होसे 11:7 - Sunuwar Bible

⁷ आं मुरपुकी गेना हना यो, आं क्‍येङा ङोन लाइनीम। मोपतीके मेकोपुकीमी जुवा कुरशो खोदेंशो पा श्‍येत जचा माल्‍नीम। मिनु सुइमी मेको आन कली आन श्‍येत रे मप्रोंइब।

होसे 11:7 ပူးပေါင်းရင်းမြစ်များ

भजन संग्रह 81:11

तन्‍न आं मुरपुकीमी आं लोव़ मनेनेम। इस्राएल आ मुरपुकीम आं कली मदाक्‍थु, आं देंशो मबिस्‍सम।

हितोपदेस 14:14

दूली पाइब आन दूली पशो ङा ताइनीम। मिनु रिम्‍शो पाइबमी आन रिम्‍शो पशो ङा ताइनीम।

यसैया 26:10

परमप्रभु यावे आ अरेशो लोव़ मटीब मुरपुकीमी शिशी ताम्‍तेक्‍म हना यो, ठीक पतीके मशेंसीनीम। मेकोपुकीम ठीक पाइब आन रागीमी दूली पाइनीम। मिनु परमप्रभु यावे कली मान मपाइनीम।

येरमीया 14:7

मिनु आंइ मरिम्‍शो पशोम आंइ पर्बम सांकछी गेम्‍तेक्‍म हना, परमप्रभु यावे, गे इन नें आ पर्बम शिशी पने। मारदे हना गो इन कली प्रोंइशा, थम मरिम्‍शो दुम्‍तक। गोपुकीम इन पर्बम पाप पशो बाक्‍त‍क। दानीएल ९:४-९

येरमीया 2:19

इन परमप्रभु यावे आ अरेशो लोव़ मटि‍तीकेमी इन कली सजाइ गेब। इन प्रोंइशोमी इन कली हुइक्‍ब। गेपुकीम इन परमप्रभु यावे कली प्रोंइशो थम मरिम्‍शो नु इन थुं कशो दुम्‍शो बाक्‍ब, दे तुइक्‍तीन। मिनु आं कली मान पा हिंतीके गे नु मबाक्‍ब” दे परमप्रभु, मुर नेल्‍ल आन परमप्रभु यावेमी देंत।

येरमीया 3:11

मिनु नोले परमप्रभु यावेमी आं कली “थमा सुइक्‍ने मचाप्‍ब इस्राएल, जोल पा मरिम्‍शो पाइब यहूदा क्‍येङा ठीक पाइब दुम्‍त।

येरमीया 7:25

इन किकी पिपी इजीप्‍त रे ग्रूशा जाक्‍मा रे मुल सम्‍म नाक्‍त किंत किंत आं गेय पाइब, आं लोव़ पाइब नेल्‍ल आन कली मेको आन बाक्‍तीके सोइक्‍ताक्‍ङमी। येरमीया २५:४

येरमीया 7:26

तन्‍न मेकोपुकीमी आं लोव़ मनेनेम। आं लोव़मी आन नोफा मदाइक्‍तेम। मटीब ला दुम्‍तेक्‍म। मिनु मेकोपुकीमी आन किकी पिपी आन क्‍येङा यो शुश मरिम्‍शो पाम्‍‍तेक्‍म। येरमीया १६:१२

येरमीया 8:5

मो हना यो एको मुरपुकी मारदे ची हिरशा गाक्‍मा? मारदे मेको नोले शोंइसीना सीन बाक्‍नीमी? आन मरिम्‍शो पतीके मप्रोंइथु, लेश्‍शा जाक्‍ने मबित्‍नीम।

होसे 11:2

मिनु गो दोशो इस्राएली आन कली ब्रेत्‍तु, मोशोन आं क्‍येङा ङोन लाम्‍तेक्‍म। मेकोपुकीमी बाल देवता कली चढ़ेम्‍तेक्‍म। मिनु मूर्ति आन कली धूप चोम्‍तेक्‍म।

होसे 14:4

मिनु परमप्रभुमी “गो इन नोले शोंइसीशो माफ गेनुङ। गो इन कली शुश शिशी पा दाक्‍नुङ। मारदे हना मुल इन कली तशा मगाइक्‍नुङ।

होसे 4:16

इस्राएलीपुकी मटीब बी खोदेंशो बाक्‍नीम। दोपा परमप्रभु यावेमी भेडा कली योव़शो खोदेंशो पा योव़ने चाक्‍बा?

होसे 7:16

मेको नेल्‍ल क्‍येङा ठेयब गे मलेत्‍नीम। मेकोपुकी जिक्‍शो लिब्रा खोदेंशो बाक्‍नीम। मेको आन ठेयब मुर आन मरिम्‍शो पशो लोव़ आ पर्बम तरवारमी साइक्‍चा पुंइसीनीम। इजीप्‍त रागीमी मेको आन पर्बम शुक्‍शी पाइनीम” देंत। भजन संग्रह ७८:५७