होसे 10:2 - Sunuwar Bible

² मेको आन थुं दूली बाक्‍ब। मुल मेकोपुकीमी आन मरिम्‍शो पशो आ सजाइ तचा माल्‍नीम। परमप्रभुमी मेको आन चढ़ेतीक नु आन ख्रुक्‍शो फुल्‍लु प्रेप्‍ब। मेको आन थाम ङा मूर्ति यो खतम सेल्‍ब।

होसे 10:2 ပူးပေါင်းရင်းမြစ်များ

१ राजा 18:21

मिनु एलीया मुर नेल्‍ल आन ङोंइती राप्‍शा “गे गेना सम्‍म थुं निक्‍शी पा बाक्‍नीनी? परमप्रभु यावे, थमा परमप्रभु बाक्‍ब देंनीनी हना, मेको आ नोले खोतीन। बालन परमप्रभु बाक्‍ब देंनीनी हना, मेको आ नोले खोतीन” देंमाक्‍त। तन्‍न मुरपुकीम लोव़ का यो मलेत्‍थु, सिक्‍सी पा बाक्‍मा बाक्‍त। यहोसु २४:१४; मत्ती ६:२४

प्रस्‍थान 23:24

गेपुकी मेको आन खोदेंशो मपने। मेको आन देवी देवता आन ङोंइती बाप्‍शा सेउ मपने। मेको आन कली गेय मपने। तन्‍न मेको आन मूर्ति जिक्‍शा प्रोल्‍शा ताइक्‍तीन। प्रस्‍थान २०:५; ब्‍यवस्‍था १२:३०; लेवी १८:३

हितोपदेस 11:18

परमप्रभु यावे आ अरेशो मटीब मुरुमी क्‍येट चेम्‍ब, तन्‍न मलीब। तन्‍न ठीक पाइब मुरुमी इनाम ताइनीम।

यसैया 44:18

मेको मुरपुकीमी मारेइ मतुइक्‍थु, मरुप्‍नीम। मारदे हना मेको मिक्‍च मताइनीमी। आन थुं मरोक्‍सीशो बाक्‍ब। मेकोपुकी मारेइ मरुप्‍ब बाक्‍नीम।

येरमीया 43:13

मेकोमी इजीप्‍त ङा हेल्‍योपोलीस सहरम बाक्‍शो नां आ मूर्ति बाक्‍शो थामपुकी प्रेप्‍ब। मिनु इजीप्‍त ङा देवी देवता आन खिंम मी सुइक्‍ब’ देंशो बाक्‍ब” देंत।

इजीकीएल 14:5

मिनु मेको मूर्तिम पतीके इस्राएल आ खिं ङा मुरपुकीम आं कली प्रोंइतेक्‍म। मो हना यो आन थुं फाइश्‍शा, आं गे लेत्‍ने चाप्‍नुङा, कों?’

होसे 12:11

गिलाद मरिम्‍शो पाइब बाक्‍ब। मेको आ मुरपुकी शोर गाक्‍शो बाक्‍नीम। मेकोपुकीमी गिल्‍गालमी ब्‍यफ चढ़ेम्‍तेक्‍म हना, आन फुल्‍लु के चढ़ेतीक ब्रेश्‍शा, फुल्‍लु देल्‍शो खोदेंशो दुम्‍ब। होसे ६:८; होसे ९:१५

होसे 13:16

सामरीया ङा मुरपुकीमी आन पाप पशो ङा श्‍येत जचा माल्‍नीम। मारदे हना मेकोपुकीम आंम परमप्रभु कली मटीम। मेकोपुकी तरवारमी साइक्‍चा पुंइसीनीम। मेको आन आलपुकी खपीमी ताइश्‍शा साइक्‍चा पुंइसीनीम। मेको आन कोव़ज कुरशो मीश मुर आन कोव़ज चेत्‍चा पुंइसीनीम” देंत। २राजा १५:१६

