होसे 1:10 - Sunuwar Bible

¹⁰ इस्राएलीपुकी समुन्‍द्र ङा बाल्‍वा खोदेंशो पा शुश दुम्‍नीम। मिनु सुइमी मेको आन कली पुक्‍ने नु हिक्‍ने मचाप्‍नीम। ते मेको आन कली ‘गेपुकी आं मुर मननी’ देंशो बाक्‍मे मेकेर मेको आन कली ‘गेना हना यो ब्रोंइशा बाक्‍ब परमप्रभु आ मुर’ देंनीम। उत्‍पत्ती २२:१७; रोमी ९:२६

होसे 1:10 ပူးပေါင်းရင်းမြစ်များ

उत्पत्ती 13:16

गो इ चच युइ खप ङा फुरक खोदेंशो पा शुश सेल्‍नुङ। मुरुम फुरक हिक्‍ने चाप्‍तेक्‍म हना ला, इ चच युइ आन कली यो हिक्‍ने चाप्‍नीम। तन्‍न मचाप्‍नीम। उत्‍पत्ती २८:१४; गन्‍ती २३:१०; १राजा ४:२०

उत्पत्ती 22:17

मार कसम जाता देंशा हना, गो इ कली आसीक गेनुङ। इ चच युइ आन कली सोरुल नु समुन्‍द्र आ नेक्‍था ङा बाल्‍वा खोदेंशो पा शुश सेल्‍नुङमी। मिनु मेकोपुकीमी आन जोरी सत्रु आन सहर आंम के सेल्‍नीम। उत्‍पत्ती १३:१६; हिब्रू ११:१२

उत्पत्ती 32:12

गे आं कली ‘गो इ कली थमा पा रिम्‍शो पाइनुङ। इ चच युइ आन कली समुन्‍द्र ङा बाल्‍वा खोदेंशो पा, हिक्‍ने मचाप्‍चा ङा सेल्‍नुङ’ देंतीनी” दे याकूबमी परमप्रभु कली लोव़ पवा बाक्‍त। उत्‍पत्ती २८:१३-१४

२ सामुएल 7:24

गे इन मुर इस्राएली आन कली गेना हना यो इन मुर दुम्‍पाइक्‍‍चा कली बोल्‍यो सेल्‍तीनी। मिनु परमप्रभु यावे, गे मेको आन परमप्रभु दुम्‍तीनी।

यसैया 43:6

गो उत्तर कली ‘प्रोंइशा सोइक्‍तीमी’ माइक्‍नुङ। दक्‍खिन कली ‘मतेक्‍मी’ आं तौ आन कली ङोन रागी रे चाक्‍कीन। मिनु आं तमी आन कली रागी आ सुर रे चाक्‍कीन।

यसैया 48:19

मिनु इन आल समुन्‍द्र ङा बाल्‍वा खोदेंशो पा शुश दुम वा। मिनु इन चच युइ अन्‍न खोदेंशो पा शुश दुम वा। आन नें गेनायो मक्‍याम्‍स वा। मिनु आं ङोंइती रे खतम मदुम वा। उत्‍पत्ती २२:१७

यसैया 63:16

गे आंइ आफ बाक्‍नीनी। मिनु अब्राहाममी आंइ कली मतुइश्‍‍शो बाक्‍त। इस्राएलम आंइ कली मतव। गे, परमप्रभु यावे, आंइ आफ, आंइ श्‍येत रे प्रोंइब बाक्‍नीनी। मेको साइ रे इन नें बाक्‍ब। ब्‍यवस्‍था ३२:६

यसैया 64:8

मो हना यो परमप्रभु यावे, गे आंइ आफ बाक्‍नीनी। गो खप नकी, गे खप के ग्‍योंब सेल्‍ब बाक्‍नीनी। गो नेल्‍ले इन सेल्‍शो नकी।

यसैया 65:1

परमप्रभु यावेमी “गो आं कली मतुइक्‍ब आन कली माल्‍ब सेल्‍तामी। आं कली ममाल्‍बमी आं कली थित्‍तीमी। आं नें मथीब रागी ङा मुर आन कली गो ‘गो एके बाक्‍ती। गो एके बाक्‍ती’ दे माइक्‍तामी। रोमी १०:२०

