होसे 14:9 - Sunuwar Bible

⁹ सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

होसे 14:9 ပူးပေါင်းရင်းမြစ်များ

उत्पत्ती 18:25

ममाइ, गे मोदेंशो पा मक्‍याम्‍नीनी। गे ठीक पाइब नु मरिम्‍शो पाइब आन कली खाल का ङा पा मसाइक्‍नीनी। थमान, ठीक पाइब नु मरिम्‍शो मुर आन कली खाल का ङा मपाइनीनी। गे रागी रागी ङा निसाफ पाइब बाक्‍शा, ठीक निसाफ पाइनीनी” देंमाक्‍त। भजन संग्रह ८२:१; भजन संग्रह ९४:२

अय्‍युब 17:9

मिनु ठीक पाइब मुर आंम लां रिम्‍शो पा गाक्‍नीम। मोदेंशो मुर बोल्‍यो क्‍येङा यो बोल्‍यो दुम्‍ना दुम्‍न लाइनीम।

भजन संग्रह 107:43

सु जोक्‍ब तुइक्‍ब बाक्‍मे, मेकोमी एको लोव़ रुबल। मिनु परमप्रभु यावे आ गेना हना यो दाक्‍तीके आ पर्बम मिम्‍तल।

भजन संग्रह 119:128

मोपतीके गो आं लां नेल्‍लेमी इन ब्रेक्‍शा अरेशो लोव़ मिम्‍नुङ। मिनु दूली लां नेल्‍ल काइ मदाक्‍नुङ। भजन संग्रह ११९:२९

भजन संग्रह 119:75

परमप्रभु यावे, इन निसाफ पतीके ठीक बाक्‍नीम। गो मेको तुइक्‍नुङ। गे आं कली इन दाक्‍शा मप्रोंइतीकेमी श्‍येत गेतीनी।

भजन संग्रह 84:5

गे इन सक्ति ताइब नेल्‍ल ग्‍येरसीशो बाक्‍नीम। मेको आन थुंमी सियोन कली मिम्‍ना मिम्‍न बाक्‍नीम।

भजन संग्रह 84:7

मेकोपुकी शुश बोल्‍यो दुम्‍नीम। मेकोपुकी परमप्रभु आ ङोंइती सियोनम जाक्‍नीम।

हितोपदेस 10:29

परमप्रभु यावे आ लां रिम्‍शो थुं पाइश्‍शो मुर आन कली ख्रुइश्‍शा ब्रोंइशा बाक्‍तीक बाक्‍ब। तन्‍न मरिम्‍शो पाइब आन कली मेको लां खतम दुम्तीक बाक्‍ब।

हितोपदेस 16:21

जोक्‍ब तुइक्‍ब थुं पाइश्‍शो मुर कली रुप्‍ब मुर देंनीम। ब्रोव़शो लोव़म शेंतीक कली बारपाइक्‍ब।

हितोपदेस 4:18

तन्‍न ठीक पाइब आन लां सुनी ङा छेङछेङ खोदेंशो बाक्‍ब। मेको नाक्‍ती उइक्‍थ दुम सम्‍म बारना बारन शुश छेङछेङ दुम्‍ब। हितोपदेस २४:२०

यसैया 1:28

तन्‍न परमप्रभु यावे आ देंशो लोव़ मटीब, मेको कली प्रोंइबपुकी कालेमीन खतम दुम्‍नीम। परमप्रभु यावे कली प्रोंइबपुकी क्‍याम्‍चा पुंइसीनीम।

यसैया 17:8

मेकोपुकीम आंम आन गुइमी सेल्‍शो देवी देवता आन कली चढ़ेचा ममिम्‍नीम। आंमा आन सेल्‍शो मूर्ति पाइश्‍शो थाम नु धूप चोतीके कली मकोव़नीम।

यसैया 26:7

ठीक निसाफ पाइब आ लां ग्‍येत्‍थ बाक्‍ब। गे ठीक पाइब आ लां थेल्‍तीनी।

येरमीया 29:12

गेपुकीम आं नेक्‍था जाक्‍शा पुंइनीनु, गो इन पुंइशो नेंनुङ।

येरमीया 9:12

मेको लोव़ रुप्‍चा कली जोक्‍ब तुइक्‍ब सु बाक्‍बा ङा? परमप्रभु यावेम सु कली लोव़ पवा, मेकोमी एको शेंने चाप्‍ब। मारदे मेको रागीम ब्रेश्‍शो खिं ला बाक्‍नीमी? मारदे मेको मुर मबाक्‍तीके खोदेंशो दुम्‍शा, सुइ लने मचाप्‍चा ङा पा, श्‍येत्‍थ दुम्‍शो बाक्‍बा? लूका १९:४२

इजीकीएल 11:18

मिनु मेकोपुकी लेश्‍शा जाक्‍शा, मेकेर ङा ग्रांग्रा दिशो थोव़क नु मूर्ति नेल्‍ल ग्रुंइशा ताइक्‍नीम।

इजीकीएल 18:25

मो हना यो गेपुकीम ‘परमप्रभु आ पशो ठीक मबाक्‍ब’ देंनीनी। इस्राएल आ खिं ङा मुर नेनीन, मार, आं पशो ठीक मबाक्‍बा ङा? मार, इन पशो कका ठीक बाक्‍बा ङा?

