होसे 11:9 - Sunuwar Bible

⁹ गो आं ग्‍याइश्‍शो कुरशा मगाक्‍नुङ। गो एफ्राइम कली लेंशा खतम मपाइ‍नुङ। मारदे हना गो परमप्रभु नङ। गो मुर मनङ। गो इन दातेमी नेल्‍ल क्‍येङा सक्ति पाइश्‍शो दुम्‍शा, गाइश्‍शा मजाक्‍नुङ।

होसे 11:9 ပူးပေါင်းရင်းမြစ်များ

२ सामुएल 20:10

आमासामी योआब आ गुइमी तरवार बाक्‍शो मतुइक्‍ता बाक्‍त। मिनु योआबमी मेको आ कोव़जम तूदा बाक्‍त। मिनु मेको आ गा क्‍यी खपीम दोक्‍शा बेक्‍माक्‍त। मेकोमी खेयप निक्‍शी तूचा ममाल्‍दा बाक्‍त। मिनु योआब नु आ लोक्‍ब अबीशै बिक्री आ तौ शेबा कली खेदा पना पन लसा बाक्‍त। १राजा २:५

भजन संग्रह 46:5

मिनु परमप्रभु मेको सहरम बाक्‍ब। मिनु मेको महिम्‍सीब। परमप्रभुमी मेको सहर कली नां सोव़म रेन वारच पाइब।

भजन संग्रह 78:38

मो हना यो परमप्रभु शिशी पाइब बाक्‍तीके मेको आन ठीक मपशो माफ गेम्‍तीमी। मेको आन कली मसद। खेयप खेयप मेको आन पर्बम आ गाइश्‍शो तेक्‍तु। मेकोमी आ गाइश्‍शो नेल्‍ल मग्रुंइद।

भजन संग्रह 85:4

आंइ कली पाप रे प्रोंइब परमप्रभु, आंइ कली लेंशा ङोंइती ङा खोदेंशो सेल्‍की। मिनु इन आंइ कली मदाक्‍तीके समीन।

यसैया 12:6

सियोनम बाक्‍बपुकी ठेयब सेंदा पा ग्‍येरशा परमप्रभु कली ठेयब सेल्‍शा कुम्‍सो पने। मारदे हना इस्राएली आन का ला बाक्‍शो परमप्रभु इन दातेमी ठेयब बाक्‍ब।

यसैया 31:1

आबी, इजीप्‍त रागी कली “वारच पाइक्‍की” दे लाइबपुकी, मेकोपुकी शारा कली थमा सुइक्‍ब बाक्‍नीम। बग्‍गी कली थमा सुइक्‍नीम। मारदे हना मेकेर शुश बाक्‍नीम। शारा ङोइक्‍ब आन कली थमा सुइक्‍नीम। मारदे हना मेको शुश बोल्‍यो बाक्‍नीम। तन्‍न मेकोपुकीम इस्राएली आन का ला बाक्‍शो परमप्रभु यावे कली ममिम्‍थु, हिल्‍लो मपाइनीम। यसैया ३०:१-२; भजन संग्रह २०:८

यसैया 41:14

गे महिक्‍सीशो याकूब महिनो। इच्‍कका ला लीशो इस्राएलीपुकी महिनीन। गो इ कली वारच पाइ‍नुङ, दे परमप्रभु यावेमी देंत। इ कली पाप रे प्रोंइब इस्राएली आन का ला बाक्‍शो परमप्रभु, गो नङ। यसैया ४३:३

यसैया 41:16

गे मेको आन कली हारशा, फशेम योल्‍पाइक्‍नेवे। मिनु फश गिवारम मेको आन कली एर ओंथ फ्रशा योल्‍ब। मेना गे परमप्रभु यावे कली तुइश्‍शा, ग्‍येरनेवे। इस्राएली आन का ला बाक्‍शो परमप्रभु आ मुर दुम्‍‍शा, ग्‍येरसीनेवे” देंत।

