हिब्रू 7:26 - Sunuwar Bible

²⁶ इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।

हिब्रू 7:26 ပူးပေါင်းရင်းမြစ်များ

भजन संग्रह 68:18

गे इर ङोइश्‍शा लाइतीनी। ग्‍याइश्‍शो मुर आन कली लाइक्‍तीनी। मुर आन दातेमी गे मारेइ मारेइ ताइतीनी। ङोंइती मटीब आन दातेमी यो ताइतीनी। परमप्रभु यावे मेकेर बाक्‍ब। एफिसी ४:८-१०

प्रस्‍थान 28:36

गे कुप्‍फीम पांइ‍तीके क्‍येख सुन के फू खोदेंशो पा चेम्‍पाइक्‍चा माल्‍नेवे। मेकेर छाप थोक्‍शो खोदेंशो पा ‘परमप्रभु यावे कली ला’ दे मुशा ब्रेक्‍पाइक्‍चा माल्‍नेवे। जकरिया १४:२०; प्रस्‍थान ३९:३०

यसैया 53:9

मुरपुकीमी मेको कली परमप्रभु यावे आ अरेशो मटीब आन कली थिम्‍तीकेमी थिम्‍तेक्‍म। आ तुरस क्‍येट थीब नु बाक्‍त। मेकोमी गेना हना यो ठीक ला पाप्‍तु। मिनु जोल मपव हना यो मेको कली मो पाम्‍तेक्‍म। १पत्रुस २:२२; १यूहन्‍ना ३:५

इजीकीएल 44:27

मेकोपुकी आं खिं ङा आगा ङा लाङगाम गेय पचा कली ओव़तीक नाक्‍त मेकोपुकीमी पाप आ पर्बम चढ़ेचा माल्‍नीम” दे परमप्रभु, परमप्रभु यावेमी देंत।

गन्‍ती 29:26

मिनु मेको आ दीसा गे ९ ओटा ब्‍यफ, सांड निक्‍शी, १४ ओटा बर्स का गाप्‍शो पाठा चढ़ेचा माल्‍नीनी। मेको नेल्‍ल थम रिम्‍शो मारेइ मदुम्‍शो बाक्‍चा माल्‍नीम।

मत्ती 27:18

मारदे हना आन थुं चोशा, येसु कली ग्‍याइक्‍पदमे बाक्‍त, दे तुइक्‍ता बाक्‍त, मोपतीके येसु कली प्रोंइचा माला बाक्‍त। यूहन्‍ना १२:१९

मर्कूस 16:19

मेको लोव़ नेल्‍ल थुम्‍शा नोले प्रभु येसु स्‍वर्ग लाइक्‍चा पुंइसे बाक्‍त। मिनु परमप्रभु यावे आ ग्‍युरा गे निस्‍से बाक्‍त। प्रेरित १:२; भजन संग्रह ११०:१; प्रेरित ७:५५

लूका 1:35

“परमप्रभु यावे आ सोक्‍तीमी इ कली सुम्‍ब। मिनु नेल्‍ल क्‍येङा ठेयब आ सक्ति ताइनेवे। मोपतीके इ आल परमप्रभु यावे के बाक्‍ब। मेको कली परमप्रभु यावे आ तौ देंनीम। मत्ती १:१८-२०

लूका 23:22

मिनु पिलातसमी लेंशा “मार मरिम्‍शो पवा? मार दोस गेचा? साइक्‍चा ङा दोस मारेइ मतङ। तुप्‍पाइश्‍शा, प्रोंइशा सोइक्‍नुङ” देंमाक्‍त।

लूका 23:41

गो सजाइ जचा माल्‍शो नस। मारदे हना खुइ पाइतस। एको मुरुमी चहिं मारेइ मरिम्‍शो मपावो” दे हुइक्‍ता बाक्‍त।

लूका 23:47

मेकेर बाक्‍ब कप्‍तानमी मो दुम्‍शो तशा “थमा पा, एको मुरुमी मरिम्‍शो गेय मपशो बाक्‍माक्‍त” देंशा, परमप्रभु यावे कली ठेयब सेला बाक्‍त।

लूका 24:26

ख्रीस्‍त श्‍येत जशा, सक्ति पाइश्‍शो दुम्‍शा, राज्‍य पचा ताइब देंशो लोव़ मुल यो मरुप्‍नीसी?” देंमाक्‍त।

लूका 24:46

मिनु मार ब्रेक्‍‍पाइक्‍मी बाक्‍त देंशा हना “ख्रीस्‍त श्‍येत जशा, साइक्‍चा पुंइसीशा आ नित्‍थ नाक्‍ती बेक्‍शो रे सेंसीचा माल्‍ब। होसे ६:२

