हिब्रू 8:5 - Sunuwar Bible

⁵ मेकोपुकीमी स्‍वर्ग ङा ताम्‍बु आ वांकुमी गेय पाइनीम। मोसामी ताम्‍बु सेल्‍चा गोवानु “डांडामी बाक्‍ङेनु, इ कली कोंइशो खोदेंशो सेलो” दे परमप्रभु यावे रे माइक्‍चा पुंइसे बाक्‍त। प्रस्‍थान २५:४०; कलस्‍सी २:१७

हिब्रू 8:5 ပူးပေါင်းရင်းမြစ်များ

१ इतिहास 28:12

दाऊद आ मिम्‍शो नेल्‍ल मेको ब्रेक्‍सम बाक्‍शो बाक्‍त। मेकोमी परमप्रभु यावे आ खिं ङा लाङगा, आ एर ओंथ नेल्‍ल ङा कोठापुकी, परमप्रभु आ खिं ङा मार मार वोइक्‍तीक कोठा नु नेल्‍ल गेशो थोव़क कली वोइक्‍तीक कोठा आ तौ कली गेवा बाक्‍त।

१ इतिहास 28:19

मिनु दाऊदमी “एको नेल्‍ल परमप्रभु यावेमी मार पचा, दोपा सेल्‍चा आं कली शेंताक्‍यी। मोपा गो मेको नेल्‍ल गेय ङा ब्रेक्‍स ब्रेक्‍ताक्‍ङ” दे दाऊदमी देंमाक्‍त।

प्रस्‍थान 25:40

गे मेको नेल्‍ल गो इ कली डांडाम कोंइशो खोदेंशो पा सेल्‍पाइक्‍चा माल्‍नेवे। प्रस्‍थान २५:९; प्रस्‍थान २६:३०; प्रेरित ७:४४; हिब्रू ८:५

प्रस्‍थान 25:9

गो इ कली कोंइशो खोदेंशो पा ताम्‍बु सेल्‍पाइक्‍चा माल्‍नेवे। आगाम मार मार वोइक्‍चा माल्‍नेवे, मेको आं कोंइशो खोदेंशो पा सेल्‍पतो। प्रस्‍थान २५:४०; प्रस्‍थान २६:३०; प्रस्‍थान २७:८

प्रस्‍थान 26:30

गो इ कली डांडामी कोंइशो खोदेंशो पा आं बाक्‍तीक ताम्‍बु सेल्‍पाइक्‍चा माल्‍नेवे। प्रस्‍थान २५:९

प्रस्‍थान 27:8

मेको चढ़ेतीक फलेक के सेल्‍पाइक्‍चा माल्‍नेवे। पुं नु सुम्‍तीके मपाइश्‍शो सन्‍दोस खोदेंशो पा सेल्‍पाइक्‍चा माल्‍नेवे। डांडामी इ कली कोंइशो खोदेंशो पा सेल्‍पाइक्‍चा माल्‍नेवे। प्रस्‍थान २६:३०;

गन्‍ती 8:4

मिनु बत्ती दातीके दोपा सेल्‍शो बाक्‍त देंशा हना, मेको सुन के तुप्‍शा सेल्‍शो बाक्‍त। मेको उइ रे इर सम्‍म तुप्‍शा सेल्‍शो बाक्‍त। मिनु परमप्रभु यावेमी मोसा कली कोंइशो खोदेंशो पा, हारूनमी मेको बत्ती दातीक सेल्‍तु।

मत्ती 2:12

आल कली ग्रुम्‍ने थुम्‍शा, आन रागी लेत्‍‍ची ना परमप्रभु यावेमी ङोमुमी “पिप हेरोद कली लेंशा मग्रुमीने” दे तुइक्‍पाइक्‍मी बाक्‍त। मिनु यरूसलेम लतीक लां हेरशा, आन रागी लेम्‍मा बाक्‍त।

