हिब्रू 8:9 - Sunuwar Bible

⁹ मेको आन किकी पिपी आन कली पशो कबल खोदेंशो ममाइ। मेको किकी पिपी आन कली गुइमी ग्‍याइश्‍शा, इजीप्‍त रागी रे ग्रुंइशा लां कोंइदु नु कबल पा नाता सेल्‍तामी। तन्‍न मेकोपुकीमी नाता ख्रोइक्‍तेक्‍म। मोपतीके गो यो मेको आन कली प्रोंइशा ममिम्‍तुमी’ दे परमप्रभुमी देंब। प्रस्‍थान १९:५-६

हिब्रू 8:9 ပူးပေါင်းရင်းမြစ်များ

उत्पत्ती 19:16

मिनु लोत कली ओंखां बोक्‍शो तशा, मेको कली आ तमी निक्‍शी नु आ मीशे आन कली गुइ रे कीशा, सहर रे ग्रुंइदसे बाक्‍त। मोपा परमप्रभु यावेमी लोत नु आ खिं ङा मुर आन कली दाक्‍शा प्रोंइमी बाक्‍त।

अय्‍युब 8:20

नेनीन, परमप्रभुमी दोस मताइब मुर कली मतिल्‍ब। मेकोम मरिम्‍शो गेय पाइब मुर आन कली वारच मपाइब।

भजन संग्रह 105:43

मोपा परमप्रभुमी आ योव़शो मुर आन कली ग्‍येरपाइश्‍शा ग्रुंइदीमी बाक्‍त। मिनु मेकोपुकी कुम्‍सो पा ग्रू‍मा बाक्‍त।

भजन संग्रह 77:20

मोसा नु हारून आस गुइ रे पा, गे इन मुर आन कली भेडा आन हुल खुल्‍शो खोदेंशो पा गाक्‍पाइक्‍तीनी” दे परमप्रभु कली लोव़ पता।

भजन संग्रह 78:57

मेको आन किकी पिपी खोदेंशो पा नोले शोंइसाक्‍म। मिनु मेकोपुकी ब्रोइक्‍चशो लिब्रा खोदेंशो पा दूली पाइब दुम्‍तेक्‍म।

प्रस्‍थान 32:8

मेकोपुकीमी आं शेंशो लोव़ थु था प्रोंइतेक्‍म। आंम कली सुन के बाछा का सेल्‍शा, मेको कली पूजा पशा ‘इस्राएल ङा मुरपुकी, एकोन इं कली इजीप्‍त रागी रे ग्रुंइब परमप्रभु बाक्‍ब’ देंतेक्‍म” दे परमप्रभु यावेमी मोसा कली दें‍त। प्रस्‍थान २०:४,२३

प्रस्‍थान 34:10

मिनु मेकोमी “नेनो, गो कबल का पाइनुङ। इ मुर नेल्‍ल आन ङोंइती छक लाक्‍चा ङा गेय पाइनुङ। गो मोदेंशो गेय रागी रागी आन दातेमी गेनायो मपङ। मिनु गे नु बाक्‍ब मुर नेल्‍लेमी परमप्रभु यावे आ गेय बाक्‍ब, दे तुइक्‍नीम। आं पचशो गेय हिंचा ङा नु छक लाक्‍चा ङा बाक्‍ब। प्रस्‍थान १९:५

ठेयब कुम्सो 8:5

आंम दाक्‍शो मुर नु क्‍येम्‍सीशा, गोरशो रागी रे जाक्‍ब सु बाक्‍बा? गो स्‍याउ रवा आ पुंमी इन कली सेंताक्‍ङ। मेकेर इन ममामी इन कली कुरतु। मेकेर इन कली थिचा कली आल थितीक रोइ पाप्‍तु।

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 41:13

मिनु गो परमप्रभु यावे, इ परमप्रभुमी इ ग्‍युरा गुइ ग्‍याइक्‍नुङ। मिनु गो इ कली ‘महिनो’ देंशा, वारच पाइनुङ।

यसैया 51:18

मेको आ थिशो आल आन दातेमी, मुर आन कली शेंब सुइ मबाक्‍म। आ कोल्‍शो आल आन दातेमी मेको आन कली लां कोंइब सुइ मबाक्‍म।

यसैया 63:9

मेको आन श्‍येत तशा, आं सोइश्‍शो मुर ममाइ, परमप्रभु यावे आ स्‍वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्‍तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्‍‍शा, कुरशो बाक्‍त। प्रस्‍थान ३३:१४-१५

येरमीया 31:32

मेको कबल मेको आन किकी पिपी आन कली इजीप्‍त रे ग्रुंइची ना पशो कबल खोदेंशो ममाइ। गो मेको आन वोंइश खोदेंशो बाक्‍ती हना यो, मेकोपुकीमी मेको कबल मखबेम।

बिलाप 4:16

परमप्रभु यावेमी मेको आन कली मोपा ब्रपाइक्‍तीमी। मुल लेंशा मेको आन कली शिशी मपाइक्‍ब। सुइमी चढ़ेब आन कली मान मपामे। खाल्‍पा आन कली यो महिक्‍गेम। येरमीया २:६; येरमीया ५:१२; लेवी १९:३२