यूहन्‍ना 14:30

मुल ङा मेरे शुश मशेंनन्‍नी। मारदे हना रागी ङा मुर आन कली हुकुम पाइब जाक्‍ब। मेकोमी आं कली ग्राने मचाप्‍ब। यूहन्‍ना १२:३१; एफिसी २:२

यूहन्‍ना 8:29

मिनु आं कली सोइक्‍ब गो नु बाक्‍ब। आं कली गेनायो मप्रोंइब। मारदे हना गो आ दाक्‍शो गेय ला पाइनुङ” दे मुर आन कली देंत।

प्रेरित 3:14

तन्‍न गेपुकीमी परमप्रभु यावे आ योव़शो नु ठीक पाइब कली तिल्‍तीनी। मुर साइक्‍ब कली प्रोंइशा सोइक्‍चा कली पुंइतीनी। मत्ती २७:२०-२१

प्रेरित 4:27

मोपा साइ इन पपाइश्‍शो लोव़ सिनाक्‍त मुलाक्‍त गाम्‍ना गाम्‍न पित। मारदे हना इन सोइश्‍शो, इन गेय पाइब येसु, आ जोरी सत्रु आंइ मिक्‍चीमी ताइतक। पिप हेरोद का, पन्‍तीयस पिलातस का, अर्को रागी ङा मुर नु इस्राएल ङा मुर नेल्‍ल गारशा, आंइ सहरमी बुक्‍शो ताइतक। लूका २३:१२

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

हिब्रू 2:10

नेल्‍ल सेल्‍ब नु नेल्‍ल आन कली ब्रोंइतीक सोक्‍त गेबमी शुश मुर आन कली आन पाप रे प्रोंइतु। मेको प्रोंइब कली शुश श्‍येत जपाइश्‍शा, पाको सेल्‍तु। हिब्रू १२:२

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

हिब्रू 7:11

लेवी आ खाल ङा चढ़ेबपुकीमी परमप्रभु यावे आ अरेशो लोव़ यो ताम्‍तेक्‍म। मेको आन पशोमी मुर आन कली पाको सेल्‍ने चाप्‍शो नम हना, हारून आ खाल ङा ममाइ मेल्‍कीसेदेक आ खाल ङा चढ़ेब का वोइक्‍चा ममाल वा।

हिब्रू 8:1

मुल सम्‍म पशो लोव़मी नेल्‍ल क्‍येङा तुइक्‍चा माल्‍शो लोव़ मार बाक्‍ब देंशा हना, इं के ठेयब चढ़ेब स्‍वर्गम बाक्‍ब। मेको नेल्‍ल क्‍येङा ठेयब मान पाइक्‍चा पुंइसीब आ ठेयब नित्‍तीके आ ग्‍युरा गे बाक्‍शो बाक्‍ब। हिब्रू ४:१४

हिब्रू 9:14

ख्रीस्‍त आ हुशेमी मेको क्‍येङा इं पशो जाम्‍शा लतीक गेय रे चोव़खो सेल्‍ने चाप्‍ब। गेपुकी ब्रोंइशा बाक्‍ब परमप्रभु यावे आ गेय पचा कली ख्रीस्‍त गेना हना यो बाक्‍शो सोक्‍तीम पतीके मारेइ मरिम्‍शो मपथु, परमप्रभु यावे आ ङोंइती आंम कली चढ़ेवा बाक्‍त। १पत्रुस १:१८-१९; १यूहन्‍ना १:७; प्रकाश १:५; हिब्रू १:३

१ पत्रुस 1:19

येसु ख्रीस्‍तमी मारेइ मदुम्‍शो पाठा बुद पा आंम हुश शाइक्‍पाइश्‍शा इन कली नरक रे प्रोंइतु। हिब्रू ९:१४; यसैया ५३:७; यूहन्‍ना १:२९

१ पत्रुस 2:22

मेकोमी काइ पाप मपवो। जोल यो मपवो। यूहन्‍ना ८:४६; यसैया ५२:९

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६

प्रकाश 3:7

मिनु येसु ख्रीस्‍तमी आं कली फिलाडेल्‍फीया सहर ङा थमा सुइक्‍ब आन शेंब कली ब्रेक्‍पाइक्‍ती। मेको परमप्रभु यावे आ तौ, थमा पा पाप रे प्रोंइब, दाऊद आ राज्‍य ङा सांचो थीबमी लाप्‍चो रोक्‍गा ङा मेरे सुइमी चोक्‍ने मचाप्‍नीम। मिनु चोक्‍गा ङा मेरे सुइमी रोक्‍ने मचाप्‍नीमी। यसैया २२:२२