होसे 3:4

मारदे हना इस्राएलीपुकी शुश नाक्‍त सम्‍म पिप नु सासन पाइब मबाक्‍थु, बाक्‍चा माल्‍नीम। मेकोपुकीमी चढ़ेचा कली मिम्‍तीक फुल्‍लु, एफोद माइश्‍शो चढ़ेब आ पांइतीक वा नु आन खिं ङा मूर्ति यो मताइनीम। २इतिहास १५:३

होसे 7:8

“एफ्राइम थर ङा मुरपुकी रागी ङा मुर नु ब्‍वांइ‍सीनीम। एफ्राइम मलोक्‍शो शोब्‍ले खोदेंशो बाक्‍ब।

लेवी 26:30

गो इन डांडा ङा पूजा पतीक थामपुकी प्रेत्‍नुङ। इन धूप चोतीक नेल्‍ल प्रेत्‍नुङ। मिनु इन बेक्‍शो रां मेको ब्रोल्‍शो मूर्ति आन तार ताइक्‍नुङ। मिनु गो इन कली तशा ग्रांग्रा दिशा तिल्‍नुङ। इजीकीएल ६:४,६

मीका 5:13

गो इन दा‍ते ङा मूर्ति नेल्‍ल खतम पोक्‍नुङ। इन पूजा पचा कली ख्रुक्‍‍शो फुल्‍लु खतम पोक्‍नुङ। मिनु इन गुइमी सेल्‍शो थोव़क आन ङोंइती मबाप्‍नीनी।

सेफन्‍याह 1:5

खिं तार बाक्‍शा, नां तास्‍ला नु सोरुल आन ङोंइती बाप्‍ब, परमप्रभु यावे आ ङोंइती बाप्‍शा आ नें थिशा कसम जाइब। मोलेक आ नें यो थिशा कसम जाइब। येरमीया १९:१३; येरमीया ४९:१

जकरिया 13:2

मुर नेल्‍ल आन परमप्रभु यावेमी मार देंत देंशा हना मेको नाक्‍ती “गो रागी रे मूर्ति आन नें क्‍याम्‍‍नुङ। मिनु सुइमी मेको आन कली ममिम्‍नीम। मिनु गो मेको रागी रे जोल पा नोले दुम्‍ब लोव़ पाइब नु ग्रांग्रा दिशो वोल आन कली ग्रुंइशा खेरनुङ। मीका ५:१२; येरमीया २९:८-९

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४

लूका 16:13

गेय पाइब कामी होव़प निक्‍शी आस गेय पने मचाप्‍ब। मारदे हना का आ देंशो टिप्‍तु हना, अर्को कली मटीब दुम्‍ब। का कली दाक्‍ताक्‍व हना, अर्को कली चहिं काइ मदाक्‍ब। मोपतीके गे यो परमप्रभु यावे नु शोंप निक्‍शी आस नोले खोइक्‍ने मचाप्‍नीनी” दे येसुमी शेंदीमी बाक्‍त। मत्ती ६:२४

याकूब 1:8

थुं निक्‍शी पाइश्‍शो मुर आ थुं कामी परमप्रभु यावे आ लां खोइक्‍ब, थुं कामी मुर आन लां खोइक्‍ब।

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

१ यूहन्‍ना 2:15

गेपुकी रागी नु रागी ङा थोव़क कली मदाक्‍तीन। सु चहिं रागी कली दाक्‍बा, मेको आ थुंमी इं आफ, परमप्रभु यावे आ दाक्‍शो मबाक्‍ब। याकूब ४:४

१ सामुएल 5:4

मिनु मेकोपुकी लेंशा आ दीसा सुनी कना बोक्‍शा कोव़ङमेनु, दागोन परमप्रभु यावे आ कबल पशो सन्‍दोस आ ङोंइती गोल्‍शो तामे बाक्‍त। मिनु मेको मूर्ति आ पिया नु गुइ निक्‍शी जिक्‍शा, लाप्‍चो ङा शीम बाक्‍शो तामे बाक्‍त। दागोन आ रां ला लीशो बाक्‍माक्‍त।