होसे 14:2 - Sunuwar Bible

² परमप्रभु आ लोव़ मेको कली देंशा, परमप्रभु यावे गे लेतीन। मिनु गेपुकीमी मेको कली “आंइ पाप नेल्‍ल क्‍याम्‍दीने! आंइ कली शिशी पा ब्रने। गो इन नें ठेयब सेल्‍नीकी। हिब्रू १३:१५

होसे 14:2 ပူးပေါင်းရင်းမြစ်များ

२ सामुएल 12:13

मिनु दाऊदमी नाथान कली “गो परमप्रभु यावे आ ङोंइती पाप पाता” देंमाक्‍त। मिनु नाथानम मेको कली “परमप्रभु यावेमी इ पाप क्‍याम्‍ताक्‍व। गे मबेक्‍नेवे। २सामुएल २४:१०; भजन संग्रह ५१:३; इजीकीएल १८:२१-२३

२ सामुएल 24:10

मिनु नोले दाऊद मुर आन कली हिक्‍शो आ पर्बम आ थुं मनुमाक्‍त। मिनु दाऊदमी परमप्रभु यावे कली “गो मुर आन कली हिक्‍शा ठेयब पाप पाता। मुल परमप्रभु यावे, इन वाइल आ मरिम्‍शो पशो क्‍याम्‍दीन। मारदे हना गो थम मूर्ख गेय पाता” देंमाक्‍त। २सामुएल १२:१३

अय्‍युब 7:21

गे मारदे आं हेंथे पशो माफ मगेयीनी? मारदे आं मरिम्‍शो पशो मक्‍याम्‍नीनी? मुल गो बेक्‍नुङ। मिनु गे आं कली माल्‍तीनी हना यो, मथित्‍नीनी” दे अय्‍युबमी परमप्रभु यावे कली देंमाक्‍त।

भजन संग्रह 119:108

परमप्रभु यावे, गो इन कली ठेयब सेल्‍शो, चढ़ेतीक खोदेंशो पा ब्रने। मिनु आं कली इन पतीक लोव़ शेंदीनी। भजन संग्रह १९:१५

भजन संग्रह 50:14

गे आं कली ‘गे रिम्‍शो पाइब बाक्‍नीनी’ देनीन। मिनु नेल्‍ल क्‍येङा ठेयब, आं कली इन कसम जशो खपीन। योना २:१०

भजन संग्रह 51:16

गे मार मार क्‍योरशा, चढ़ेशोमी मग्‍येरनीनी। ग्‍येरसीनी हना, गो क्‍योरशा चढ़ेङ वा। गे चोशा चढ़ेशोम मग्‍येरसीनीनी। भजन संग्रह ४०:७

भजन संग्रह 51:17

परमप्रभु, गे मरिम्‍शो पशो आ पर्बम जिक्‍शो थुं नु ब्रेम्‍शो मुर आन थुं दाक्‍नीनी। भजन संग्रह ३४:३९

यसैया 44:22

गो इ पाप गोस्‍स खोदेंशो पा जाम्‍पाइक्‍ता। इ हेंथे पशो यो क्‍याम्‍ताक्‍ङ। गे आं गे लेतो। मारदे हना गो इ कली पाप रे प्रोंइतन। यसैया ४३:२५

यसैया 6:7

मिनु मेकोमी आं शोव़ मीम थिपाइश्‍शा “मुल एको मीम इ शोव़ थिप्‍तु, इ दोस ततीक लोव़ नु इ पाप क्‍याम्‍साक्‍व” देंत।

येरमीया 3:12

‘गे लावो। मिनु एको लोव़ उत्तर गे शेंदीमी। थमा सुइक्‍ने मचाप्‍ब इस्राएल, परमप्रभु यावेम लेतो। गो इ कली तशा मगाइक्‍नुङ। मारदे हना गो शिशी पाइब नङ। गो गेना हना यो मगाइक्‍नुङ’। प्रस्‍थान ३४:६;

होसे 12:7

मिनु जोल पा नाक्‍तीक चलेब ग्‍याप्‍ब लेयब मुरुमी जोल पचा दाक्‍नीम।

होसे 5:5

इस्राएली आन ठेयब लेत्‍तीकेमी मरिम्‍शो पाइब बाक्‍नीम, दे आन सांकछी बाक्‍ब। एफ्राइम ङा मुरपुकी आंम पाप पतीकेमी खतम दुम्‍नीम। यहूदा ङा मुरपुकी यो मेकोपुकी नु खतम दुम्‍नीम।

होसे 6:6

मारदे हना गो क्‍योरशा चढ़ेशो क्‍येङा दाक्‍मुतीक दाक्‍नुङ। मिनु चोशा चढ़ेशो क्‍येङा आं कली तुइश्‍शा ठेयब सेल्‍शो दाक्‍नुङ। १सामुएल १५:२२; हितोपदेस २१:३; मत्ती ९:१३; १२:७

योएल 2:17

परमप्रभु यावे आ ङोंइती गेय पाइब चढ़ेबपुकी परमप्रभु यावे आ खिं ङा पिंडी नु चढ़ेतीक आ दातेम ङाक्‍म‍ल” देंत। मेकोपुकीमी “परमप्रभु यावे इन मुर आन कली सजाइ मगेने। रागी रागी ङा मुर आन ङोंइती इन मुर आन कली शुक्‍शी नु तोक्‍शा लोव़ पाइक्‍तीक दुम्‍चा मगेने। मिनु जात जात ङा मुरपुकीमी ‘मार, मेको आन परमप्रभु ते बाक्‍म?’ देंचा मतामेक्‍ल” देंतेक्‍म। भजन संग्रह ७९:१०