यसैया 48:9

आं नें आ पर्बम आं गाइक्‍तीके तेक्‍नुङ। आं कली ठेयब सेल्‍तीके, गो इन पर्बम आं गाइक्‍तीके तेक्‍नुङ। इन कली मसाइक्‍चा कली मो पाइनुङ।

यसैया 5:24

मोपतीके दोपा मीम ठुटा नु सोव़शो घांस नेक्‍बा, मोपा मेको आन शाक्‍श राक्‍ब। मिनु आन फू फुरक खोदेंशो पा बेरशा लाइब। मारदे हना मेकोपुकीमी मुर नेल्‍ल आन परमप्रभु यावे आ लोव़ मटीम। मिनु इस्राएली आन का ला बाक्‍शो परमप्रभु आ लोव़ आ पर्बम शुक्‍शी पाम्‍तेक्‍म।

येरमीया 26:3

मिनु मेको नेंशा, मेको नेल्‍ल आन मरिम्‍शो लां रे लेत्‍नीमी, कों? मिनु मेको आन मरिम्‍शो पशो आ पर्बम मेको आन कली ठेयब श्‍येत चाक्‍तीक रे आं थुं फाइक्‍नुङा, कों? गो मेको आन तार चाक्‍चशो खतम दुम्‍तीक मचाक्‍नुङा, कों? येरमीया १८:८; येरमीया ३६:३

येरमीया 30:11

मारदे हना गो इ कली प्रोंइचा कली गे नु बाक्‍नुङ। इन कली फ्रशा वोइश्‍शो रागी रागी ङा मुर नेल्‍ल आन कली साइक्‍नुङमी। तन्‍न गो इ कली गेनायो मक्‍याम्‍नुङ। गो इ कली ठीक सजाइ गेनुङ। गो इ कली थमा पा सजाइ मगेथु, मप्रोंइनुङ” दे परमप्रभु यावेमी देंत। येरमीया १०:२४; ब्‍यवस्‍था ८:५

होसे 12:1

एफ्राइममी आं कली लोव़ पाइब। मेकोमी नेल्‍ल नाक्‍त पूर्ब ङा फश कली खेदा पाइब। मेकोमी जोल नु हुश ख्राक्‍श पोक्‍चा बारपाइक्‍ब। मेको अस्‍सुर नु गारब। मिनु इजीप्‍त रागी कली तेल सोइक्‍ब। होसे ५:१३

होसे 14:4

मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।

मलाकी 3:6

मिनु मेकोमी “गो, परमप्रभु यावे, गेनायो मफांइसीनुङ। मोपतीके गे याकूब आ चच युइ मुल सम्‍म ब्रोंइशो बाक्‍नीनी।

गन्‍ती 23:19

परमप्रभु मुर ममाइ। मेकोमी जोल मपाइब। मेको बेक्‍शा लाइब मुर खोदेंशो पा आ थुं मफाइक्‍ब। मेकोमी लोव़ थोक्‍शा देंम ङा मेरे पाइब। मेकोम पाइक्‍नुङ देंम ङा मेरे मेको मपाइक्‍बा ङा? १सामुएल १५:२९

ब्‍यवस्‍था 13:17

मिनु गेपुकीमी मथिचा देंशो थोव़क मारेइ मलतीन। मिनु परमप्रभु यावे आ गाइश्‍शो नाइक्‍ब कों, इन कली शिशी पा दाक्‍ब। इन किकी पिपी नु कसम जशो खोदेंशो पा इन कली शुश सेल्‍ब।

१ सामुएल 26:8

मिनु अबीशैमी दाऊद कली “परमप्रभुम मुलाक्‍ती इन जोरी सत्रु आन कली इन गुइमी गेशो बाक्‍माक्‍त। तूतीकेम काले‍मीन खप सम्‍म ग्रुक्‍सीचा ङा पा आप्‍चा कली हुकुम गेयीनी। गो खेयप निक्‍शी आप्‍‍चा ममाल्‍ङल” देंमाक्‍त। २सामुएल १६:९