इजीकीएल 16:59

परमप्रभु, परमप्रभु यावेमी “गे इ पशो खोदेंशो पा गो इ कली पाइनुङ। गे आं कसम जशो ममिम्‍ती। इस पशो कबल यो क्‍याम्‍ताक्‍वी।

इजीकीएल 16:8

गो लेंशा इ नेक्‍था रे पा लङानु, गे ग्‍युंबे पची ना दुम्‍शो बाक्‍ते। मिनु गो आं वा आ सुरमी इ शिश्रा रां सुम्‍ता। गो गे नु कबल का पाता। मिनु गे आं के दुम्‍ते। रूथ ३:९; प्रस्‍थान १९:५

आमोस 5:22

गे आं कली चोशा चढ़ेतीक नु अन्‍न चढ़ेतीक चढ़ेतीनी हना यो, गो मेको मब्राइनुङ। मिनु इन नेल्‍ल क्‍येङा दोम्‍शो बस्‍तु दुशा बाक्‍चा आ पर्बम चढ़ेशो यो मकोव़नुङ। मीका ६:६-७

मलाकी 2:13

गेपुकीमी अर्को मार पाइनीनी देंशा हना, परमप्रभु यावे आ चढ़ेतीके आ नेक्‍था ङाक्‍शा, रोंका पा इन प्रेक्‍कुमी जित्‍नीनी। मारदे हना इन चढ़ेशो ग्‍येरशा मब्राइब। मलाकी १:१०

मर्कूस 8:23

मिनु येसुमी मिक्‍च मताइब कली गुइमी ग्‍याइश्‍शा ङा मिन, कीशा गाउं रे ग्रुंइशा लदा बाक्‍त। मिनु आ मिक्‍चीम थुथु पा तोक्‍शा, आ गुइ आ तारी वोइश्‍शा “मुल मार मार तवी?” दे हिल्‍लो पवा बाक्‍त। यूहन्‍ना ९:६

प्रेरित 13:11

गे मिक्‍च मताइब दुम्‍शा, शुश नाक्‍त सम्‍म छेङछेङ मताइनेवे” दे हुइक्‍ता बाक्‍त। मो देंम चोटीन मेको चटक कोंइब मिक्‍च मताइब दुम्‍शा, आ गुइ कीशा लां कोंइब मुर माल्‍दा बाक्‍त।

प्रेरित 7:36

मिनु शुश चिन्‍ड नु छक लाक्‍चा ङा गेय कोंइशा, इस्राएली आन कली इजीप्‍त रे ग्रुंइशा, लल समुन्‍द्र चाक्‍दीम्‍मी बाक्‍त। मेकेर यो शुश छक लाक्‍चा ङा गेय कोंइदीमी बाक्‍त। मिनु लल समुन्‍द्र शोक्‍शा ४० बर्स सम्‍म गोरशो रागीमी हिरशा गाक्‍मानु, शुश छक लाक्‍चा ङा गेय पाइबाक्‍माक्‍त। प्रस्‍थान ७:१०; प्रस्‍थान १४:२१

प्रेरित 9:8

मिनु सावल बोक्‍शा मिक्‍च पाक्‍शा कोव़ङानु, मिक्‍च मताइब दुम्‍शो बाक्‍माक्‍त। मिनु आ वारचपुकीमी आ गुइ रे कीशा दमस्‍कसमी चाक्‍दीत्‍मे बाक्‍त।

गलाती 4:24

अब्राहाम आ ग्‍युंबे पशो मीश नु आ वाइलीम मीशेमी कबल पशा लां निक्‍शी कोंइनीसी। लां का सीनै ङा लां बाक्‍ब। मेकोपुकी वाइलीम वाइल बाक्‍तेक्‍म। मारदे हना हागार माइश्‍शो वाइलीम आ चच युइ बाक्‍तेक्‍म। गलाती ५:१; रोमी ८:१५

ब्‍यवस्‍था 29:1

मिनु होरेब डांडामी परमप्रभु यावेमी इस्राएली नु पशो कबल नु तेम्‍शा, मोआब रागीम मोसा कली इस्राएली आन कली तेम्‍चा ङा लोव़ मार बाक्‍नीम देंशा हना, ब्‍यवस्‍था ५:२

ब्‍यवस्‍था 29:12

मारदे नेल्‍ल बाक्‍शो बाक्‍तीनी देंशा हना, परमप्रभु यावे, इन परमप्रभुमी गे नु कसम जशो कबल मुलाक्‍त परमप्रभु यावे, इन परमप्रभुमी गे नु पाइब।

ब्‍यवस्‍था 29:25

मिनु मेकोपुकीमी ‘मेको परमप्रभु यावे, आन किकी पिपी आन परमप्रभुमी मेको कली इजीप्‍त रे ग्रुंइची ना पशो कबल प्रोंइने थुम्‍शो बाक्‍तेक्‍म।