होसे 2:10 - Sunuwar Bible

¹⁰ गो मेको आ दाक्‍शो मुर आन ङोंइती मेको कली शिश्रा पा आ मुने कोंइक्‍नुङ। मिनु सुइमी यो मेको कली आं गुइ रे मलाइक्‍नीम। येरमीया १३:२२

होसे 2:10 ပူးပေါင်းရင်းမြစ်များ

२ इतिहास 24:7

ङोंइती मेको काइ परमप्रभु कली मटीब मीश मुर अथाल्‍याह नु आ नोले खोइबपुकीम परमप्रभु आ खिं ओव़शा, मेकेर ङा परमप्रभु यावे आ थोव़क नेल्‍ल बाल देवता आ पूजा पतीकेम चलेशो बाक्‍मा बाक्‍त। २इतिहास २२:३-४

भजन संग्रह 50:22

गे परमप्रभु कली प्रेंबपुकी तुइक्‍तीन। मो मपाइतीनी हना, गो इन कली साइक्‍नन्‍नी। मिनु इन कली सुइमी प्रोंइने मचाप्‍नीम।

हितोपदेस 11:21

मरिम्‍शो पाइब मुर सजाइ मतथु मब्रोंइनीम। मेको थमा बाक्‍ब। तन्‍न ठीक पाइब आन चच युइ ब्रोंइचा ताइनीम।

यसैया 3:17

मोपतीके गो सियोन ङा तमी आन पिया श्‍येत्‍थ सेल्‍शा, आन ख्रुइश्‍शो कोंइशा मुने तोक्‍नुङमी” दे परमप्रभुम देंत।

येरमीया 13:22

“मिनु गे इ थुंम ‘आं कली मारदे ओदेंशो श्‍येत दुम्‍मे’ देंनेवे। गेमी शुश मरिम्‍शो पतीके इ गुने क्‍युक्‍साक्‍वे। मिनु इ रांमी मरिम्‍शो पाइक्‍चा पुंइसाक्‍वे। यसैया ४७:२-३; इजीकीएल १६:३७

येरमीया 13:26

गो आंमा इ गुने इ शोव़ सम्‍मन क्‍युक्‍नुङ। मिनु मोपा इ मुने नेल्‍ल तांइसीब।

इजीकीएल 16:16

गे इ वा रे लाइश्‍शा, इ कली दारशो थान सेल्‍तीवी। मिनु मेकेर गे तेल्‍लेम पाप्‍तीवी। मेको मोदेंशो ङोंइती गेनायो मदुम्‍शो बाक्‍त। मिनु नोले यो गेनायो मदुम्‍ब।

इजीकीएल 16:19

गो इ कली जचा थोव़क यो गेतन। गो इ कली रिम्‍शो फस, खुदो नु रिम्‍शो तेल जचा गेतन। तन्‍न गे मेको जचा थोव़क मेको आन ङोंइती ब्रोव़शो रिना पपाइक्‍चा कली चढ़ेप्‍तीवी। मोदेंशो दुम्‍त।

इजीकीएल 23:29

मिनु मेकोपुकीमी इ काइ मदाक्‍शो गेय पाइनीम। इ गेय पा तशो मारेइ मारेइ योल्‍शा, इ कली शिश्रा सेल्‍शा प्रोंइनीम। मिनु शिश्रा दुम्‍तीके इ तेल्‍लेम पशो नेल्‍ल तुंइसीब। इ ग्रांग्रा दिशो पशा, तेल्‍लेम प‍तीके गे मोदेंशो दुम्‍नेवे।

होसे 10:1

ङोंइती इस्राएल ब्राक्‍शो नु शुश फल सिप्‍ब अङगुर बोट का बाक्‍‍त। मिनु इस्राएल ङा मुरपुकी शुश क्‍येट थीब दुम्‍तेक्‍म। मिनु मोपा मेकोपुकीमी फुल्‍लु के चढ़ेतीक यो शुश सेल्‍तेक्‍म। मिनु मेको रागीमी दोशो क्‍येट चेम्‍मे, मोशोन मे कोपुकीमी आन थाम ङा मूर्ति दारपाइक्‍तेक्‍म। येरमीया २:२१; लेवी २६:१

होसे 13:1

मिनु परमप्रभुमी “एफ्राइममी लोव़ पवानु, मुरपुकी ख्रिंख्रि पाम्‍तेक्‍म। इस्राएलमी मेको कली मान पाम्‍तेक्‍म। तन्‍न मेको बाल देवता कली पूजा पतीके बेक्‍त।

होसे 2:3

मो मपाप्‍तु हना, गो मेको आ वा प्रुइश्‍शा, मेको जरमेशो नाक्‍ती खोदेंशो पा शिश्रा पोक्‍नुङ। गो मेको कली गोरशो रागी खोदेंशो सेल्‍नुङ। सोव़शो रागी खोदेंशो पा ब्‍वाक्‍कु मबाक्‍शो सेल्‍नुङ।

होसे 6:9

दोपा रोइक्‍बपुकी बाप्‍शा बाक्‍नीमी, मोपा चढ़ेबपुकी यो बुक्‍शा बाक्‍शो बाक्‍नीम। मेकोपुकीमी शेकेम लतीक लांमी मुर साइक्‍नीम। मेकोपुकीमी ठेयब मुने ङा गेय पाइनीम।

मीका 5:8

याकूब आ लीशो मुर शुश आन दातेमी ब्‍वाकी ङा गुप्‍स खोदेंशो दुम्‍नीम। मेकोपुकी भेडा गोठम बाक्‍शो गुप्‍स आ चाइक्‍ब खोदेंशो दुम्‍नीम। गुप्‍स मेकेर लाम्‍तेक्‍म हना, साइश्‍शा ब्‍वाइनीम। मिनु सुइमी मेको आन कली प्रोंइने मचाप्‍नीम।

१ कोरिन्‍थी 4:5

मोपतीके प्रभु आ निसाफ पतीक नाक्‍त मजाक्‍म सम्‍म मुर आन कली मनाक्‍तीन। आ निसाफ नाक्‍ती जाक्‍मेनु, ख्रुइश्‍शा वोइश्‍शो लोव़ नेल्‍ल तुइक्‍पाइक्‍ब। छिङछिङम ख्रुइश्‍शो थुं ङा थोव़क नेल्‍ल छेङछेङम तांइसीनीम। मिनु परमप्रभु यावेमी मुर आन कली “गे रिम्‍शो पाइतीनी” देंब। १कोरिन्‍थी ३:८