होसे 12:1 - Sunuwar Bible

¹ एफ्राइममी आं कली लोव़ पाइब। मेकोमी नेल्‍ल नाक्‍त पूर्ब ङा फश कली खेदा पाइब। मेकोमी जोल नु हुश ख्राक्‍श पोक्‍चा बारपाइक्‍ब। मेको अस्‍सुर नु गारब। मिनु इजीप्‍त रागी कली तेल सोइक्‍ब। होसे ५:१३

होसे 12:1 ပူးပေါင်းရင်းမြစ်များ

उत्पत्ती 41:6

मिनु नोले पूर्ब ङा फशेम बुश सेल्‍शो ७ ओटा सोप्‍पीक्‍च आइक्‍च बाला तवा बाक्‍त।

२ राजा 15:19

मिनु अस्‍सुर ङा पिप पुलमी मेको रागी कली लडाइ तोवा बाक्‍त। मिनु मेनाहेममी आ राज्‍य बोल्‍यो सेल्‍चा कली, पुल कली हजार का टलेन्‍ट, चांदी गेवा बाक्‍त। टलेन्‍ट का ३४ किलो बाक्‍ब। २राजा १५:२९

२ इतिहास 21:11

मेकोमी यहूदा ङा पहाडमी डांडा ङा थानपुकी सेला बाक्‍त। मिनु मेकोमी यरूसलेमम बाक्‍ब मुर आन कली मूर्ति पूजा पा परमप्रभु कली प्रोंइपाइक्‍मी बाक्‍त। मिनु यहूदा कली दूली लांम गाक्‍पदा बाक्‍त।

अय्‍युब 15:2

“मार, जोक्‍ब तुइक्‍ब मुरुम ओदेंशो ङर ना पुं ङा लोव़ पा लोव़ लेत्‍चा दुम्‍बा? मेको आ कोव़जीम फश लोव़मी प्रिंचा दुम्‍बा?

भजन संग्रह 78:36

तन्‍न मेकोपुकीमी आन शोव़म ला लोव़ पाम्‍तेक्‍म। मेकोपुकीमी जोल ला पाम्‍तेक्‍म।

येरमीया 2:36

गे इ गाक्‍तीक लां फाइक्‍ना फाइक्‍न एर ओंथ पाइक्‍नेवे? दोपा अस्‍सुरम इ कली मुने दोक्‍पदा। मोपान इजीप्‍तमी यो इ मुने तोक्‍ब। २राजा २२:३३-३५; यसैया ३०:३

येरमीया 22:22

इ गोठला नेल्‍ल आन कली फशेम बेर पाइश्‍शा योल्‍ब। मिनु इ वारच नेल्‍ल ग्‍याइश्‍शा लाइक्‍चा पुंइसीनीम। मेना गे इ मरिम्‍शो गेयम पतीके मुने दोक्‍शा, आमाइ, मेको श्‍येत नेल्‍ल परमप्रभु यावे आ अरेशो मटितीके दुम्‍शो बाक्‍ब।

येरमीया 7:15

मिनु गो इन कली आं ङोंइती रे ग्रुंइनन्‍नी। गो इन कली, इन लोक्‍ब एफ्राइम आ आल नेल्‍ल आन कली खोदेंशो पा खेरनन्‍नी” दे परमप्रभु यावेमी देंत। २राजा १७:१८,२०,२३

बिलाप 5:6

गो इजीप्‍त नु अस्‍सुर रागी नु जचा थोव़क तचा कली सल्‍ला पाइतक।

इजीकीएल 17:10

मेको कली याक्‍शा ला हना यो मेको ग्रेल्‍बा ङा? पूर्ब ङा फशेम आबानु मेको नेल्‍ल मसोव़बा ङा? रिम्‍शो खपीम ख्रुम्‍शो बाक्‍त हना यो, फशेम आबानु मेको मसोव़बा?’ दे मेको आन कली देंचा माल्‍नेवे” देंत।

होसे 11:12

एफ्राइममी आं कली जोल पना पन बाक्‍ब। मिनु इस्राएलीमी यो खाल का ङा पा आं कली जोल पाइनीम। मिनु यहूदा आ का ला परमप्रभु आ नोले खोइक्‍चा कली थुं निक्‍शी प‍शो बाक्‍ब। तन्‍न मेकोमी मेको आन कली दाक्‍शा मप्रोंइब।

होसे 11:9

गो आं ग्‍याइश्‍शो कुरशा मगाक्‍नुङ। गो एफ्राइम कली लेंशा खतम मपाइ‍नुङ। मारदे हना गो परमप्रभु नङ। गो मुर मनङ। गो इन दातेमी नेल्‍ल क्‍येङा सक्ति पाइश्‍शो दुम्‍शा, गाइश्‍शा मजाक्‍नुङ।

होसे 4:15

गे इस्राएलीपुकी, तेल्‍लेम पाइतीनी हना यो, यहूदा ङा मुर आन कली हेंथे मगाक्‍पतीन। गेपुकी गिल्‍गालमी नु बेथ-आवेनमी मलन। मिनु ‘परमप्रभु यावे ब्रोंइशा बाक्‍शो खोदेंशो पा’ दे कसम मजने” दे परमप्रभुमी देंत। आमोस ५:५; होसे १०:५; आमोस ८:१४

होसे 4:19

ठेयब फश गिवार पशा, मेको आन कली योल्‍ब। मिनु मेको आन चढ़ेशो आ पर्बम मुने दोक्‍नीम।

होसे 5:13

एफ्राइम नु यहूदामी आस श्‍येत तुइक्‍तसे नोले, एफ्राइममी अस्‍सुर ङा ठेयब पिप कली ‘वारच पने’ दे पुंइथ मुर सोइक्‍ताक्‍व। तन्‍न मेकोमी इ कली वारच पने मचाप्‍ब। होसे ७:११; होसे १०:६; होसे १२:२

होसे 7:1

“गो इस्राएल ङा मुर आन कली सापाइक्‍चा मिम्‍ताक्‍ङ हना, एफ्राइम आ मरिम्‍शो पशो नु सामरीया आ पाप तांइसीब। मेकोपुकी जोल पना पन बाक्‍नीम। खुइपुकी खिं ओव़शा खुइ पाइनीम। रोइक्‍बपुकीम लांमी मुर आन कली रोइक्‍नीम। योएल ४:१

होसे 7:11

“एफ्राइम निप्‍स मपाइश्‍शो ढुकुर खोदेंशो बाक्‍ब। मेको कली निप्‍स मपाइश्‍शो आन कली खोदेंशो पा जोल पने चाम्‍सीब। मुल मेकोपुकीमी इजीप्‍त रागी कली ‘वारच पने’ दे ब्रेत्‍नीम। इच्‍का नोले मेकोपुकीमी अस्‍सुर रागी कली ब्रेत्‍नीम। होसे ५:१३

होसे 8:7

मेकोपुकीमी फश शोक्‍नीम। मिनु ठेयब फश गिवार खुप्‍नीम। मेको आन चेरब बोटमी बाला मबाक्‍नीम। मिनु मेकोपुकीमी फस सेल्‍ने मचाप्‍नीम। आन बाला बाक्‍तेक्‍म हना यो, रागी रागी ङा मुरपुकीमी मेको खुप्‍शा जाइनीम। येरमीया १२:१३