होसे 12:2 - Sunuwar Bible

² परमप्रभु यावेमी यहूदा आ मरिम्‍शो पशो ङा सजाइ गेप्‍तु। मेकोमी याकूब आ मरिम्‍शो पशो आ पर्बम सजाइ गेब। मेकोपुकीमी दोदेंशो पामे, मोदेंशो पा सजाइ गेब।

होसे 12:2 ပူးပေါင်းရင်းမြစ်များ

२ राजा 17:4

तन्‍न अस्‍सुर ङा पिपमी होशेआम आ कली मटिशो तवा बाक्‍त। मारदे हना मेकोमी इजीप्‍त ङा पिप सो कली लोव़ कुरब मुर सोइश्‍शो तुइक्‍ता बाक्‍त। मिनु बर्स बर्सम गेतीक तिरो यो अस्‍सुर ङा पिप कली मथाप्‍ता बाक्‍त। मोपतीके अस्‍सुर ङा पिपमी मेको कली ग्‍याइश्‍शा जेल्‍खानम चोक्‍गा बाक्‍त। होसे १२:२

अय्‍युब 15:2

“मार, जोक्‍ब तुइक्‍ब मुरुम ओदेंशो ङर ना पुं ङा लोव़ पा लोव़ लेत्‍चा दुम्‍बा? मेको आ कोव़जीम फश लोव़मी प्रिंचा दुम्‍बा?

भजन संग्रह 78:36

तन्‍न मेकोपुकीमी आन शोव़म ला लोव़ पाम्‍तेक्‍म। मेकोपुकीमी जोल ला पाम्‍तेक्‍म।

उपदेसक 5:15

मुर ममा आ कोव़ज रे पा शिश्रा जाक्‍ब। मिनु मेको दोपा जाक्‍मे, मोपान लेश्‍शा लाइ‍ब। मेकोमी आ श्‍येत पा चेम्‍शो मारेइ लाइक्‍चा मताइब। अय्‍युब १:२१; भजन संग्रह ४९:१८; १तिमोथी ६:७

यसैया 10:12

मिनु परमप्रभुमी सियोन डांडा नु यरूसलेमम पशो गेय थुमा नोले मेकोमी अस्‍सुर ङा ठेयब लेश्‍शो नु बोरशो पिप कली सजाइ गेब। यसैया ३७:३६

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

यसैया 24:21

मेको नाक्‍ती परमप्रभु यावेमी स्‍वर्गम बाक्‍ब सक्ति पाइश्‍शो आन कली सजाइ गेब। मिनु रागी कली सासन पाइब पिप आन कली सजाइ गेब। दानीएल १०:१३; येरमीया ४६:२५

यसैया 3:11

आबी, दोस ताइब कली हिंचा ङा दुम्‍ब। मारदे हना दोपा मरिम्‍शो पवा, मोपा आ मरिम्‍शो पशो ताइब।

यसैया 30:6

मिनु परमप्रभु यावेमी दक्‍खिन ङा नेगेब ङा जन्‍तु आन पर्बम यसैया कली मेको रागी हिंचा ङा नु श्‍येत ङा रागी बाक्‍ब। मेकेर गुप्‍सनी नु ग्रीब गुप्‍स, बुस्‍स नु बीस पाइश्‍शो बेरब बुस्‍स बाक्‍नीम। मिनु मुरपुकीमी आन शोंप गधा आन तारी नु शुश क्‍येट लाइब थोव़क दलओंठ आन तारी कुरपाइश्‍शा गाक्‍नीम। मेको शोर गाक्‍शो नु वारच मपाइब आन कली गेचा कली कुरपाइक्‍नीम। ब्‍यवस्‍था ८:१५

यसैया 59:18

परमप्रभुमी मेको आन पशो खोदेंशो पा मेको आन कली क्‍येक्‍क लेप्‍ब। आ जोरी आन कली आ गाइश्‍शो कोंइब। आ सत्रु आन कली क्‍येक्‍क लेप्‍ब। समुन्‍द्र आ नेक्‍था बाक्‍ब आन कली क्‍येक्‍क लेप्‍ब।

येरमीया 25:31

मेको रेयके पा, थोप्‍ला दाइश्‍शो, रागी ङा सुर सम्‍म नेंसीब। मारदे हना परमप्रभु यावेम रागी रागी आन कली दोस गेब। मिनु मेकोमी मुर नेल्‍ल आन कली निसाफ पाइब। मिनु दोस ताइब तरवारम क्‍योरचा पुंइसीनीम’ दे माइक्‍मी” देंत।

होसे 2:13

गो मेको कली बाल देवता कली धूप चोशो नाक्‍ती सजाइ गेनुङ। मेको नाक्‍त मेको ग्‍योम्‍सीशा वोंइश खोइक्‍तु। आं कली चहिं प्रेंताक्‍यी।

होसे 4:1

गे इस्राएली, परमप्रभु यावे आ लोव़ नेनीन। मारदे हना परमप्रभु यावेमी रागीम बाक्‍ब इन कली दोस गेब। मार दोस गेब देंशा हना “एको रागी ङा मुरुमी आं कली प्रोंइतीमी, आं कली मदाक्‍थु, आं कली मटीनीम।

होसे 4:9

मिनु मुरपुकी दोदेंशो बाक्‍मा, मोदेंशो चढ़ेबपुकी बाक्‍नीम। गो मुरपुकी नु चढ़ेब नेल्‍ल आन कली सजाइ गेनुङ। मेकोपुकीमी दोदेंशो पामे, मोदेंशोन सजाइ गेनुङ।

