हिब्रू 9:4 - Sunuwar Bible

⁴ थम चोव़खो कोठामी सुन के सेल्‍शो धूप चोतीक नु परमप्रभु यावे आ कबल पशो सुनमी गिल्‍शो सन्‍दोस बाक्‍माक्‍त। मेको कबल पशो सन्‍दोसमी मार वोइश्‍शो बाक्‍माक्‍त देंशा हना, मन्‍ना कुर पशो सुन के बोस, हारून आ कोच्‍वा दाप्‍शो कोक्‍के नु परमप्रभु यावेमी फुल्‍लुमी मुशा ब्रेक्‍शा वोइश्‍शो अरेशो लोव़ मेको आगाम बाक्‍माक्‍त। प्रस्‍थान १६:३३; प्रस्‍थान २५:१०-२२; गन्‍ती १७:२३-२५

हिब्रू 9:4 ပူးပေါင်းရင်းမြစ်များ

१ राजा 7:50

क्‍येख सुन के ग्‍योंब, सल्‍दो ख्रोइक्‍तीक कांइची, बोसपुकी थनौरो, कोइला कुरतीके, ब्‍वाक्‍कु ब्रुइक्‍तीक डाडु, कचौरा, थनौरो, नेल्‍ल क्‍येङा चोव़खो कोठा ङा लाप्‍चो नु अरु लाप्‍चो ङा हेक्‍तीक नेल्‍ल क्‍येख सुन के सेल्‍पदा बाक्‍त।

१ राजा 8:21

गो मेकेर परमप्रभु यावे आ कबल पशो सन्‍दोस बाक्‍‍तीके का सेल्‍ता। परमप्रभु यावेमी इं किकी पिपी आन कली इजीप्‍त रागी रे ग्रुंइशा चाक्‍गानु, मेकोपुकी नु कबल पशो बाक्‍माक्‍त” देंमाक्‍त।

१ राजा 8:9

मिनु होरेब डांडाम परमप्रभु यावेमी इस्राएली आन कली इजीप्‍त रे ग्रुंइची ना कबल पशो बाक्‍त। मेना मोसामी मेको कबल पशो लोव़ मु‍शा ब्रेक्‍शो फुल्‍लु निक्‍शी सन्‍दोसम कुर पा वोदा बाक्‍त। मेको सन्‍दोसम फुल्‍लु निक्‍शी ङा लाक्‍शा अर्को मारेइ मबाक्‍माक्‍त। प्रस्‍थान २५:२१; ब्‍यवस्‍था १०:५

२ इतिहास 5:10

मोसामी होरेब डांडाम मेको कबल पशो सन्‍दोस आगा वोइश्‍शो फुल्‍लु निक्‍शी क्‍येङा लाक्‍शा, अरु मारेइ मबाक्‍माक्‍त। मेना परमप्रभु यावेमी इस्राएली इजीप्‍त प्रोंइशा गाक्‍मानु, कबल पशो बाक्‍माक्‍त। ब्‍यवस्‍था १०:५; हिब्रू ९:४

प्रस्‍थान 26:33

मिनु मेको फारतीके हेक्‍तीकेम हेक्‍पाइक्‍चा माल्‍नेवे। मिनु गे मेको आं अरेशो लोव़ आगाम वोइश्‍शो सन्‍दोस मेको फारतीके आगा गे वोइक्‍पाइक्‍चा माल्‍नेवे। मोपा मेको फारतीके चोव़खो नु नेल्‍ल क्‍येङा चोव़खो बाक्‍तीक कली फारब दुम्‍ब। मत्ती २७:५१; हिब्रू ९:३; प्रस्‍थान २६:६,११

प्रस्‍थान 31:18

मिनु परमप्रभुमी मोसा नु सीनै डांडाम लोव़ पने थुम्‍शा, आ देंशो फुल्‍लु निक्‍शीमी मुशा आंम ब्रेक्‍शो लोव़ मोसा कली गेप्‍तु। प्रस्‍थान २४:१२; प्रस्‍थान ३२:१५-१६; प्रस्‍थान ३४:२८; ब्‍यवस्‍था ४:१३; ब्‍यवस्‍था ५:२२; ब्‍यवस्‍था ९:१०; ब्‍यवस्‍था १०:१-५

प्रस्‍थान 32:15

मिनु मोसा परमप्रभु यावे आ देंशो लोव़ ब्रेक्‍शो फुल्‍लु निक्‍शी कुरशा, डांडा रे ब्रुप्‍त। मेको फुल्‍लु निक्‍शी निम्‍फा पटटीम मुशा ब्रेक्‍शो बाक्‍त।

