हिब्रू 7:28 - Sunuwar Bible

²⁸ परमप्रभु यावे आ अरेशो लोव़मी पाको मदुम्‍‍शो मुर आन कली योव़शा चढ़ेब सेल्‍बाक्‍त। परमप्रभु यावे आ अरेशो लोव़ तुइश्‍शो शुश बर्स नोले कसम जशो लोव़मी गेना हना यो पाको बाक्‍शो आ तौ कली ठेयब चढ़ेब सेल्‍शा वोइश्‍शो बाक्‍त।

हिब्रू 7:28 ပူးပေါင်းရင်းမြစ်များ

भजन संग्रह 110:4

मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१

लेवी 4:3

मिनु तेल लुक्‍शो चढ़ेबमी पाप पा, मुर आन कली दोस ताइब सेल्‍तु हना, मेकोमी आ पशो पाप आ पर्बम मारेइ मदुम्‍शो थम रिम्‍शो ब्‍यफ का परमप्रभु यावे आ ङोंइती पाप पशो आ पर्बम चढ़ेचा माल्‍ब।

लूका 13:32

मिनु येसुमी “लशा, मेको फ्‍याउरे कली ‘मुलाक्‍ती नु दीसा वोल आन कली खेरनुङमी। रोइ पशो मुर आन कली सापाइक्‍नुङमी। मिनु नित्‍थ नाक्‍ती आं गेय थुम्‍नुङ।

यूहन्‍ना 19:30

मिनु येसुमी युप्‍शा “मुल थुम्‍ता” देंत। मिनु आ पिया खुक्‍शा बेक्‍त।

हिब्रू 1:2

नोले ङा नाक्‍ती आ तौ रे पा इं कली लोव़ पाप्‍तु। आ तौ कली नेल्‍ल अधिकार गेशो बाक्‍त। सरीङ नु रागी नेल्‍ल आ तौ रे पा सेला बाक्‍त। भजन संग्रह २:८; यूहन्‍ना १:३; कलस्‍सी १:१६

हिब्रू 2:10

नेल्‍ल सेल्‍ब नु नेल्‍ल आन कली ब्रोंइतीक सोक्‍त गेबमी शुश मुर आन कली आन पाप रे प्रोंइतु। मेको प्रोंइब कली शुश श्‍येत जपाइश्‍शा, पाको सेल्‍तु। हिब्रू १२:२

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

हिब्रू 3:6

ख्रीस्‍तम चहिं परमप्रभु यावे आ खिंमी आ तौ दुम्‍शा, रिम्‍शो गेय पाप्‍तु। मिनु गो मेको कली आस पा थमा सुइक्‍चा मप्रोंइतय हना, गो आ खिं बाक्‍नय। एफिसी २:१९; १पत्रुस २:५

हिब्रू 4:14

तन्‍न गो इं के ठेयब चढ़ेब का बाक्‍ब। मेको स्‍वर्ग लाक्‍शा लाइब, परमप्रभु यावे आ तौ, येसु बाक्‍ब। इं थमा सुइक्‍तीके बोल्‍यो सेल्‍शा, गेनायो मप्रोंइय। हिब्रू ३:१; हिब्रू ९:११,१२; हिब्रू १०:२३

हिब्रू 5:5

मोदेंशो पा ख्रीस्‍त आंमन ठेयब चढ़ेब सेल्‍सीशो ममाइ “मुलाक्‍ती गो इ कली थीतन, गे आं तौ नवे” देंबमी योव़तु। भजन संग्रह २:७

हिब्रू 7:21

तन्‍न मेकोमी कसम जशा “परमप्रभुमी कसम जशो बाक्‍ब। मिनु आ थुं मफाइक्‍ब। गे गेना हना यो चढ़ेब दुम्‍ते” दे माइक्‍चा पुंइसीशो बाक्‍त। भजन संग्रह ११०:४

हिब्रू 7:24

येसु चहिं गेना हना यो ब्रोंइशा बाक्‍तीके गेना हना यो चढ़ेब दुम्‍शा बाक्‍शो बाक्‍ब।

हिब्रू 7:3

मेको आ आम आफ नु आ किकी पिपी मबाक्‍नीम। गेना जरमेसे, गेना बेक्‍मे, दे मतुंइ‍सीब। तन्‍न परमप्रभु यावे आ तौ खोदेंशो बाक्‍शा, गेना हना यो परमप्रभु यावे कली चढ़ेब दुम्‍शा बाक्‍ब। यूहन्‍ना ७:२७