होसे 1:4 - Sunuwar Bible

⁴ मिनु परमप्रभु यावेमी होसे कली “मेको तौ आ नें येज्रेल वोतो। मारदे हना गो रीब पा येहू आ खिं कली येज्रेलमी पशो हुश ख्राक्‍श आ पर्बम क्‍येक्‍क लेत्‍नुङ। मिनु इस्राएल राज्‍य खतम पोक्‍नुङ। २राजा १०:१-१४

होसे 1:4 ပူးပေါင်းရင်းမြစ်များ

२ राजा 10:1

आहाब आ ७० जना तौ सामरीया सहरम बाक्‍शो बाक्‍मा बाक्‍त। मोपतीके येहूमी चिठी का ब्रेक्‍शा सामरीयाम, येज्रेल ङा हुकुम पाइब, खाल्‍पा नु आहाब आ तौ आन कली कोव़ब मुर आन कली सोइक्‍ता बाक्‍त।

२ राजा 10:17

मिनु येहू सामरीयाम जाक्‍दीश्‍शा, परमप्रभु यावेमी एलीया कली देंशो खोदेंशो पा, आहाब आ खिं ङा लीशो मुर नेल्‍ल आन कली का यो मप्रोंइ‍थु, साइक्‍मी बाक्‍त। १राजा २१:२१

२ राजा 15:29

इस्राएल ङा पिप पेकाहमी सासन पवा ना अस्‍सुर ङा पिप तिग्‍लात-पिलेसेरमी लडाइ तोशा, इयोन, आबेल-बेथ-माकाह, यानोह, केदेश, हासोर, गिलाद, गालील रागी नु नाप्‍ताली आ रागी नेल्‍ल आ के सेल्‍शा, मेकेर ङा मुर आन कली ग्‍याइश्‍शा अस्‍सुर लाइक्‍मी बाक्‍त। १इतिहास ५:२६

२ राजा 15:8

मिनु येरोबाम आ तौ जकरिया सामरीयाम इस्राएल ङा पिप दुम्‍माक्‍त। मेना अजारयाह यहूदा ङा पिप दुम्‍शो ३८ बर्स दुम्‍शो बाक्‍माक्‍त। मिनु जकरियामी ६ महिना सासन पवा बाक्‍त। २राजा १४:२९

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

यसैया 8:3

मिनु गो आं मीश नु बाक्‍ती। मिनु मेकोमी कोव़ज कुरशा तौ का थिप्‍तु। मिनु परमप्रभु यावेमी आं कली “मेको आ नें माहेर-शालाल-हाश-बाज वोतो।

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

येरमीया 20:3

मिनु आ दीसा पश्‍हुरमी येरमीया कली ठेंङरो रे ग्रुंइदानु, येरमीयामी मेको कली “परमप्रभु यावेम इ नें पश्‍हुर मवोइक्थु ‘एर ओंथ नेल्‍ल रे हिंतीक’ दे इ नें वोइक्‍तु। येरमीया २०:१०; येरमीया ६:२५; येरमीया ४६:५; येरमीया ४९:२९; बजन संग्रह ३१:१४

येरमीया 23:2

मोपतीके परमप्रभु यावे, इस्राएली आन परमप्रभुमी आ मुर आन कली योव़ब गोठला आन पर्बम “गेपुकीम आं बगाल आन कली फ्राइतीनी। मिनु मेको आन कली खेरतीनी। मेको आन कली मकोव़नी। मोपतीके गो इन मरिम्‍शो पशो आ पर्बम कोव़नुङ। इन कली सजाइ गेनुङ” दे परमप्रभु यावेमी देंत।

येरमीया 3:8

मेको थमा सुइक्‍ने मचाप्‍ब इस्राएल कली आ शुश तेल्‍लेम पतीके, गो छोड पत्र गेशा, सोइक्‍ताक्‍ङ, दे तुइश्‍शो बाक्‍त। मो हना यो आ लोक्‍ब देंखु पशो यहूदामी मेको तशा महिंथु। मेकोमी यो तेल्‍लेम पाप्‍तु।

