होसे 14:5 - Sunuwar Bible

⁵ गो इस्राएल कली सीत खोदेंशो दुम्‍नुङ। मेको लिली फू खोदेंशो पा बोइक्‍ब। लेबानोन ङा लाइश्‍शो रवा खोदेंशो पा मेकोमी शाक्‍श थोक्‍ब।

होसे 14:5 ပူးပေါင်းရင်းမြစ်များ

२ सामुएल 23:4

मेको सुनी ङा नां खोदेंशो बाक्‍ब। मेको गोस्‍स मबाक्‍शो सुनी दाप्‍शो नां खोदेंशो बाक्‍ब। मिनु मेको रेउ यिम नोले वाशो घांस खोदेंशो बाक्‍ब’ देंत। न्‍यायाधीस ५:३१

२ राजा 19:30

मिनु यहूदा आ खिं ङा ब्रोंइशा लीशोपुकीम रागीम शाक्‍श थोक्‍नीम। मिनु रागी तार फल सित्‍नीम।

अय्‍युब 29:19

आं शाक्‍श बारशा ब्‍वाक्‍कु बाक्‍तीक गे लाम्‍तेक्‍म। मिनु आं राशीम सीत बाक्‍त।

भजन संग्रह 133:3

मेको हेरमोन डांडा ङा सीत सियोन डांडाम यिशो खोदेंशो बाक्‍ब। मेको गेना हना यो ब्रोंइतीक परमप्रभु यावे आ आसीक बाक्‍ब।

भजन संग्रह 72:16

मिनु रागी शुश अन्‍नम ब्रील। डांडा तार यो अन्‍न ग्रेल्‍ल। मिनु फल फुल लेबानोन ङा खोदेंशो पा सिल्‍ल। सहरम बाक्‍ब मुर घांस खोदेंशो पा सोशा बोशा शुश दुम्‍मल।

भजन संग्रह 72:6

मिनु मेको घांस रिक्‍शो दिंममी रेउ यिशो खोदेंशो दुम्‍ल। रेउमी रागी कली जिप्‍पाइश्‍शो खोदेंशो दुम्‍ल।

भजन संग्रह 80:9

गे मेकेर मेको कली ख्रुम्‍तीक रू का सेल्‍तीनी। मिनु मेको शाक्‍श थोक्‍शा, रागी नेल्‍ल ब्रीत।

भजन संग्रह 92:12

ठीक पाइबपुकी चहिं खजूर रवा खोदेंशो पा बारनीम। मेकोपुकी लेबानोन ङा लाइश्‍शो रवा खोदेंशो पा लाइक्‍नीम। भजन संग्रह १:३; भजन संग्रह ५२:१०

भजन संग्रह 92:13

मेकोपुकी आंइ परमप्रभु यावे आ खिंमी ख्रुम्‍शो दुम्‍शा, आंइ परमप्रभु आ लाङगाम बोइक्‍नीम।

हितोपदेस 19:12

पिप आ गाइश्‍शो गुप्‍स आ ग्रीशो खोदेंशो बाक्‍ब। आ दाक्‍तीक चहिं घांस तार दोक्‍शो सुनी ङा सीत खोदेंशो बाक्‍ब। हितोपदेस १६:१४-१५

ठेयब कुम्सो 2:16

आं दाक्‍शो वोंइश आल आं केन बाक्‍ब। मिनु गो मेको के बाक्‍नुङ। मेकोमी आ क्‍यारश भेडा लिली फू आन दातेम योव़‍ब। ठेयब कुम्‍सो २:१६

ठेयब कुम्सो 4:5

इ दूध निक्‍शी क्‍यारश पाठा खोदेंशो बाक्‍नीस। मेको लिली फू आन दातेमी जोइ‍ब किश्‍श आ जौंले पाठा खोदेंशो बाक्‍नीस। ठेयब कुम्‍सो ७:३

यसैया 12:1

मेको नाक्‍ती गेपुकीमी “परमप्रभु यावे, गे रिम्‍शो पाइब बाक्‍नीनी। गे आंइ पर्बम गाइक्‍ताक्‍नी हना यो, इन गाइक्‍चा नाइक्‍साक्‍व। मुल गे आंइ कली लेम्‍नीनी।

यसैया 18:4

मारदे हना परमप्रभु यावेमी आं कली “गो आं बाक्‍तीके रे पा सिक्‍सी पा कोव़नुङ। नाप्‍शो नां ङा नाक्‍त खोदेंशो नु बाली नाली रिक्‍ची ना हुप्‍शो नांमी गोस्‍स का ग्रूशो खोदेंशो पा सिक्‍सी पा कोव़शा बाक्‍नुङ।

यसैया 26:19

इन बेक्‍शो मुरपुकी लेंशा ब्रोंइनीम। आन बेक्‍शो रां सेंसीनीम। गे फुरकुम बाक्‍बपुकी, बोक्‍कीन। ग्‍येरसीशा कुम्‍सो पने। मारदे हना इन सुनी ङा सीत छेङछेङम ब्रशो बाक्‍ब। मिनु रागीमी शुश ङोंइती बेक्‍शो मुर आन कली ग्रुंइब। इजीकीएल ३७:१-१४; मत्ती २७:५२-५३

