हिब्रू 9:19 - Sunuwar Bible

¹⁹ मोसामी मुर आन कली परमप्रभु यावे आ शेंशो अरेशो लोव़ नेंपाइक्‍ने थुम्‍शा, बाछा नु बोका आन हुश नु ब्‍वाक्‍कु क्‍याल्‍शा, हिसोप के सेल्‍शो ब्राक्‍सु कली लल ऊनमी फ्रेंशा, परमप्रभु यावे आ अरेशो लोव़ ङा किताब नु मुर नेल्‍ल आन कली ब्रुइक्‍तीमी बाक्‍त। गन्‍ती १९:६

हिब्रू 9:19 ပူးပေါင်းရင်းမြစ်များ

भजन संग्रह 51:7

गे हिस्सोप के ब्राक्‍सुमी आं पाप क्‍याम्‍दीन। मिनु आं पाप क्‍याम्‍सीशो बाक्‍ब। मिनु आं कली चिक्‍तीनी। मिनु गो फुं क्‍येङा बुश दुम्‍नुङ। प्रस्थान १२:२२-२३; यसैया १:१८

प्रस्‍थान 12:22

मिनु गे हिस्सोप के ब्राक्‍स लाइश्‍शा, हुश दाइक्‍तीक बोसुम ख्रुम्‍शा, लाप्‍चो आ पिया नु थाम निक्‍शी कली ख्रेक्‍तीन। मेको नाक्‍दो सुनी सम्‍म सुइ लाङगा मग्रूङीने। प्रस्‍थान १२:१३

यसैया 52:15

मिनु मेकोमी रागी रागी ङा शुश मुर आन कली छक लाक्‍पाइक्‍ब। मिनु पिपपुकी मेको कली तशा, सिक्‍सी पा बाक्‍नीम। मारदे हना मेको आन ङोंइती गेनायो मशेंसीशो ताइनीम। मेको आन मनेंशो लोव़ आ पर्बम शुश मिम्‍चा माल्‍नीमी। यसैया ६५:१; रोमी १५:२१

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

लेवी 1:10

मेको आ चोशा चढ़ेतीक आ बगाल ङा क्‍यारश भेडा बाक्‍तेक्‍म हना, मेकोमी मारेइ मदुम्‍शो थम रिम्‍शो बोका, सांड चढ़ेचा माल्‍नीम।

लेवी 3:6

मेकोमी आ दुशा बाक्‍चा आ पर्बम परमप्रभु यावे कली चढ़ेतीके क्‍यारश भेडा रे का चढ़ेब हना, मेकोमी मारेइ मदुम्‍शो थम रिम्‍शो क्‍यारश भेडा बाक्‍त हना यो, बोका सांड बाक्‍त हना यो, चढ़ेचा माल्‍ब।

गन्‍ती 19:18

मिनु नोले ग्रांग्रा मदिशो मुर कामी हिस्‍सोप के ब्राक्‍स मेको चोव़खेतीक ब्‍वाक्‍कुम नुप्‍शा, मेको बेक्‍शो मुर आ ताम्‍बु, मेकेर बाक्‍शो मारेइ मारेइ, मेक बाक्‍ब मुर आन कली, रुश थीब मुर आन कली, साइक्‍चा पुंइसीशो मुर थीब, बेक्‍शो मुर नु तुरस थीब मुर आन कली मेको ब्‍वाक्‍कु ब्रुइक्‍चा माल्‍ब।

गन्‍ती 19:6

मिनु चढ़ेबमी लेबानोन ङा लाइश्‍शो रवा आ शी, हिस्‍सोप के ब्राक्‍स, लल रङ ङा ऊन चाक्‍शा, मेको बी कली जेन्‍ना जेन्‍न पशो मीम हुम्‍चा माल्‍ब। लेवी १४:६

मत्ती 27:28

आ फेक्‍शो वा प्रुइश्‍शा, लल वा फेक्‍पा

मर्कूस 15:17

आ फेक्‍शो वा प्रुइश्‍शा, पिप आन फेक्‍तीक रङ पाइश्‍शो वा फेक्‍पाइश्‍शा, चू के सिरपेच सेल्‍शा, आ पियाम गुप्‍तमे बाक्‍त।

मर्कूस 15:20

मिनु शुक्‍शी पचा रूशा, वा प्रुइश्‍शा, आंम आ वा फेक्‍पाइश्‍शा, ग्रुंइशा, शीमी क्‍येप्‍शा कांटी थोक्‍शा क्‍याइक्‍चा कली लदमे बाक्‍त।

यूहन्‍ना 19:2

आ सिपाहीपुकीमी चू के सिरपेच सेल्‍शा, येसु आ पियामी गुप्‍ताक्‍म। मिनु येसु कली पिप आ फेक्‍तीक वा फेक्‍ताक्‍म।

यूहन्‍ना 19:5

मिनु येसु चू के सिरपेच गुप्‍शा, पिप आ फेक्‍तीक वा फेक्‍शा ग्रूत। पिलातसमी “लो, एको मुर कली कोव़ङीन” देंत।

हिब्रू 1:1

साइ नेसी परमप्रभु यावेमी आ लोव़ पाइब आन कली मार मार पपाइश्‍शा नु कोंइशा, इं किकी पिपी नु लोव़ पाइबाक्‍माक्‍त।

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

हिब्रू 10:4

मारदे हना ब्‍यफ नु बोका आन हुशेम पाप क्‍याम्‍ने मजाप्‍ब, दे तुइक्‍तय।

हिब्रू 12:24

नक कबल खाप्‍ब येसु बाक्‍ब। मिनु येसु आ जारशो हुश यो बाक्‍ब। मेको हुश हाबील आ हुश खोदेंशो ममाइ। हाबील आ हुशेमी “आं कली साइक्‍ब सजाइ गेचा पुंइसमल” देंब। येसु आ हुशेम चहिं “मेको आन पाप नेल्‍ल क्‍याम्‍शा, सजाइ जचा रे प्रोंइतामी” देंब। हिब्रू ९:१५; उत्‍पत्ती ४:१०

हिब्रू 9:12

बाछा, बोका आन हुश चढ़ेशो ममाइ। कालेमीन स्‍वर्ग ङा थम चोव़खो कोठाम ओव़दीश्‍शा, आ हुश चढ़ेप्‍तु। मो पशोमी पाप रे प्रोंइतीक गेय गेना हना यो कली पने थुम्‍तु, मारेइ पचा मली।

हिब्रू 9:13

बोका, ब्‍यफ आन हुश चढ़ेशा, आन श्‍ये चोशो ङा पुलु फ्रशा, मुर आन रां चोव़खो सेल्‍ने चाप्‍ब हना, गन्‍ती १९:२,९,१७

हिब्रू 9:18

ङोंइती पशो कबल यो हुश जारशोमी गाप्‍शो बाक्‍माक्‍त।

१ पत्रुस 1:2

इं आफ परमप्रभु यावेमी इन कली योव़शा, आ मुर दुम्‍नीम देंत। मिनु आ सोक्‍तीमी इन कली येसु ख्रीस्‍त कली टीब सेल्‍तु। आ हुशेमी चोव़खो सेल्‍तु। परमप्रभु यावे आ गेशो शिशी नु थुं नाइक्‍तीके ङोंइती क्‍येङा मुल गे नु शुश बाक्‍ल। रोमी ८:२९