इजीकीएल 23:10

मिनु मेकोपुकीमी मेको कली शिश्रा सेल्‍तेक्‍म। मिनु मेको आ तमी तौ आन कली ग्‍याइक्‍ताक्‍म। मिनु मेको कली तरवारम साइक्‍तेक्‍म। मेकोम सजाइ ताप्‍तु। मेको मीश मुर आन दातेम शुक्‍शी पाइक्‍चा पुंइसीब दुम्‍त।

इजीकीएल 23:31

गे इ लोक्‍ब खोदेंशो पाप्‍तीवी। मोपतीके गो मेको कली गेशो श्‍येत इ कली गेनन” दे परमप्रभु यावेमी देंत

होसे 1:6

मिनु गोमेरमी लेंशा आल कुरशा, तमी का थिप्‍तु। मिनु परमप्रभुमी होसे कली “मेको आ नें लो-रूहामा वोतो। मारदे हना गो इस्राएल कली लेंशा शिशी मपाइनुङ। मिनु मेको आन पाप मक्‍याम्‍नुङ। होसे २:३,२५

होसे 1:9

मिनु परमप्रभुमी होसे कली “मेको आ नें लो-अम्‍मी वोतो। मारदे हना गेपुकी आं मुर मननी। गो इन परमप्रभु मनङ। लो-अम्‍मी आ अर्थ ‘गे आं मुर मनवे नु गो इ परमप्रभु मनङ’ देंशो बाक्‍ब।

होसे 2:13

गो मेको कली बाल देवता कली धूप चोशो नाक्‍ती सजाइ गेनुङ। मेको नाक्‍त मेको ग्‍योम्‍सीशा वोंइश खोइक्‍तु। आं कली चहिं प्रेंताक्‍यी।

होसे 2:22

मिनु रागीमी अन्‍न, नक अङगुर शांबु नु तेलमी येज्रेल कली लोव़ लेत्‍नीम।

होसे 9:17

आं परमप्रभुमी मेको आन कली प्रोंइब। मारदे हना मेकोपुकीमी आ देंशो मटीम। मोपतीके मेकोपुकी रागी रागी ङा मुर आन दातेमी हिरशा गाक्‍ब दुम्‍नीम।

आमोस 9:8

परमप्रभु यावेमी शुश पाप पाइब राज्‍य कली कोव़ना कोव़न बाक्‍ब। मेकोमी “गो मेको आन कली रागी रे क्‍याम्‍नुङ। मो हना यो गो याकूब आ खिं कली चहिं नेल्‍ल मक्‍याम्‍नुङ” दे परमप्रभु यावेमी देंत।

मत्ती 1:21

नोले तौ का थीब। मेको कली येसु नें वोतो। मारदे हना मेकोमी आ मुर आन कली पाप रे प्रोंइब” दे तुइक्‍पदा बाक्‍त। लूका २:२१; प्रेरित ४:१२; भजन संग्रह १३०:८

लूका 1:13

मिनु परमप्रभु यावे आ स्‍वर्ग ङा गेय पाइबमी “जकरिया महिनो। परमप्रभु यावेमी इ पुंइशो गेब। इ मीश एलीशीबाम तौ का थीब। मिनु गे मेको आ नें यूहन्‍ना वोतो।

लूका 1:31

गे मुल कोव़ज कुरशा, तौ का थीनेवे। मिनु इ तौ कली येसु नें वोतो। यसैया ७:१४; मत्ती १:२१-२३

लूका 1:63

जकरियाम ब्रेक्‍तीक का पितीन, दे चाल पा “आं तौ आ नें यूहन्‍ना वोतीने” दे ब्रेक्‍ता बाक्‍त। मिनु नेल्‍ले छक लाक्‍मा बाक्‍त।

यूहन्‍ना 1:42

मिनु अन्‍द्रीयासमी सिमोन पत्रुस कली येसु नु ग्रुम्‍पाइक्‍तु। येसुमी मेको कली तशा “गे योआन्‍नेस आ तौ सिमोन नवे। इ नें केफास देंचा माल्‍ब” देंत। केफास देंशो फुल्‍लु बाक्‍ब। ग्रीक लोव़मी पत्रुस बाक्‍ब।

यहोसु 19:18

मेको आन सहर तेको तेको बाक्‍तेक्‍म देंशा हना, येज्रेल, केसुल्‍लोथ नु शुनेम, २राजा ४:८