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

दानीएल 12:10

मिनु शुश मुर नाक्‍चा, रिम्‍शो सेल्‍चा नु सुन यपाइश्‍शो खोदेंशो पा रिम्‍शो सेल्‍‍चा पुंइसीनीम। तन्‍न परमप्रभु कली मटीब, मटिना टिन बाक्‍शा, मारेइ मरुप्‍नीम। तन्‍न जोक्‍ब तुइक्‍बपुकीमी एको लोव़ रुप्‍नीम।

सेफन्‍याह 3:5

मेको आन दा‍तेम बाक्‍ब परमप्रभु यावे ठीक पाइब बाक्‍ब। मेकोमी मारेइ मरिम्‍शो मपाइब। मेकोमी सुनी कुस कुस निसाफ पाइब। तेकोइ सुनी मप्रोंइब। तन्‍न ठीक मपाइबपुकी मुने दोक्‍शा लल मजिनीम।

जकरिया 10:6

गो यहूदा आ खिं ङा मुर आन कली बोल्‍यो सेल्‍नुङ। योसेफ आ खिं ङा मुर आन कली श्‍येत रे प्रोंइनुङ। मेको आन कली ङोंइती ङा खोदेंशो सेल्‍नुङ। मारदे हना गो मेको आन कली शिशी पाइनुङ। मेकोपुकी गेनायो मतिल्‍शो खोदेंशो दुम्‍नीम। मारदे हना गो परमप्रभु यावे, मेको आन परमप्रभु नङ। गो मेको आन कली लोव़ लेत्‍नुङमी।

मत्ती 11:19

रागीम जरमेशोमी चहिं जचा तूचा थोव़क नेल्‍ल जाइब तूब। मेको कली तशा ‘धोक्रे, शांबु राकसीमी दुक्‍ब, तिरो पोक्‍ब नु पापी आन वारच बाक्‍माक्‍त’ देंनीम। मेको के दोशो तुइक्‍तीक बाक्‍मे, मेको आ गेय रे पा तुंइ‍सीब” दे येसुमी मुर आन कली शेंताक्‍मी। मत्ती ९:१०-१५; यूहन्‍ना २:२; १कोरिन्‍थी १:२४-३०

लूका 2:34

मिनु सिमियोनम मेको आस कली आसीक गेशा, मरीयम कली “एको आल इस्राएली आन दातेमी लां कोंइशा मुर आन कली फ्राब। का निक्‍शी खतम दुम्‍नीम, का निक्‍शी रिम्‍शो दुम्‍नीम। मिनु शुश मुरुमी एको कली मदाक्‍नीम। लूका २०:१७-१८; प्रेरित २८:२२; १कोरिन्‍थी १:२३

लूका 7:23

सु सुमी आं कली तशा, आन थुं मखाइक्‍पाइक्‍नीमी, दल्‍गीर मपाइनीमी, मेको ग्‍येरसमल, दे मतीसे” दे सोइक्‍तीम्‍सी बाक्‍त।

यूहन्‍ना 15:24

गो मुर आन कली छक लाक्‍चा ङा गेय कोंइताक्‍ङमी। आं क्‍येङा ङोंइती सुइमी आं खोदेंशो गेय मकोंइदे। मेको गेय कोंइशा यो मुरपुकीमी आं आफ नु गो निम्‍फा आंस कली मदाक्‍नीम।

यूहन्‍ना 18:37

पिलातसमी “मिनु गे पिपन ननी?” दे हिल्‍लो पाप्‍तु। मिनु येसुमी “गो पिप नङ, दे गे आंमा देंतीनी। मिनु थमा मार बाक्‍बा, दे कोंइचा कली रागीम जरमेशा जाक्‍ती। सु थमामी बाक्‍बा, मेकोमी आं सेंदा नेंब” देंत। १तिमोथी ६:१३

यूहन्‍ना 8:47

सु चहिं परमप्रभु यावे रे जाक्‍बा, मेको परमप्रभु यावे आ लोव़ नेंब। गेपुकी परमप्रभु यावे रे मजाक्‍नी। मोपतीके परमप्रभु यावे आ लोव़ नेंने मचाप्‍नीनी” दे माइक्‍तीमी। यूहन्‍ना १८:३७

यूहन्‍ना 9:39

येसुमी “गो निसाफ पचा कली रागीमी जाक्‍ती। मिक्‍च मताइबपुकीमी तामेक्‍ल। मिक्‍च ताइब चहिं मताइब दुम्‍मल” देंत। मत्ती १३:११-१५

प्रेरित 13:10

“गे सैतान आ तौ नवे। रिम्‍शो मदाक्‍थु, मरिम्‍शो ला दाक्‍नेवे। प्रभुमी सेल्‍शो रिम्‍शो लां कली मरिम्‍शो सेल्‍चा थुं पवी? मरिम्‍शो थुं पाइश्‍शो बाक्‍ते। मोपतीके प्रभुमी इ कली मुल सजाइ गेब।

रोमी 7:12

मिनु परमप्रभु यावे आ अरेशो लोव़ ठीक नु रिम्‍शो बाक्‍ब। १तिमोथी १:८

ब्‍यवस्‍था 32:4

मेको सेरथे फुल्‍लु बाक्‍ब। मेको आ गेय नेल्‍ल क्‍येङा रिम्‍शो बाक्‍ब। आ लां नेल्‍ले ठीक बाक्‍नीम। मारदे हना मेको आ देंशो पाइब परमप्रभु बाक्‍ब। जोल मपाइब, कुल मकोव़ब नु ठीक पाइब बाक्‍ब।

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७