होसे 10:11 - Sunuwar Bible

¹¹ मिनु एफ्राइम मगिक्‍शो बी का खोदेंशो बाक्‍ब। मिनु दांइ पशोनु, मेको ग्‍येरसीब। मोपतीके मेको आ दारशो बलामी गो जुवा लाप्‍नुङ। गो एफ्राइम कली दोरपाइक्‍नुङ। यहूदामी ब्‍यफ वाक्‍चा माल्‍ब। मिनु याकूबमी डल्‍ला प्रोल्‍चा माल्‍ब।

होसे 10:11 ပူးပေါင်းရင်းမြစ်များ

यसैया 28:24

मार, शोक्‍चा कली ब्‍यफ वाक्‍ब मुरुमी गेना हना यो ब्‍यफ वाक्‍बा? मार, गेना हना यो कुटीम दोशा, रू थेल्‍नीनी?

येरमीया 28:14

मिनु मुर नेल्‍ल आन परमप्रभु यावे, इस्राएली आन परमप्रभुमी “बेबीलोन ङा पिप नेबुकदनेसर आ वाइलीम वाइल दुम्‍पाइक्‍चा कली गो रागी नेल्‍ल ङा मुर नेल्‍ल आन शुरम फलाम के जुवा लाप्‍नुङमी। थमा पा, मेको आ वाइलीम वाइल दुम्‍नीम। गो ब्‍वाकी ङा जन्‍तु आन कली यो आ सासनमी गेतामी, देंशो बाक्‍ब, देनो” देंत। ब्‍यवस्‍था २८:४८; येरमीया २७:६

येरमीया 46:20

इजीप्‍त रागी दारशो मगिक्‍शो बी का खोदेंशो बाक्‍ब। तन्‍न उत्तर रे डांस का जाक्‍ब।

येरमीया 50:11

परमप्रभु यावेम “गे ग्‍येरसीनीनी। शुश ग्‍येरसीने। गे आं शोंप रोइक्‍ब बाक्‍नीनी। दांइ पाइब मगिक्‍शो बी खोदेंशो पा प्रेनीनी। गे शारा खोदेंशो पा ग्रीनीनी।

होसे 11:4

गोमी मेको आन कली मुर आन शिशी पशो खोदेंशो पा खुल्‍ताक्‍मी। गो मेको आन कली शुश दाक्‍ताक्‍ङ। गो मेको आन बलामी लाम्‍सीशो जुवा ग्रुंइशा गेतामी। गो मेको आन ङोंइती बाप्‍शा, मेको आन कली थुल्‍तामी।

होसे 2:5

मेको आन ममा जोल पा अर्को मुर नु गाक्‍त। मेको आन कली मुने पा थिशो बाक्‍त। मेकोमी ‘गो आं कली दाक्‍ब वोंइश खोइक्‍नुङ। मिनु मेकोमी आं कली जचा तूचा, ऊन नु सुती वा, तेल नु अङगुर शांबु गेब’ देंत। येरमीया ४४:१७

होसे 3:1

मिनु परमप्रभु यावेमी आं कली “इ मीशेमी अर्को वोंइश खोइश्‍शा, इ कली प्रोंइतु हना यो, मुल लशा, इ मीश कली लेंशा इ दाक्‍तीक कोंइदो। इस्राएलीपुकीमी अर्को देवी देवता आन कली दाक्‍शा आन चढ़ेशो थोव़क जचा दाक्‍ताक्‍म हना यो, परमप्रभु यावेमी इस्राएली आन कली दाक्‍ब” देंत। होसे १:२

होसे 4:16

इस्राएलीपुकी मटीब बी खोदेंशो बाक्‍नीम। दोपा परमप्रभु यावेमी भेडा कली योव़शो खोदेंशो पा योव़ने चाक्‍बा?

होसे 9:1

इस्राएली, मग्‍येरसीन। अर्को रागी रागी ङा मुर खोदेंशो पा, सोम्‍शा मग्‍येरसीन। मारदे हना गे इन परमप्रभु क्‍येङा नोले शोंइसाक्‍नी। गे अन्‍न ओंइतीक चाडमी तेल्‍लेम पशो आ पर्बम क्‍येट ताक्‍चा दाक्‍नीनी। होसे १:२

मीका 4:13

सियोन आ तमी बोक्‍शा, अन्‍न तुपो। मारदे हना गो इ ग्रोव़ फलाम के सेल्‍नुङ। गो इ गेंग्रे कांसा के सेल्‍‍नुङ। मिनु गे शुश जात जात ङा मुर आन कली फस पोक्‍नेवे। मेको आन रोइश्‍शो परमप्रभु यावे कली गेनेवे। मिनु मेको आन शोंप रागी नेल्‍ल ङा परमप्रभु यावे कली चढ़ेनेवे।

रोमी 16:18

मेकोपुकीमी येसु ख्रीस्‍त आ गेय मपाइनीम। आन कोव़ज प्रिंचा ला मिम्‍शा, गेय पाइनीम। मिलो शिलो लोव़ पा रिम्‍शो लोव़ नेंब आन थुं क्‍याल्‍नीम। मोदेंशो मुर आन क्‍येङा होस पा बाक्‍कीन। फिलिप्‍पी ३:१९; कलस्‍सी २:४

ब्‍यवस्‍था 25:4

दांइ पशो ब्‍यफ कली फुङला पाइक्‍चा मदुम्‍ब। १कोरिन्‍थी ९:९; १तिमोथी ५:१८