हिब्रू 9:22 - Sunuwar Bible

²² थमा पा परमप्रभु यावे आ अरेशो लोव़ ब्रेक्‍शो खोदेंशो पा मारेइ मारेइ चोव़खो सेल्‍चा कली हुश ब्रुइक्‍चा माल्‍दा बाक्‍त। हुश मजारथु, पाप मक्‍याम्‍सीब, दे रुप्‍नय। लेवी १७:११

हिब्रू 9:22 ပူးပေါင်းရင်းမြစ်များ

इजीकीएल 43:18

मिनु मेकोम आं कली “ए मुर, परमप्रभु, परमप्रभु यावेमी ‘मेको चढ़ेतीके सेल्‍ने थुम्‍शो नाक्‍ती चोशा चढ़ेतीके चढ़ेचा नु हुश ब्रुइक्‍चा कली मेको चढ़ेतीके आ पर्बम पचा माल्‍शो गेय मार बाक्‍त देंशा हना,

लेवी 14:14

मिनु चढ़ेबमी मेको गारचा आ पर्बम चढ़ेशो आ हुश लाइश्‍शा, मेको चोव़खो सेल्‍चा पुंइसीशो मुर आ ग्‍युरा नोफा आ फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येमी ख्रेक्‍चा माल्‍ब। लेवी ८:२३; प्रस्‍थान २९:२०

लेवी 14:25

मिनु चढ़ेबमी मेको गारचा आ पर्बम चढ़ेतीक सांड क्‍योरशा, मेको आ हुश इच्‍का लाइश्‍शा, चोव़खो सेल्‍चा पुंइसीब मुर आ ग्‍युरा नोफा ङा फेनेम, आ ग्‍युरा गुइ ङा बोंग्‍ये नु आ ग्‍युरा खोइल ङा बोंग्‍येमी ख्रेक्‍चा माल्‍ब।

लेवी 14:6

मिनु चढ़ेबमी मेको सेस चिक्‍ब, मेको लेबानोन ङा लाइश्‍शो रवा आ शी, मेको लल रङम नुप्‍शो ऊन नु हिस्‍सोप मेको सिक्‍स ब्‍वाक्‍कु तारी साइश्‍शो चिक्‍ब आ हुशेमी ख्रुम्‍शा ग्रुंइचा माल्‍ब।

लेवी 17:11

मारदे हना मेको बस्‍तु भाव आन हुशेम ब्रोंइतीक सोक्‍त बाक्‍ब। मिनु गो मेको हुश इन कली चढ़ेतीकेमी इन पाप क्‍याम्‍तीक गेय पचा कली गेता। मारदे हना हुशेम पाप क्‍याम्‍तीके बाक्‍ब। हिब्रू ९:२२

लेवी 4:20

मेकोमी पाप आ पर्बम चढ़ेशो ब्‍यफ कली दोदेंशो पामे, मेको ब्‍यफ कली यो मोदेंशोन पचा माल्‍ब। मोपा चढ़ेबमी मेको आन पर्बम पाप क्‍याम्‍तीक गेय पाइब। मिनु मेकोपुकीम माफ ताइनीम।

लेवी 4:26

मेको आ बोंसो नेल्‍ले चढ़ेतीक आ तार चोचा माल्‍ब। मेको दुशा बाक्‍तीक आ पर्बम चढ़ेशो बोंसो खोदेंशो पा चढ़ेतीकेमी चोचा माल्‍ब। मोपा चढ़ेबमी मेको आ पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लेवी 4:35

मेकोमी आ बोंसो नेल्‍ल दुशा बाक्‍चा आ पर्बम चढ़ेशो आ बोंसो खोदेंशो पा शोल्‍चा माल्‍ब। मिनु चढ़ेबमी मेको चढ़ेतीकेमी अरु चोशा चढ़ेतीक नु परमप्रभु यावे कली चोचा माल्‍ब। मोपा चढ़ेबमी मेको आ पशो पाप आ पर्बम पाप क्‍याम्‍तीक गेय पाइब। मिनु मेको माफ ताइब।

लेवी 5:10

मिनु चढ़ेबमी अर्को परवा चहिं परमप्रभु यावेमी ङोंइती देंशो खोदेंशो पा चोशा चढ़ेतीक चढ़ेचा माल्‍ब। मोपा मेको चढ़ेबमी मेको आ पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।

लेवी 5:11

तन्‍न ढुकुर निक्‍शी नु परवा निक्‍शी यो चाक्‍ने मचाप्‍तु हना, मेकोमी मार पाप पशो बाक्‍मे, मेको पाप आ पर्बम एफाह का ङा १० भाग थम रिम्‍शो फस चाक्‍चा माल्‍ब। मेकोमी मेको फस तार तेल लुक्‍चा नु धूप वोइक्‍चा मदुम्‍ब। मारदे हना मेको पाप आ पर्बम चढ़ेतीके बाक्‍ब। एफाह पुक्‍तीके का बाक्‍ब। एफाह का २२ लिटर रिक्‍ब। मेको ङा १० भाग २ लिटर नु इच्‍का खोइ खोदेंशो बाक्‍ब।

लेवी 5:12

मेकोमी मेको चढ़ेब आन बाक्‍तीक चाक्‍चा माल्‍ब। मिनु चढ़ेबमी मेको मिम्‍चा कली मुठी का हुइश्‍शा, परमप्रभु यावे कली मीम चोशा चढ़ेतीकेम अरु नु चोचा माल्‍ब। मेको पाप आ पर्बम चढ़ेतीक बाक्‍ब।

लेवी 5:18

मेकोमी चढ़ेब आन बाक्‍तीकेम मारेइ मदुम्‍शो थम रिम्‍शो ठीक क्‍येट लाइब सांड का आ बगाल रे गारचा आ पर्बम चढ़ेतीक चढ़ेचा कली चाक्‍चा माल्‍ब। मिनु चढ़ेबमी मेको आ मतुइक्‍थु पशो पाप आ पर्बम पाप क्‍याम्‍तीक गेय पचा माल्‍ब। मिनु मेकोम माफ ताइब।

लेवी 6:7

मिनु मेको चढ़ेबमी मेको आ पर्बम परमप्रभु यावे आ ङोंइती पाप क्‍याम्‍तीक गेय पचा माल्‍ब। मिनु मेकोमी मार आ पर्बम दोस तशो बाक्‍मे, मेकोम माफ ताइब” देंत।