हिब्रू 6:5 - Sunuwar Bible

⁵ परमप्रभु यावे आ लोव़ ङा शिशी रुप्‍शा नु मेको जाक्‍चशो आ राज्‍य ङा सक्ति आन कली लेंशा शेंचा शोर गाक्‍शो बाक्‍‍ब। मारदे हना सुम मेको नेल्‍ल तशा यो, हिब्रू १०:२६-२९; २पत्रुस २:२०

हिब्रू 6:5 ပူးပေါင်းရင်းမြစ်များ

भजन संग्रह 34:8

परमप्रभु यावे कली कोव़ङीन, मेको रिम्‍शो बाक्‍ब। मेको कली जिम्‍मा गेंसीबपुकी ग्‍येरसीशो बाक्‍नीम। १ पत्रुस २:३

मत्ती 12:32

रागीम जरमेशो आ पर्बम शुक्‍शी लोव़ पाम्‍तेक्‍म हना, माफ ताइनीम। तन्‍न सुमी परमप्रभु यावे आ सोक्‍त आ पर्बम शुक्‍शी लोव़ पाइबा, मेको आ पाप मुल मक्‍याम्‍सीब, बेक्‍शा लशा नोले यो मक्‍याम्‍सीब, गेना हना यो लीब। १तिमोथी १:१३

मर्कूस 6:20

तन्‍न साइक्‍पाइक्‍ने मचाप्‍शो बाक्‍माक्‍त। मारदे हना हेरोद पिपमी “यूहन्‍ना ठीक पाइब नु रिम्‍शो थुं पाइश्‍शो मुर बाक्‍ब” दे तुइश्‍शा, यूहन्‍ना क्‍येङा हिंबाक्‍माक्‍त। मोपतीके साइक्‍चा मगेथु वोइश्‍शो बाक्‍माक्‍त। मिनु यूहन्‍ना आ लोव़ नेंनें दाक्‍शा, आ थुं ग्‍येत्‍थ लुक्‍च दुम्‍शा, नोफा दाइश्‍शा नेंबाक्‍माक्‍त।

लूका 8:13

ग्‍याङग्रो खपीम जुक्‍शो देंशो मुरपुकीमी परमप्रभु यावे आ लोव़ नेंशा, बिश्‍शा ग्‍येरसीनीम। तन्‍न शाक्‍श थोक्‍चा मतथु शुश मलीथु, थुं थाम्‍चा पुंइस‍मानु, थमा सुइक्‍चा प्रोंइनीम।

एफिसी 6:17

मिनु येसु ख्रीस्‍तम इन कली पाप रे प्रोंइशो तुइक्‍तीक पीतल के ताक्‍की खोदेंशो पा गुम्‍सीने। मिनु परमप्रभु यावे आ लोव़ लतीन। मेको चहिं परमप्रभु यावे आ सोक्‍त ङा तरवार बाक्‍ब। १थिस्‍सलोनिकी ५:८; हिब्रू ४:१२

हिब्रू 11:3

गोपुकीमी यो मोपा इं थमा सुइश्‍शोमी सरीङ रागी नेल्‍ल दुम्‍मेनु, मिक्‍चीम तशो थोव़की के सेल्‍शो मनम, तन्‍न परमप्रभु यावेमी “दुमीन” देंशो लोव़मी दुम्‍शो बाक्‍नीम, दे तुइक्‍नय। उत्‍पत्ती १:१-२,४

हिब्रू 2:5

इं देंशो लोव़ मार बाक्‍ब देंशा हना, पाप रे प्रोंइचा नु नोले जाक्‍ब परमप्रभु यावे आ राज्‍य चहिं परमप्रभु यावेमी आ स्‍वर्ग ङा गेय पाइब आन गुइमी जिम्‍मा मगेशो बाक्‍ब।

हिब्रू 4:12

मारदे हना परमप्रभु यावे आ लोव़ ब्रोंइतीक सक्ति पाइश्‍शो, गेय पाइब नु निम्‍फा पटटी हेश्‍‍शो तरवार क्‍येङा हेश्‍शो बाक्‍ब। मेकोमी श्‍ये नु रुश, सोक्‍त नु थुं तिल्‍ब। मिनु मिम्‍तीके नु थुं ङा लोव़ नेल्‍ल नाक्‍ने चाप्‍ब। प्रकाश २:१२; येरमीया २३:२९

१ पत्रुस 1:25

तन्‍न परमप्रभु यावे आ देंशो लोव़ गेना हना यो लीब। मेको आ ग्‍येरपाइक्‍ब लोव़ बाक्‍ब। मिनु शेंबपुकीमी मेको इन कली शेंताक्‍मे। यसैया ४०:६-८

१ पत्रुस 2:3

मारदे हना गेमी परमप्रभु रिम्‍शो पाइब बाक्‍ब, दे तुइक्‍नीनी। भजन संग्रह ३४:१०

२ पत्रुस 2:20

मुरपुकी इं प्रभु येसु ख्रीस्‍त कली तुइक्‍तीकेमी रागी रागी ङा मुर आन पाप रे ब्रोंइशो बाक्‍तेक्‍म हना, मेको लेंशा पापमी मुर कली ग्रात हना, मेको पाप आ वाइल दुम्‍नीम। मेको आन कली ङोंइती ङा दुम्‍तीके क्‍येङा नोले शुश मरिम्‍शो दुम वा। मत्ती १२:४५