यसैया 27:6

मिनु नोले ङा नाक्‍तीमी याकूबम आ शाक्‍श थोक्‍ब। इस्राएल फू बोइश्‍शा, नक राशी दाप्‍ब। मिनु रागी नेल्‍ल मेको आन फल फुलमी ब्रीब।

यसैया 35:2

मिनु मेको थाम्‍पा बोइश्‍शा, ग्‍येरसीशा कुम्‍सो पना पन बाक्नीम। लेबानोन, आ दारस मेकोम ताइब। कारमेल नु शारोन आन मान ततीक मेको कली गेशो बाक्‍ब। मेकोपुकीमी परमप्रभु यावे आ मान ततीके नु आंइ परमप्रभु आ छेङछेङ ताइनीम।

यसैया 44:3

मारदे हना गो सोव़शो रागी तारी ब्‍वाक्‍कु लुक्‍नुङ। सोव़शो खपीम खोला शाइक्‍पाइक्‍नुङ। गो इ चच युइ आन तारी आं सोक्‍त मोइक्‍नुङ। इ आल आन कली आसीक गेनुङ’। यसैया ३२:१५; योएल ३:१

यसैया 45:8

सरीङ, रेउ यिपतो। ठीक पतीके रेउ खोदेंशो पा यिल। रागी रोक्‍सेक्‍ल, पाप रे प्रोंइतीके ठोसा खोदेंशो पा ग्रूब। मेको ठीक पतीके नु कालेमीन कोल्‍सल। मेको नेल्‍ल सेल्‍ब, गो, परमप्रभु यावे नङ।

यसैया 57:18

गो मेको आन पशो ताता। तन्‍न गो मेको आन कली सापाइक्‍नुङमी। मेको आन कली कुक्‍शा, आन थुं बारपाङक्‍नुङमी। मेको आन दाते ङा रोंका पाइब आन कली थुं बारपाइक्‍तीक लोव़ पाइनुङ” देंत। प्रस्‍थान १५:२६

यसैया 57:19

मिनु परमप्रभु यावेमी “ङोन नु नेक्‍था बाक्‍ब नेल्‍ल आन थुं नाइश्‍शा बाक्‍मल। मिनु गो मेको आन कली सापाइक्‍नुङमी। गन्‍ती ६:२६; लूका २:१४; एफिसी २:१७; प्रस्‍थान १५:२६-; येरमीया १७:१४; यहूदा १:१३; यसैया ४८:२२; हितोपदेस २८:१

येरमीया 3:22

मिनु मेकोमी “थमा सुइक्‍ने मचाप्‍ब आलपुकी लेतीन। इन थमा सुइक्‍ने मचाप्‍तीके सापाइक्‍नन्‍नी” देंत। मिनु मेकोपुकीमी “दुम्‍ब, गो इन गे लेश्‍शा, जाक्‍नीकी। मारदे हना गे परमप्रभु यावे, आंइ परमप्रभु बाक्‍नीनी।

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

होसे 6:3

गोपुकी परमप्रभु यावे कली तुइश्‍शा, ठेयब सेल्‍य। मेको कली शुश तुइश्‍शा मान पय। मेको नां दाप्‍शो बुद पा जाक्‍ब। हिंउद ङा रेउ खोदेंशो पा जाक्‍ब। बर्खा ङा रू कली रिम्‍शो पा जिप्‍ब रेउ खोदेंशो पा जाक्‍ब” दे लोव़ पाम्‍तेक्‍म।

मीका 5:7

याकूब आ लीशो मुर शुश आन दातेम परमप्रभु यावे रे जाक्‍शो सीत नु घांस तार जुक्‍शो रेउ खोदेंशो दुम्‍नीम। मेकोमी “सुइ मुरुम वारच पाइनीमी कों” दे मकोव़नीम। मिनु मुर आन आस मपाइनीम।

मीका 7:18

इन खोदेंशो परमप्रभु अर्को सु बाक्‍बा ङा? गे ठीक मपशो क्‍याम्‍ब बाक्‍नीनी। इन लीशो मुर आन मरिम्‍शो पतीके माफ गेनीनी। गे गेना हना यो गाइक्‍स ङा गाइक्‍स मबाक्‍नीनी। तन्‍न शिशी पचा कली ग्‍येरशा बाक्‍नीनी। भजन संग्रह १०३:३,८-१३

मत्ती 6:28

मार फेक्‍चा, दे मारदे मिम्‍नीनी? लिली फू कली कोव़शा मिम्‍तीने। गिश बोइश्‍शा रिम्‍शो तांइसीनीमी। श्‍येत पा गेय मपाइनीम। पांइतो मपांइनीम।

लूका 12:27

लिली फू कली कोव़शा मिम्‍तीने। गिश रिम्‍शो तांइसीनीमी। श्‍येत पा गेय मपाइनीम। पांइतो मपांइनीम। पिप सोलोमन गिश ग्‍योम्‍साक्‍व हना यो, मेको लिली फू खोइ दारशो मदुम्‍माक्‍त।

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

ब्‍यवस्‍था 32:2

आं अरेशो लोव़ रेउ खोदेंशो पा यीब। आं अरेशो लोव़ सीत खोदेंशो पा दोक्‍ब। कल्‍लो घांस तार भूस भुसे रेउ खोदेंशो पा नु सुवा आन तार ठेयब रेउ खोदेंशो पा यीब। यसैया ५५:१०-११