हिब्रू 7:18 - Sunuwar Bible

¹⁸ ङोंइती अरेशो लोव़मी पाप क्‍याम्‍ने मचाप्‍ब। मिनु सुइ आन कली पाको सेल्‍ने मचाप्‍ब। मोपतीके ताइक्‍चा माल्‍ताक्‍व।

हिब्रू 7:18 ပူးပေါင်းရင်းမြစ်များ

प्रेरित 13:39

येसु कली थमा सुइक्‍ब नेल्‍ल आन पाप क्‍याम्‍चा पुंइसीनीम। मिनु आन पाप क्‍याम्‍चा पुंइसीशा, परमप्रभु आ ङोंइती पाप मपथु बाक्‍शो तांइसीनीम। मोसामी ब्रेक्‍शो लोव़मी इन पाप क्‍याम्‍ने मचाप्‍ब। मारदे हना मेको लोव़ नेल्‍ल टिने मचाप्‍तीके पापी दुम्‍तीनी। रोमी १०:४

रोमी 3:31

मो देंतय हना, परमप्रभु यावे आ अरेशो लोव़ क्‍याम्‍नीकी? ममाइ, येसु ख्रीस्‍त कली थमा सुइश्‍शोमी परमप्रभु यावे आ अरेशो लोव़ टीतय, दे रुब्‍य। मत्ती ५:१७

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

गलाती 3:15

आं लोक्‍बपुकी, कथा सेल्‍शा रुप्‍पाइक्‍नन्‍नी, कागज ब्रेक्‍शा, ब्रेप्‍चो दिम्‍ने थुम्‍शो ङा मेरे मेको ब्रेक्‍शो लोव़ लीब। सुइमी मारेइ लोव़ क्‍याम्‍ने तेम्‍ने मचाप्‍नीम।

गलाती 3:17

आं देंशो रुपीन। परमप्रभु यावेमी अब्राहाम कली गेशो लोव़ कागज ब्रेक्‍शा, ब्रेप्‍चो दिप्‍शो खोदेंशो बाक्‍ब। मेको लोव़ गेशा, ४ सहे ३० बर्स नोले आ अरेशो लोव़ तुइक्‍पाइश्‍शो बाक्‍त। मेको अरेशो लोव़मी ङोंइती गेशो लोव़ ख्रोइक्‍ने मचाप्‍ब। प्रस्‍थान १२:४०

गलाती 3:21

अरेशो लोव़ नु परमप्रभु यावेमी गेशो लोव़ मगारचा ङा लोव़ नसी ङा? ममाइ। ब्रोंइचा गेचा कली अरेशो लोव़ का गेशो हना, थमा पा ठीक पतीके अरेशो लोव़ रे पा दुम वा। रोमी ८:२-४

गलाती 4:21

गे रिती थिती पचा दाक्‍बपुकी, अरेशो लोव़मी मार ब्रेक्‍शो बाक्‍बा, मेको तुइक्‍नीनी?

गलाती 4:9

मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?

१ तिमोथी 4:8

रां कली रिम्‍शो पतीके इच्‍का ला रिम्‍शो बाक्‍ब। परमप्रभु यावे कली मिम्‍शा दाक्‍तीके नेल्‍ल क्‍येङा रिम्‍शो बाक्‍ब। मारदे हना मुल कली रिम्‍शो बाक्‍ब नु गेना हना यो परमप्रभु यावे नु बाक्‍चा कली नोले यो रिम्‍शो बाक्‍ब। १तिमोथी ६:६

हिब्रू 13:9

मुल सम्‍म मनेंशो नु दूली शेंब लोव़मी इन थुं क्‍याल्‍चा मगेने। परमप्रभु यावे आ शिशीमी रिम्‍शो थुं पाइश्‍शो दुम्‍तय, दे गेनायो मप्रेंदीने। चोव़खो जशोमी ठीक थुं मसेल्‍ब, दे रुपीने। एफिसी ४:१४; २कोरिन्‍थी १:२१; रोमी १४:१७; १तिमोथी ४:८

हिब्रू 7:19

मिनु मेको आ पा ङा नेल्‍ल क्‍येङा रिम्‍शो नक आस वोइश्‍शो बाक्‍त। मेको आस रे पा परमप्रभु यावे आ नेक्‍था जाक्‍दीन्‍ने चाप्‍नय।