योना 2:9

गो चहिं ‘गे रिम्‍शो पाइब बाक्‍नीनी’ देंशा, इन कली ठेयब सेल्‍नुङ। गो इन कली देंशो लोव़ खाप्‍नुङ। परमप्रभु यावे, गे मुर आन कली श्‍येत रे प्रोंइब बाक्‍नीनी” दे लोव़ पवा बाक्‍त। भजन संग्रह ५०:१४; भजन संग्रह ११६:१७-१८

जकरिया 3:4

मिनु मेको स्‍वर्ग ङा गेय पाइबमी आ ङोंइती बाक्‍ब आन कली “मेको आ ग्रांग्रा दिशो लुम्‍सीशो वा प्रुइक्‍तीन” देंत। मिनु मेकोमी यहोसु कली “गो इ मरिम्‍शो पशो नेल्‍ल क्‍याम्‍‍ताक्‍ङ। गो इ कली रिम्‍शो वा फेक्‍‍नन” देंत। यसैया ६:७; यसैया ६१:३

मत्ती 7:11

गेपुकी मरिम्‍शो बाक्‍तीनी हना यो, इन तमी तौ आन कली रिम्‍शो थोव़क गेस जोक्‍नीनी। इन पशो क्‍येङा स्‍वर्गमी बाक्‍ब इन आफोमी आ कली पुंइब आन कली रिम्‍शो थोव़क मगेब ङा?

लूका 11:13

गे, मरिम्‍शो पाइब बाक्‍तीनी हना यो, इन आल आन कली रिम्‍शो थोव़क गेने चाप्‍नीनी, इन पशो क्‍येङा स्‍वर्गम बाक्‍ब इन आफोमी आ तमी तौ आन कली आन पुंइशो गेब। मेकोपुकीमी ‘इन सोक्‍त गेकी’ दे पुंइतेक्‍म हना, आ सोक्‍त यो गेब” दे शेंदीमी बाक्‍त।

लूका 18:13

तिरो पोक्‍ब चहिं हारे बाक्‍शा, शुर खुक्‍शा ‘परमप्रभु यावे, गो पापी नङ। शिशी पाइयीनी’ दे प्रार्थना पवा बाक्‍त। भजन संग्रह ५१:१३,१९

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

रोमी 11:27

मेको आन पाप क्‍याम्‍नुङ। मिनु मेको आन कली गेशो कबल खाप्‍नुङ” दे ब्रेक्‍शो बाक्‍ब। यसैया ५९:२०, येरमीया ३१:३३

२ तिमोथी 1:9

परमप्रभु यावेमी सैतान रे प्रोंइशा “आं मुर नम” दे ब्रेत्‍ताक्‍व। इं रिम्‍शो पतीके कोव़शा ममाइ, आ माल्‍शो नु शुश ङोंइती रे ख्रीस्‍त येसुमी इं कली गेशो दाक्‍तीके आ पर्बम ब्रेत्‍ताक्‍व। तीतस ३:५

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

हिब्रू 10:4

मारदे हना ब्‍यफ नु बोका आन हुशेम पाप क्‍याम्‍ने मजाप्‍ब, दे तुइक्‍तय।

हिब्रू 13:15

येसु रे पा परमप्रभु यावे कली मान पा ठेयब सेल्‍ना सेल्‍न बाक्‍य। मेको यो इं शोव़ ङा भेटी बाक्‍ब। भजन संग्रह ५०: १४,२३; होसे १४:३

१ पत्रुस 2:5

मिनु गे यो ब्रोंइचा गेब फुल्‍लु खोदेंशो बाक्‍नीनी। मोपतीके परमप्रभु यावे आ सोक्‍तीम सेल्‍शो खिं ङा फुल्‍लु दुमीन। परमप्रभु यावे आ ङोंइती राप्‍ब मुर दुमीन। आ सोक्‍त ङा चढ़ेतीक गेय पा बाक्‍कीन। येसु ख्रीस्‍त आ पतीके परमप्रभु यावेमी इन पशो ताक्‍ब। एफिसी २:२१-२२; हिब्रू ३:६; रोमी १२:१

१ पत्रुस 2:9

तन्‍न गे परमप्रभु यावे आ योव़शो मुर दुम्‍तीके, आ राज्‍य ङा चढ़ेब परमप्रभु यावे आ रागी ङा मुर दुम्‍तीनी। मारदे मोदेंशो दुम्‍तीनी देंशा हना, परमप्रभु यावेमी इन कली रिम्‍शो पशा, छिङछिङ रे ग्रुंइशा, आंम आ छक लाक्‍चा ङा छेङछेङमी वोइश्‍शो बाक्‍त। मिनु अरु नेल्‍ल आन कली शेंचा, दे मोदेंशो दुम्‍तीनी। प्रस्‍थान १९:६; यसैया ४३:२१; प्रकाश १:६; ब्‍यवस्‍था ४:२०; ब्‍यवस्था ७:६; एफिसी ५:८

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६