हिब्रू 7:15 - Sunuwar Bible

¹⁵ चढ़ेब आन खाल फांइसे बाक्‍त, दे थमा पा तुइक्‍नय। मारदे हना मेल्‍कीसेदेक खोदेंशो पा मेको चढ़ेब सेल्‍चा पुंइसाक्‍व।

हिब्रू 7:15 ပူးပေါင်းရင်းမြစ်များ

भजन संग्रह 110:4

मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१

मत्ती 13:21

तन्‍न शाक्‍श थोक्‍चा मतथु शुश मलीब। परमप्रभु यावे आ लोव़ आ पर्बम श्‍येत जाप्‍तु हना, थु प्रोंइशा गाक्‍ब।

हिब्रू 5:6

मिनु लेंशा “गे गेना हना यो मेल्‍कीसेदेक आ खाल ङा चढ़ेब दुम्‍ते” देंत। भजन संग्रह ११०:४; हिब्रू ६:२०

हिब्रू 7:11

लेवी आ खाल ङा चढ़ेबपुकीमी परमप्रभु यावे आ अरेशो लोव़ यो ताम्‍तेक्‍म। मेको आन पशोमी मुर आन कली पाको सेल्‍ने चाप्‍शो नम हना, हारून आ खाल ङा ममाइ मेल्‍कीसेदेक आ खाल ङा चढ़ेब का वोइक्‍चा ममाल वा।

हिब्रू 7:14

इं प्रभु यहूदा थर ङा बाक्‍माक्‍त, दे गो नेल्‍लेमी तुइक्‍नय। यहूदा थर ङा मुरपुकीम गेनायो चढ़ेतीक गेय मपशो बाक्‍मा बाक्‍त। इं किकी पिपी मोसामी यहूदा थर ङा मुर चढ़ेब बाक्‍नीम, दे गेनायो मदेंमाक्‍त। उत्‍पत्ती ४९:१०; मत्ती १:१-३

हिब्रू 7:16

मेको आ किकी पिपी आन थर रे चढे़ब मदुम्‍शो बाक्‍ब। तन्‍न गेनायो जाम्‍शा मलाइब सक्ति रे पा चढ़ेब दुम्‍शो बाक्‍ब।

हिब्रू 7:3

मेको आ आम आफ नु आ किकी पिपी मबाक्‍नीम। गेना जरमेसे, गेना बेक्‍मे, दे मतुंइ‍सीब। तन्‍न परमप्रभु यावे आ तौ खोदेंशो बाक्‍शा, गेना हना यो परमप्रभु यावे कली चढ़ेब दुम्‍शा बाक्‍ब। यूहन्‍ना ७:२७