होसे 2:12 - Sunuwar Bible

¹² गो मेको आ अङगुर बोटपुकी नु फोव़शी रवापुकी खतम सेल्‍नुङ। मेको आ पर्बम मेकोमी ‘एको आं तेल्‍लेम पशो ङा गाल्‍च नमी’ देंशो बाक्‍त। गो मेको रवा रे ठेयब ब्‍वाकी सेल्‍नुङ। मिनु ब्‍वाकी ङा जन्‍तुपुकीमी मेको ब्‍वाइनीम।

होसे 2:12 ပူးပေါင်းရင်းမြစ်များ

भजन संग्रह 80:12

मारदे गे मेको आन गारो प्रेन्‍नी? मेकेर गाक्‍ब नेल्‍लेमी मेको आ फल सेक्‍नीम।

यसैया 29:17

मिनु इच्‍का नोले लेबानोन फल फुल रू दुम्‍ब। फल फुल रू चहिं ब्‍वाकी खोदेंशो दुम्‍ब।

यसैया 5:5

मिनु मुल गो आं अङगुर रू कली मार पाइनुङा, इन कली देंनुङ। आ थरपु नेल्‍ल ग्रुंइनुङ। मिनु मार मार ओव़नीम। आ गारो नेल्‍ल प्रेश्‍शा ताइक्‍नुङ। मिनु दिम्‍शा ताइश्‍शा पाइनीम।

यसैया 7:23

मेना हजार का शेकेल चांदी लाइब हजार का अङगुर बोट ख्रुम्‍शो रूम चू नु चोंक वानीम। शेकेल का ११.५ ग्राम ङा चांदी के क्‍येट बाक्‍ब।

येरमीया 13:26

गो आंमा इ गुने इ शोव़ सम्‍मन क्‍युक्‍नुङ। मिनु मोपा इ मुने नेल्‍ल तांइसीब।

येरमीया 26:18

“यहूदा ङा पिप हिज्‍कीयाह आ पालाम मोरेशेथ ङा मीकाहम परमप्रभु यावे आ लोव़ पशो बाक्‍त। मेकोमी यहूदा ङा मुर नेल्‍ल आन कली ‘मुर नेल्‍ल आन परमप्रभु यावेम सियोन कली रू खोदेंशो पा वाक्‍सीब। यरूसलेम चहिं फुल्‍लु तेल्‍शो खोदेंशो दुम्‍ब। परमप्रभु यावे आ खिं चहिं रवापुकी वाशा सुम्‍शो डांडा खोदेंशो दुम्‍ब’ देंशो बाक्‍त” देंतेक्‍म। मीका १:१; मीका ३:१२; येरमीया ९:१०

येरमीया 5:17

मेकोपुकीमी इन खुप्‍शो अन्‍न नु जचा थोव़क नेल्‍ल नेक्‍नीम। मिनु इन तमी तौ नेल्‍ल आन कली यो लाइक्‍नीम। मेकोपुकीमी इन क्‍यारश भेडा नु बी ब्‍यफ नेल्‍ल नेक्‍नीम। मेकोपुकीमी इन अङगुर नु फोव़शी नेल्‍ल नेक्‍नीम। मिनु इन थमा सुइश्‍शो बोल्‍यो गारो हिरशो सहर नेल्‍ल तरवारम क्‍याम्‍नीम।

येरमीया 8:13

परमप्रभु यावेम “गो, अङगुर सेक्‍‍नुङ देंङानु बोटम अङगुर मबाक्‍म। फोव़शी रवाम फोव़शी मबाक्‍म। मेको आन सफा यो सोव़तेक्‍‍म। मेकोपुकी आं गेशो यो रोइक्‍चा पुंइसीनीम” दे परमप्रभु यावेमी देंत।

होसे 13:8

चाइक्‍ब रोंइसीशो वां खोदेंशो पा मेको आन कली ग्‍याइश्‍शा आन रां चेत्‍नुङ। मिनु गुप्‍सुमी खोदेंशो पा मेको आन कली ब्‍वाइनुङ। मिनु ब्‍वाकी ङा जन्‍तुमी साइश्‍शो खोदेंशो पा साइक्‍नुङ।

होसे 2:5

मेको आन ममा जोल पा अर्को मुर नु गाक्‍त। मेको आन कली मुने पा थिशो बाक्‍त। मेकोमी ‘गो आं कली दाक्‍ब वोंइश खोइक्‍नुङ। मिनु मेकोमी आं कली जचा तूचा, ऊन नु सुती वा, तेल नु अङगुर शांबु गेब’ देंत। येरमीया ४४:१७

होसे 5:14

मारदे हना गो एफ्राइम कली गुप्‍स खोदेंशो नु यहूदा कली ठिटा गुप्‍स खोदेंशो दुम्‍शो बाक्‍नुङ। गो मेको आन कली खतम सेल्‍शा, आं लां खोइक्‍नुङ। गो मेको आन कली कुरशा लाइक्‍नुङ। मिनु मेको आन कली आं रे रोइक्‍ने मचाप्‍नीम। होसे १३:७; होसे ६:१

होसे 9:1

इस्राएली, मग्‍येरसीन। अर्को रागी रागी ङा मुर खोदेंशो पा, सोम्‍शा मग्‍येरसीन। मारदे हना गे इन परमप्रभु क्‍येङा नोले शोंइसाक्‍नी। गे अन्‍न ओंइतीक चाडमी तेल्‍लेम पशो आ पर्बम क्‍येट ताक्‍चा दाक्‍नीनी। होसे १:२

मीका 3:12

मोपा इन पतीके सियोन वाक्‍शो रू दुम्‍ब। यरूसलेम ब्रेश्‍‍शो खिं ङा फुल्‍लु देल्‍तीके दुम्‍ब। परमप्रभु यावे आ खिं ङा डांडा ब्‍वाकी दुम्‍शो बाक्‍ब” देंत। भजन संग्रह ७९:१; येरमीया ९:१०; येरमीया २६:१८