मिनु डांडा ङा थानम चढ़ेशो मार मार जाइब मुर यो बाक्‍नीम। मेकोपुकीम थम मरिम्‍शो गेय पाइनीम।

होसे 4:14

गो इन तमी आन तेल्‍लेम पशो नु इन चाइमी अरु आन वोंइश नु बाक्‍शो आ पर्बम सजाइ मगेनुङ। मारदे हना मेको वोंइश मुर यो सुइ मबाक्‍तीकेमी तेल्‍लेम नु लशा देवी देवता आन कली चढ़ेनीम। मोदेंशो मरुप्‍ब मुरपुकी जाम्‍शा लाइनीम। होसे १:२

होसे 7:4

मेको नेल्‍ल तेल्‍लेम बाक्‍नीम। मेकोपुकी शोब्‍ले चोचा कली होइश्‍शो चुप्‍लु खोदेंशो बाक्‍नीम। मेको शोब्‍ले चोइबमी फस निवा रे मबोरम सम्‍म मी थुक्‍चा ममाल्‍ब।

लेवी 26:26

मिनु गो इन अन्‍न थमा पा साम्‍पाइक्‍नुङ। १० ओटा खिं ङा मीश मुरुमी चुप्‍लु कामी क्‍येनीम। क्‍येशा पुक्‍शा तेम्‍मेनु, सुइ मरू‍नीम। यसैया ३:१; इजीकीएल ४:१६

मीका 6:14

गे जचा थोव़क जाइ‍नेवे, तन्‍न मरूनेवे। मिनु इ कोव़ज शोव़लु बेक्‍शोन बाक्‍ब। गे खेक्‍चा दा खेक्‍नेवे, तन्‍न उप्‍शा वोइक्‍ने मचाप्‍नेवे। गे मार खेक्‍नेवे, मेको नेल्‍ल लडाइम खतम दुम्‍ब।

सेफन्‍याह 1:6

गो, परमप्रभु यावे, आं कली ममाल्‍थु, मपुंइथु आं नोले खोइक्‍चा प्रोंइशा, नोले शोंइसीब आन कली खतम पोक्‍नुङमी।

हाग्‍गै 1:6

गे शुश शोक्‍तीनी, तन्‍न इच्‍का ला खुप्‍ताक्‍नी। गे जाइनीनी, तन्‍न मरूनीनी। गे तूनीनी, तन्‍न इन तूतू दाक्‍तीके मबेक्‍ब। गे फेक्‍नीनी, तन्‍न इन रां महोइब। गे शुश गेय पा क्‍येट चेम्‍नीनी, तन्‍न होइश्‍शो थैलीम कुर पा वोइक्‍नीनी” देंत। ब्‍यवस्‍था २८:३८