यसैया 66:20

मिनु इन लोक्‍ब नेल्‍ल आन कली रागी रागी रे परमप्रभु यावे आ ङोंइती चढ़ेशो खोदेंशो पा यरूसलेमम चाक्‍नीम। मेकोपुकी शारा, बग्‍गी, कुरतीके, गधा नु दलओंठम ङोइक्‍पाइश्‍शा, आं योव़शो डांडाम चाक्‍चा पुंइसीनीम। दोपा इस्राएलीपुकीमी आन अन्‍न चढ़ेतीके सफा ग्‍योंबुम परमप्रभु यावे आ खिं चाक्‍नीमी, मोपा मेकोपुकीमी पाइनीम। यसैया ६०:३-७

येरमीया 33:22

दोपा सरीङ ङा सोरुल हिक्ने मचाप्‍चा ङा बाक्‍नीमी नु समुन्‍द्र ङा बाल्‍वा पुक्‍ने मचाप्‍चा ङा बाक्‍बा, मोपा गो आं गेय पाइब दाऊद आ चच युइ नु आं कली गेय पाइब लेवी आ थर ङा मुर आन कली सोपाइश्‍शा बोपाइश्‍शा शुश सेल्‍नुङमी” देंत। उत्‍पत्ती १५:५

दानीएल 6:26

आं राज्‍य ङा मुर नेल्‍लेमी दानीएल आ परमप्रभु कली मान पा हिंचा माल्‍नीम। मारदे हना मेको गेना हना यो ब्रोंइशा बाक्‍ब परमप्रभु बाक्‍ब। मेको आ राज्‍य गेना हना यो लीब। मिनु आ अधिकार गेनायो मनुप्‍ब।

होसे 1:9

मिनु परमप्रभुमी होसे कली “मेको आ नें लो-अम्‍मी वोतो। मारदे हना गेपुकी आं मुर मननी। गो इन परमप्रभु मनङ। लो-अम्‍मी आ अर्थ ‘गे आं मुर मनवे नु गो इ परमप्रभु मनङ’ देंशो बाक्‍ब।

होसे 2:23

गो मेको कली आं पर्बम आं रागीमी बाक्‍पाइक्‍नुङ। गो मेको कली ‘मदाक्‍नुङ’ देंशो कली आं शिशी कोंइनुङ। मिनु गो ‘गेपुकी आं मुर मननी’ देंशो नङ। मुल गो ‘आं मुर ननी’ देंनुङ। मिनु मेकोपुकीमी आं कली ‘गे आंइ परमप्रभु बाक्‍नीनी’ देंनीम” दे परमप्रभुमी देंत। होसे १:६; होसे १:९; रोमी ९:२५; १पत्रुस २:१०

यूहन्‍ना 1:12

सु सुमी चहिं ब्रामे नु थमा सुदमे, मेको आन कली परमप्रभु यावे आ तमी तौ दुम्‍चा गेप्‍तु। गलाती ३:२६

रोमी 8:19

परमप्रभु यावे आ सेल्‍शो नेल्‍लेमी “परमप्रभु यावे आ तमी तौ दोदेंशो बाक्‍नीमी” दे कोव़चा दाक्‍नीम। कलस्‍सी ३:४; १यूहन्‍ना ३:२

२ कोरिन्‍थी 6:18

मिनु गो इन आफ दुम्‍नुङ। मिनु गेपुकी आं तमी तौ दुम्‍नीनी” दे नेल्‍ल सक्ति पाइश्‍शो परमप्रभु यावेमी देंत, दे ब्रेक्‍शो बाक्‍ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१

हिब्रू 11:12

मेना अब्राहाम आल मथीब खाल्‍पा बाक्‍माक्‍त हना यो, नोले आ खिं ङा मुर सोरुल खोदेंशो पा शुश दुम्‍शा, हिक्‍ने मचाप्‍चा ङा दुम्‍मा बाक्‍त।