प्रेरित 7:44

इं किकी पिपी गोरशो रागीमी हिरसमानु, परमप्रभु यावे आ ताम्‍बु यो कुरशा गाक्‍मा बाक्‍त। परमप्रभु यावे आ ताम्‍बु चहिं दोपा सेल्‍चा, दे परमप्रभु यावेमी मोसा कली कोंइशो खोदेंशो पा मोसामी सेल्‍पाइश्‍शो बाक्‍माक्‍त। प्रस्‍थान २५:९

कलस्‍सी 2:17

मेको दुम्‍चा चिक्‍शो आ वांकु ला बाक्‍नीम। थमा सुइक्‍तीक रां चहिं ख्रीस्‍त के बाक्‍ब। हिब्रू ८:५; हिब्रू १०:१

हिब्रू 10:1

मेको साइ ङा परमप्रभु यावे आ अरेशो लोव़ जाक्‍चशो रिम्‍शो लोव़ आ वांकु ला बाक्‍ब। मेको ङोंइती ङा लोव़ थमा पा पाप क्‍याम्‍तीके मबा। मिनु मेको लोव़ टिशा बर्स बर्समी चढ़ेम्‍तेक्‍म हना यो, परमप्रभु यावे आ नेक्‍था जाक्‍ब मुर आन कली पाको सेल्‍‍ने मचाप्‍ब। हिब्रू ८:५

हिब्रू 11:7

नोआह यो थमा सुइक्‍ब बाक्‍माक्‍त। यावेमी मेको कली “नोले ओदेंशो दुम्‍ब” मदानु, मेको लोव़ थमा सुइश्‍शा टिशा, ठेयब डोंगा सेल्‍शा, आ खिं ङा मुर आन कली ओंइशा, बेक्‍चा मगेथु प्रोंइमी बाक्‍त। नोआहमी मो पशो तशा यो अरुमी थमा मसुदमे बाक्‍त। मिनु आन थमा मसुइक्‍तीके दोसी दुम्‍शा, नेल्‍ल बेक्‍चा माल्‍मा बाक्‍त। नोआह चहिं थमा सुइश्‍शोमी ब्रोंइचा तांइसीब, दे कोंइब दुम्‍माक्‍त। उत्‍पत्ती ६:८-९,१३-२२

हिब्रू 12:25

होस पांइसीने। इन कली लोव़ पाइब कली इन ची मकोंइदीने। इं किकी पिपीपुकीमी मुर आ देंशो मटीमे बाक्‍त। मिनु सजाइ गेचा पुंइसमा बाक्‍त। गोपुकी स्‍वर्ग रे लोव़ पाइब कली इं ची कोंइताक्‍य हना, सजाइ मतथु ब्रोंइनया ङा? हिब्रू २:२; हिब्रू १०:२८-२९

हिब्रू 13:10

गुइमी सेल्‍शो ताम्‍बुम गेय पाइबपुकीमी येसु आ भोज जचा मताइनीम।

हिब्रू 9:9

मेको मुल कली कोंइतीक का बाक्‍ब। मेकोमी मार कोंइब देंशा हना, भेटी नु चोशा चढ़ेशोमी मुर आन कली पाको सेल्‍ने मचाप्‍ब। हिब्रू ७:१९; हिब्रू १०:१-२

यहोसु 22:28

मिनु गोपुकीमी मेकोपुकीमी खेयप का आंइ कली कि आंइ चच युइ आन कली मोदेंशो देंतेक्‍म हना, गोपुकीमी मेको आन कली मेको आंइ किकी पिपीमी परमप्रभु यावे कली चढ़ेतीक सेल्‍शो थोव़क कोव़ङीन। चोशा चढ़ेतीक नु अरु चढ़ेतीक चढ़ेचा कली ममाइ, तन्‍न गे नु गो इं दातेमी सांकछी दुम्‍ल’ दे सेल्‍तक।

प्रकाश 15:5

मिनु नोले गो स्‍वर्गमी परमप्रभु यावे आ खिं रोक्‍शो ताता। प्रकाश ११:१९