होसे 2:9 - Sunuwar Bible

⁹ मोपतीके बाली मीमेनु नु नक अङगुर शांबु बोक्‍मेनु, मेको गो लांइसीनुङ। मिनु मेकोमी फेक्‍शो आं ऊन नु सुती वा यो लांइसीनुङ।

होसे 2:9 ပူးပေါင်းရင်းမြစ်များ

इजीकीएल 16:27

मोपतीके गो इ कली सजाइ गेतन। गो इ कली शुश जचा थोव़क मगेथु, इ जोरी सत्रु आन गुइम गेतन। गो इ कली पलिस्‍ती आन दाक्‍शो सिखार दुम्‍पाइक्‍चा कली गेतामी। पलिस्‍ती आन तमीपुकी इ मरिम्‍शो पशो तशा मुने पाम्‍तेक्‍म।

इजीकीएल 16:39

मिनु गो इ कली इ मदाक्‍शो मुर आन गुइम जिम्‍मा गेनुङ। मिनु मेकोपुकीम इ लाइश्‍शो बाक्‍तीके नु लां ङा बाक्‍तीके प्रेत्‍नीम। मेकोपुकीमी इ वा प्रुइश्‍शा इ दारशो थोव़क रोइश्‍शा, इ कली शिश्रा सेल्‍शा प्रोंइनीम।

इजीकीएल 23:26

मेकोपुकीम इ वा प्रुइश्‍शा शिश्रा सेल्‍नीम। मिनु इ दारशो गहनापुकी रोइश्‍शा लाइक्‍नीम।

दानीएल 11:13

मिनु उत्तर ङा पिपमी ङोंइती क्‍येङा शुश लडाइ पाइब खुप्‍ब। मिनु बर्स का निक्‍शी नोले लडाइ पचा कली शुश या कुरशा शुश लडाइ पाइब नु बारब।

होसे 2:3

मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।

होसे 8:7

मेकोपुकीमी फश शोक्‍नीम। मिनु ठेयब फश गिवार खुप्‍नीम। मेको आन चेरब बोटमी बाला मबाक्‍नीम। मिनु मेकोपुकीमी फस सेल्‍ने मचाप्‍नीम। आन बाला बाक्‍तेक्‍म हना यो, रागी रागी ङा मुरपुकीमी मेको खुप्‍शा जाइनीम। येरमीया १२:१३

होसे 9:2

मुल अन्‍न आ खला ङा अन्‍नम नु अङगुर कोल ङा अङगुर शांबुम मुर आन कली मरूपाइक्‍ब। नक अङगुर शांबु मेको आन कली मजाक्‍दीप्‍ब।

योएल 2:14

मिनु परमप्रभु यावेमी आ थुं लेश्‍शा, सजाइ मगेथु, आसीक गेबा कों? मेको सुम तुइक्‍बा ङा? मिनु गेपुकीम परमप्रभु यावे, इन परमप्रभु कली अन्‍न चढ़ेतीक नु तूचा थोव़क चढ़ेतीके चढ़ेने। योना ३:९

सेफन्‍याह 1:13

मेको आन शोंप नेल्‍ल रोइक्‍चा पुंइसीनीम। मेको आन खिं ब्रेत्‍नीम। मेकोपुकीमी खिं सेल्‍तेक्‍म हना यो, मेकेर बाक्‍चा मताइनीम। मेकोपुकीम अङगुर ख्रुम्‍तेक्‍म हना यो, अङगुर शांबु तूचा मताइनीम। ब्‍यवस्‍था २८:३०,३९; आमोस ५:११

मलाकी 1:4

मिनु एदोम ङा मुरपुकीमी “गोपुकी ब्रुंइसाक्‍व हना यो, गो लेंशा मेको ब्रेश्‍शो नेल्‍ल सेल्‍नीकी” देंतेक्‍म। मुर नेल्‍ल आन परमप्रभु यावेमी “मेकोपुकीमी सेल्‍तेक्‍म हना यो, गो प्रेत्‍नुङ। मिनु अरु मुरपुकीमी मेको आ पर्बम ‘एको ठीक मपाइब रागी का बाक्‍ब। परमप्रभु यावे मेको रागी तशा, गेना हना यो गाइक्‍ब’ ” देंनीम।

मलाकी 3:18

मेको नाक्‍त ठीक पाइब नु परमप्रभु आ अरेशो मटीब खाल का ङा मदुम्‍नीम। मेको ताइनीनी। परमप्रभु कली गेय पाइब नु गेय मपाइब खाल का ङा मदुम्‍नीम। मेको यो ताइनीनी” देंत।