हिब्रू 6:20 - Sunuwar Bible

²⁰ येसु मेल्‍कीसेदेक आ खाल ङा ठेयब चढ़ेब नु इं कली लां कोंइब दुम्‍शा, नेल्‍ल क्‍येङा ङोंइती मेकेर ओव़दीश्‍शो बाक्‍ब। हिब्रू ५:६

हिब्रू 6:20 ပူးပေါင်းရင်းမြစ်များ

भजन संग्रह 110:4

मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१

गन्‍ती 18:28

मोपा गे इस्राएली आन रे ताक्‍शो १० भाग ङा भाग का नेल्‍ल रे तिल्‍शा परमप्रभु यावे कली १० भाग ङा भाग का गेचा माल्‍नीनी। मेको चढ़ेब हारून कली गेचा माल्‍नीनी।

रोमी 8:34

सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५

एफिसी 1:3

इं प्रभु येसु ख्रीस्‍त आ आफ परमप्रभु यावे कली “गे ठेयब बाक्‍नीनी” देंय। मारदे हना मेकोमी स्‍वर्गम आ सोक्‍तीम पतीके इं कली आसीक गेप्‍तु। मेको नेल्‍ल ख्रीस्‍तम बाक्‍ब।

हिब्रू 1:3

आ तौ आ आफ आ सक्ति नु छेङछेङ बाक्‍ब। मिनु आ सक्ति ङा लोव़ पतीकेमी नेल्‍ल आन कली कोव़ना कोव़न बाक्‍ब। मेकोमी पाप क्‍याम्‍तीक गेय पने थुम्‍शा, नेल्‍ल क्‍येङा ठेयब मान ताइब आ ग्‍युरा गे निश्‍शो बाक्‍ब।

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

हिब्रू 2:10

नेल्‍ल सेल्‍ब नु नेल्‍ल आन कली ब्रोंइतीक सोक्‍त गेबमी शुश मुर आन कली आन पाप रे प्रोंइतु। मेको प्रोंइब कली शुश श्‍येत जपाइश्‍शा, पाको सेल्‍तु। हिब्रू १२:२

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

हिब्रू 3:1

मोपतीके परमप्रभु यावे आ मुर, आं लोक्‍बपुकी, गे यो स्‍वर्ग रे ब्रेत्‍चा पुंइसीशो बाक्‍नीनी। सोइश्‍शो, दे नें वोइक्‍चा पुंइसीशो नु इं थमा सुइक्‍तीक ङा नेल्‍ल क्‍येङा ठेयब चढ़ेब येसु कली मिम्‍तीने। हिब्रू ४:१४

हिब्रू 4:14

तन्‍न गो इं के ठेयब चढ़ेब का बाक्‍ब। मेको स्‍वर्ग लाक्‍शा लाइब, परमप्रभु यावे आ तौ, येसु बाक्‍ब। इं थमा सुइक्‍तीके बोल्‍यो सेल्‍शा, गेनायो मप्रोंइय। हिब्रू ३:१; हिब्रू ९:११,१२; हिब्रू १०:२३

हिब्रू 5:10

मिनु परमप्रभु यावेमी मेको कली मेल्‍कीसेदेक आ खाल ङा ठेयब चढ़ेब वोइश्‍शो बाक्‍त। हिब्रू ७:-

हिब्रू 5:6

मिनु लेंशा “गे गेना हना यो मेल्‍कीसेदेक आ खाल ङा चढ़ेब दुम्‍ते” देंत। भजन संग्रह ११०:४; हिब्रू ६:२०

हिब्रू 8:1

मुल सम्‍म पशो लोव़मी नेल्‍ल क्‍येङा तुइक्‍चा माल्‍शो लोव़ मार बाक्‍ब देंशा हना, इं के ठेयब चढ़ेब स्‍वर्गम बाक्‍ब। मेको नेल्‍ल क्‍येङा ठेयब मान पाइक्‍चा पुंइसीब आ ठेयब नित्‍तीके आ ग्‍युरा गे बाक्‍शो बाक्‍ब। हिब्रू ४:१४

हिब्रू 9:12

बाछा, बोका आन हुश चढ़ेशो ममाइ। कालेमीन स्‍वर्ग ङा थम चोव़खो कोठाम ओव़दीश्‍शा, आ हुश चढ़ेप्‍तु। मो पशोमी पाप रे प्रोंइतीक गेय गेना हना यो कली पने थुम्‍तु, मारेइ पचा मली।

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१

१ पत्रुस 3:22

मेको स्‍वर्ग लशा, परमप्रभु यावे आ ग्‍युरा गे बाक्‍ब। परमप्रभु यावे आ स्‍वर्ग ङा गेय पाइबपुकी, अधिकार तशोपुकी नु सक्ति पाइश्‍शो नेल्‍लेमी मेको आ देंशो टीनीम। एफिसी १:२०-२१

१ यूहन्‍ना 2:12

आं दाक्‍शो तमी तौपुकी, गो इन कली मारदे ब्रेक्‍ना ब्रेक्‍न बाक्‍ती देंशा हना, इन पशो मरिम्‍शो नेल्‍ल येसु ख्रीस्‍त आ नेंमी क्‍याम्‍सीशो बाक्‍त। मोपतीके गो इन कली ब्रेक्‍ना ब्रेक्‍न बाक्‍ती।