हिब्रू 7:9 - Sunuwar Bible

⁹ अब्राहाम आ पतीकेमी लेवीपुकी १० भागमी भाग का ताइब दुम्‍शो बाक्‍नीम हना यो, ङोंइती गेब यो दुम्‍शो बाक्‍मा बाक्‍त।

हिब्रू 7:9 ပူးပေါင်းရင်းမြစ်များ

उत्पत्ती 14:20

मिनु नेल्‍ल क्‍येङा ठेयब परमप्रभु मान ताइब बाक्‍ब। मारदे हना इ जोरी सत्रु इ गुइमी गेशा, इ कली ग्रापाइक्‍तु” दे ठेयब सेला बाक्‍त। मिनु अब्राममी नेल्‍ल थोव़क १० भाग ङा भाग का मेल्‍कीसेदेक कली गेवा बाक्‍त। उत्‍पत्ती २८:२२; लेवी २७:३०-३२

मत्ती 7:8

मोपतीके सुम पुंइबा, मेकोमी आ पुंइशो ताइब। सुम माल्‍बा, मेकोमी आ माल्‍शो थिप्‍ब। सुम ओव़ङा? दे लाप्‍चो ख्रोकोल पाइबा, मेको ओव़चा ताइब।

रोमी 5:12

मिनु ङोंइती मुर कामी परमप्रभु यावे आ देंशो लोव़ मटितीके मुर बेक्‍ब दुम्‍मा बाक्‍त। मिनु मेको आ तमी तौ चच युइ नेल्‍ले यो बेक्‍ब दुम्‍मा बाक्‍त। मारदे हना मेकोपुकीमी यो पाप पामे बाक्‍त। उत्‍पत्ती ३:१९; रोमी ६:२३; उत्‍पत्ती २:१७

ब्‍यवस्‍था 26:12

मिनु गेपुकीमी बर्स सां सांमी इन बाली नाली ङा मारेइ मारेइ रे इन सहरम १० भाग ङा भाग का तिल्‍शा वोइक्‍चा माल्‍नीनी। मेको इन सहर ङा लेवी आ थर ङा मुर, अर्को रागी ङा मुर, रोम रोइक्‍च नु वोंइश बेक्‍शो मीश मुर आन कली गारचा ङा जचा थोव़क बाक्‍ब। ब्‍यवस्‍था १४:२७-२९

हिब्रू 7:10

मारदे हना मेल्‍कीसेदेकमी अब्राहाम कली ग्रुमानु, लेवीपुकी अब्राहाम आ रांमी बाक्‍शो बाक्‍मा बाक्‍त। मिनु अब्राहाम रे पा १० भागमी भाग का गेब दुम्‍मा बाक्‍त, दे तुइक्‍नय।

हिब्रू 7:4

मेको गिश ठेयब बाक्‍ब, दे मिम्‍तीन। मारदे हना इं ठेयब किकी अब्राहाममी आ ग्राशा चाक्‍शो रिम्‍शो थोव़क १० भागमी भाग का मान पा गेचा पुंइसे बाक्‍त।

हिब्रू 7:8

मेको बेक्‍शा लाइब लेवी आ थर ङा चढ़ेबपुकीमी १० भाग ङा भाग का ताइब दुम्‍शो बाक्‍नीम। तन्‍न गेना हना यो ब्रोंइशो बाक्‍ब देंचा पुंइसीबमी यो १० भाग ङा भाग का तवा बाक्‍त।