प्रस्‍थान 34:29

मिनु नोले मोसा मेको परमप्रभु यावे आ कबल ङा लोव़ ब्रेक्‍शो फुल्‍लु निक्‍शी कुरशा, सीनै डांडा रे तोंइसाक्‍व। मोसा परमप्रभु यावे नु लोव़ पतीके आ कुल परमप्रभु आ छेङछेङम छेङछेङ दुम्‍शो बाक्‍ब, दे मतुइक्‍त।

प्रस्‍थान 37:25

धूप चोशा चढ़ेतीके बोल्‍यो शी के कुबीत का लाइश्‍शो नु कुबीत का ब्रेम्‍शो ४ पाटे पा सेल्‍तु। आ ग्‍येत्‍थ लाइश्‍शो कुबीत निक्‍शी ङा सेल्‍तु। मेको नु मेको आ ग्रोव़ नेल्‍ल मख्रोंइसीशो शी का केन सेल्‍तु। कुबीत का ०.५ मिटर, हात का खोदेंशो बाक्‍ब।

प्रस्‍थान 39:35

कबल पशो सन्‍दोस, मेको आ कुरतीक कोक्‍के नु सुम्‍तीके,

प्रस्‍थान 40:3

गे कबल पशो सन्‍दोस आगाम वोइश्‍शा, फारतीक वाम फारदो।

लेवी 16:12

मिनु मेकोमी परमप्रभु यावे आ ङोंइती चढ़ेतीके रे ब्रशो कोइला धूप चोतीकेम कुर पा मुठी निक्‍शी चुशो ब्रोव़शो रिना पाइश्‍शो धूप कुरशा फारतीक वा चोव़खो कोठा ओव़चा माल्‍ब।

गन्‍ती 17:10

मिनु परमप्रभु यावेमी मोसा कली “मरिम्‍शो पाइब मुर आन कली मिम्‍तीके दुम्‍पाइक्‍चा कली हारून आ कोक्‍के लेंशा सल्‍ला पशो सन्‍दोस आ ङोंइती लाइश्‍शा वोतो। मिनु मेकोपुकीमी आं पर्बम गन गन पचा मप्रोंइतेक्‍म हना, बेक्‍नीम” देंत। हिब्रू ९:४

गन्‍ती 17:5

मिनु आं योव़शो मुर आ कोक्‍केम कोच्‍वा दाप्‍ब। मोपा गो इस्राएलीपुकीम इस पशो गन गन नाइक्‍पाइक्‍नुङमी” देंत। गन्‍ती १६:५-७

गन्‍ती 17:8

मिनु मोसा आ दीसा सल्‍ला पशो सन्‍दोस बाक्‍शो ताम्‍बुम लत। मिनु लेवी आ थर ङा मुर, हारून आ कोक्‍केम कोच्‍वा दाप्‍शा, फू बोइश्‍शा देसी बदाम सिश्‍शो मीशो ताप्‍तु।

ब्‍यवस्‍था 9:11

मिनु मेको ४० नाक्‍ती नाक्‍दो थुम्‍ची ना परमप्रभु यावेमी मेको कबल ङा लोव़ ब्रेक्‍शो फुल्‍लु निक्‍शी आं कली गेती।

ब्‍यवस्‍था 9:9

मिनु गो परमप्रभु यावेमी गेपुकी नु पशो कबल ङा लोव़ ब्रेक्‍शो फुल्‍लु ब्रथ डांडा ङोंइसाक्‍यी। मिनु गो ४० नाक्‍त नु ४० नाक्‍दो मेकेर बाक्‍ती। शोब्‍ले मजङ, ब्‍वाक्‍कु यो मतूङु। प्रस्‍थान ३४:२८

प्रकाश 11:19

मिनु परमप्रभु यावे आ स्‍वर्ग ङा खिं रोक्‍साक्‍व। मिनु मेको कबल पशो सन्‍दोस परमप्रभु यावे आ खिंम तांइसाक्‍व। मिनु चिला पाप्‍तु। शुश रेयके नु बुंबु पशो नेंसाक्‍व। ख्रिनु यो कुत। मिनु ठेयब मुप्‍स यित। प्रकाश १५:५

प्रकाश 8:3

मिनु अर्को परमप्रभु यावे आ गेय पाइब का जाक्‍शा, चढ़ेतीक आ नेक्‍था राप्‍त। मेकोमी सुन के थनौरो कुरशो ताता। मिनु मेकोमी शुश धूप ताक्‍तु। मार पचा कली ताक्‍तु देंशा हना, थमा सुइक्‍ब आन परमप्रभु यावे कली मान पशो नु पुंइशो लोव़ सुन के चढ़ेतीकेमी ब्‍वाइक्‍चा कली ताक्‍तु।