होसे 7:1

“गो इस्राएल ङा मुर आन कली सापाइक्‍चा मिम्‍ताक्‍ङ हना, एफ्राइम आ मरिम्‍शो पशो नु सामरीया आ पाप तांइसीब। मेकोपुकी जोल पना पन बाक्‍नीम। खुइपुकी खिं ओव़शा खुइ पाइनीम। रोइक्‍बपुकीम लांमी मुर आन कली रोइक्‍नीम। योएल ४:१

होसे 7:11

“एफ्राइम निप्‍स मपाइश्‍शो ढुकुर खोदेंशो बाक्‍ब। मेको कली निप्‍स मपाइश्‍शो आन कली खोदेंशो पा जोल पने चाम्‍सीब। मुल मेकोपुकीमी इजीप्‍त रागी कली ‘वारच पने’ दे ब्रेत्‍नीम। इच्‍का नोले मेकोपुकीमी अस्‍सुर रागी कली ब्रेत्‍नीम। होसे ५:१३

होसे 7:2

गो मेको आन मरिम्‍शो पशो नेल्‍ल तुइश्‍शा मिम्‍नुङ। मेकोपुकीम मतुइक्‍नीम। मेकोपुकीमी मरिम्‍शो ला पाइनीम। मिनु मेको आन पाप गेना हना यो आं ङोंइती बाक्‍नीम” देंत।

होसे 8:10

मेकोपुकी आंम कली लेयसाक्‍म हना यो, मुल गो मेको आन कली खुप्‍नुङमी। मिनु मेकोपुकी सक्ति पाइश्‍शो पिप आ गुइ रे क्‍याम्‍चा पुंइसीनीम।

होसे 8:13

मेकोपुकीमी आं कली चढ़ेनीम। मिनु श्‍ये ब्‍वाइनीम। तन्‍न परमप्रभु यावे मेकोपुकी नु मग्‍येरसीशो बाक्‍ब। मुल परमप्रभु यावेमी मेको आन मरिम्‍शो पशो मिम्‍शा, मेको आन कली सजाइ गेब। मिनु मेकोपुकी इजीप्‍त रागीमी लेश्‍शा लाइनीम।

होसे 8:9

ब्‍वाकी ङा गधा हेंथे गाक्‍शो खोदेंशो पा मेकोपुकी अस्‍सुरमी लाम्‍तेक्‍म। एफ्राइम ङा मुरपुकी आंम कली दाक्‍बपुकी कली लेयसीशो बाक्‍नीम। होसे ५:१३

होसे 9:15

मेको आन मरिम्‍शो पतीके नेल्‍ल गिल्‍गालम पाम्‍तेक्‍म। मेक रे गो मेको आन कली तशा ग्रांग्रा दि‍चा गोव़ता। मेको आन काइ मरिम्‍शो पतीके, गो आं खिं रे खेरनुङमी। मेको आन ठेयब मुर नेल्‍ल मटीब बाक्‍नीम।

होसे 9:9

गिबा ङा नाक्‍त खोदेंशो पा मेकोपुकी काइ मरिम्‍शो गेय पाम्‍तेक्‍‍म। परमप्रभु यावेमी मेको आन मरिम्‍शो पशो मिम्‍शा सजाइ गेब। होसे १०:९; न्‍यायाधीस १९:२२-३०; न्‍यायाधीस २०:१३

आमोस 2:4

मिनु परमप्रभु यावेमी “गो यहूदा आ ३ खेयप नु ४ खेयप मरिम्‍शो प‍शो आ पर्बम ततीके सजाइ मतेक्‍नुङ। मारदे हना मेकोपुकीमी परमप्रभु यावे आ अरेशो लोव़ मटीम। आ फुल्‍लुम मुशा ब्रेक्‍शो लोव़ मपाम। मेकोपुकीम आन किकी पिपीम खोदेंशो पा जोल लोव़ थमा सुइश्‍शा हें‍थे गाक्‍तेक्‍म।

मीका 6:2

गे डांडापुकी नु गेना हना यो लीब रागी ङा जग, परमप्रभु यावेमी दोपा निसाफ पाइबा, मेको नेनीन। मारदे हना मेकोमी आ मुर आन कली निसाफ पचा चिक्‍शो बाक्‍ब। आ दोस गे‍शो नोफा दाइश्‍शा नेनीन। मारदे हना आ मुर आन कली मेको के लोव़ बाक्‍ब। मेकोम इस्राएल कली निसाफ पाइब।

मत्ती 16:27

रागीम जरमेशो आ आफ आ दारसमी परमप्रभु यावे आ स्‍वर्ग ङा गेय पाइबपुकी नु जाक्‍ब। मिनु मुर आन गेशो पशो कोव़शा, आन गेशो का का पा लेश्‍शा गेब। रोमी २:६

रोमी 2:6

परमप्रभु यावेमी मुर आन पशो कोव़शा, दोदेंशो पामे मोदेंशो पाइब। येरमीया ३२:१९; मत्ती १६:२७; २कोरिन्‍थी ५:१०

गलाती 6:7

परमप्रभु यावे कली कोंइखु पा जोल पचा मदुम्‍ब। परमप्रभु यावेमी नेल्‍ल तुइश्‍शो बाक्‍ब। मोपतीके दूली ममिम्‍तीने। मुरपुकीमी मार शोक्‍ग‍मे, मेको रुप्‍नीम। येरमीया २१:१४