होसे 11:1 - Sunuwar Bible

¹ मिनु परमप्रभुमी “इस्राएल आल बाक्‍मेनु, गो मेको कली दाक्‍ताक्‍ङ। मिनु गो आं तौ कली इजीप्‍त रागी रे ब्रेत्‍ताक्‍ङ। ब्‍यवस्‍था ७:८; प्रस्‍थान ४:२२-२३; मत्ती २:१५

होसे 11:1 ပူးပေါင်းရင်းမြစ်များ

भजन संग्रह 129:1

इस्राएलमी “मेकोपुकीमी गो ठिटा बाक्‍ङा रेन आं कली थाम्‍पा श्‍येत गेतीमी” देंत।

प्रस्‍थान 19:4

‘गो इजीप्‍त ङा मुर आन कली मार मार पङा, मेको ताइतीनी। ककाकुली आ फ्रां तार कुरशो खोदेंशो पा इन कली आं नेक्‍था वोइक्‍तन्‍नी। ब्‍यवस्‍था ३२:११

प्रस्‍थान 4:22

मिनु गे मेको कली ‘परमप्रभु यावेमी इन कली मार लोव़ पाप्‍तु देंशा हना, इस्राएल आं ङोंइती जरमेशो तौ बाक्‍ब। ब्‍यवस्‍था ३२:६

प्रस्‍थान 4:23

आं तौ कली आं कली चढ़ेतीक चढ़ेथ लचा गेवो। गे मटिप्‍तीवी हना, गो इ ङोंइती जरमेशो तौ कली साइक्‍नुङ’ देंत, देनो” दे परमप्रभु यावेमी मोसा कली माइक्‍तु। प्रस्‍थान ११:५; प्रस्‍थान १२:२९

यसैया 43:4

मारदे हना गे आं योव़शो मुर बाक्‍नीनी। गे मान ताइब दुम्‍नीनी। गो इन कली दाक्‍नुङ। मोपतीके गो इन पा ङा अरु मुर आन कली गेनुङ। इन बेक्‍चा आ पा ङा रागी रागी ङा मुर आन कली गेतामी।

येरमीया 12:7

गो आं खिं प्रोंइता। आं थेरशो रू प्रोंइता। मिनु आं दाक्‍शो कली आ जोरी सत्रु आन गुइमी गेता।

येरमीया 2:2

“लावो, परमप्रभु यावेमी यरूसलेम कली मार देंत देंशा हना ‘गे इ ठिटी बाक्‍ची ना आं कली ग्‍युम्‍लीम खोदेंशो पा दाक्‍ताक्‍यी। गे आं कली मारेइ मशोक्‍शो गोरशो रागीमी आं नोले खोइक्‍ती। गो मेको मिम्‍नुङ। होसे २:१६; होसे १३:५

इजीकीएल 16:22

मिनु इ मूर्ति पूजा नु इ तेल्‍लेम पशो नेल्‍लेम ठिटी दुम्‍शो ङा नाक्‍त ममिम्‍ती। मेना गे वा मफेक्‍सीशो शिश्रा नु हुश लुम्‍सीशो बाक्‍ते।

इजीकीएल 16:6

मिनु गो इ नेक्‍था रे पा लङानु, इ कली हुश लुम्‍‍सीशा बाक्‍शो ताइतन। मिनु गे मोपा लुम्‍सीशा बाक्‍ङेनु, गो इ कली रू ङा बोट खोदेंशो पा कोल्‍शा, ब्रोंइशा, बाक्‍को’ देंती।

होसे 10:15

मारदे हना इन मरिम्‍शो पतीके मोदेंशो ठेयब बाक्‍ब। मोपतीके मोदेंशो दुम्‍ब। मेको नाक्‍त सुनी नां दाम चोटीन इस्राएल ङा पिप आन कली खतम पोक्‍नीम।

होसे 12:13

मिनु परमप्रभु यावेमी आ लोव़ पाइब आ पतीके इस्राएली आन कली इजीप्‍त रागी रे ग्रुंइताक्‍व। मिनु आ लोव़ पाइब रे पा मेको आन कली कोव़तु। प्रस्‍थान ३:१०

होसे 12:9

मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे चाक्‍शो नङ। गो ङोंइती ङा चाड नाक्‍ती खोदेंशो पा इन कली लेंशा इन ताम्‍बुमी बाक्‍चा गेनुङ” देंत। होसे १३:४

होसे 13:4

मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे ग्रुंइताक्‍ङ। गे गो आं ङा लाक्‍शा अरु परमप्रभु मतुइक्‍नीनी। मिनु गो आं ङा लाक्‍शा अरुमी पाप रे प्रोंइने मचाप्‍नीम।

होसे 2:15

मेकेर गो मेको कली आ अङगुर रू लेश्‍शा गेनुङ। गो आकोर माइश्‍शो दिंम कली चहिं आस पतीक रागी सेल्‍नुङ। मेकेर मेकोमी आ ठिटी बाक्‍ची ना ङा खोदेंशो नु इजीप्‍त रागी रे जाक्‍शो खोदेंशो पा कुम्‍सो पाइब” देंत। यहोसु ७:२४-२६

मलाकी 1:2

परमप्रभु यावेमी “गो इन कली दाक्‍ताक्‍ङ। गेपुकीमी चहिं ‘दोपा आंइ कली दाक्‍तीनी ङा? मार, एसाव याकूब आ लोक्‍ब ममाइ ङा?’ देंनीनी। मिनु परमप्रभु यावेमी गो याकूब कली शुश दाक्‍ताक्‍ङ। उत्‍पत्ती २५:२३; रोमी ९:१३

मत्ती 2:15

मिनु इजीप्‍त रागीमी जाक्‍दीश्‍शा, पिप हेरोद मबेक्‍म सम्‍म मेकेर बाक्‍मा बाक्‍त। मो दुम्‍शोमी परमप्रभु यावे आ लोव़ थमा दुम्‍माक्‍त। साइ नेसी परमप्रभु यावेमी आ लोव़ पाइब रे पा “इजीप्‍त रे लेत्‍तो, दे आं तौ कली ब्रेत्‍ताक्‍ङ” दे देंशो बाक्‍माक्‍त। होसे ११:१

ब्‍यवस्‍था 33:3

थमा पा, मुर आन दातेमी आ मुर शुश दाक्‍शो मुर बाक्‍नीम। गे इन मुर नेल्‍ल आन कली कोव़ब बाक्‍तीनी। मेकोपुकी इन खोइल आ नेक्‍था गाक्‍शो बाक्‍तेक्‍म। इन देंशो नेल्‍ल पाम्‍तेक्‍म।

ब्‍यवस्‍था 7:7

मिनु परमप्रभु यावेमी जात जात आन क्‍येङा गे शुश मुर बाक्‍तीके इन कली दाक्‍शा योव़शो ममाइ। थमा पा, गे जात जात ङा मुर आन क्‍येङा आइक्‍च जात बाक्‍नीनी। ब्‍यवस्‍था १०:१५