हिब्रू 6:12 - Sunuwar Bible

¹² मचाप्‍नुङ देंब मदुमीने। “आ देंशो जाक्‍दीप्‍ब” दे आ थोक्‍शा पशो लोव़ थमा सुइक्‍ब खोदेंशो पने। मेकोपुकीमी फाल्‍शा, थमा सुइश्‍शा, परमप्रभु यावे आ देंशो जाक्‍दीश्‍शो ताइनीम।

हिब्रू 6:12 ပူးပေါင်းရင်းမြစ်များ

हितोपदेस 12:24

शुश गेय पाइब मुर हुकुम पाइब दुम्‍नीम। तन्‍न अल्‍सी पाइब चहिं वाइल दुम्‍नीम।

हितोपदेस 13:4

अल्‍सेपुकी वाल्‍नीमी। मिनु मारेइ मताइनीम। तन्‍न शुश गेय पाइब मुरपुकीमी मारेइ मारेइ ताइनीम।

हितोपदेस 15:19

अल्‍सी आन लां चूम ब्रीशो बाक्‍ब। तन्‍न रिम्‍शो थुं पाइश्‍शो मुर आन लां थेल्‍शो बाक्‍ब।

हितोपदेस 18:9

अल्‍सी पाइब मुर हेंथे पाइब आ लोक्‍ब बाक्‍ब। हितोपदेस १०:४

हितोपदेस 2:20

मोपतीके रिम्‍शो मुर आन लां गाक्‍को। ठीक पाइब आन लां गाक्‍को।

हितोपदेस 26:14

लाप्‍चो रोक्‍शो चोक्‍शो खोदेंशो पा, अल्‍से मुर आ ब्राख्‍येमी एर ओंथ लोक्‍सीशा इप्‍ब। हितोपदेस ६:९-११

हितोपदेस 28:10

सुमी रिम्‍शो थुं पाइश्‍शो मुर कली मरिम्‍शो लां हेंथे गाक्‍पाइक्‍बा, मेको आंमा दोशो खाल्‍टामी बिक्‍ब। तन्‍न दोस मताइबपुकीमी रिम्‍शो ताइनीम।

ठेयब कुम्सो 1:8

मीश आल आन दाते ङा नेल्‍ल क्‍येङा दारशो मीश आल, गे क्‍यारश भेडा आन गाक्‍तीक लां खोइश्‍शा, गोठला आन गोठ आ नेक्‍था इ पाठा आन कली योव़ङो।

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

मत्ती 22:32

परमप्रभु यावेमी ‘गो अब्राहाम आ परमप्रभु यावे, इसहाक आ परमप्रभु यावे, याकूब आ परमप्रभु यावे नङ’ दे ब्रेक्‍शो बाक्‍ब। मेको लोव़ मपढेनी? परमप्रभु यावे बेक्‍शो मुर आन परमप्रभु यावे ममाइ। ब्रोंइशो आन परमप्रभु यावे बाक्‍ब” दे माइक्‍तीमी। प्रस्‍थान ३:६

मत्ती 25:26

मिनु आ होव़पमी ‘मरिम्‍शो थुं पाइश्‍शो अल्‍से, गोमी मशोक्‍शो रिक्‍नुङ, मक्राप्‍शो खुप्‍नुङ, दे तुइश्‍शो नवे हना, एको आं गेशो टलेन्‍ट का लाइश्‍शा, अरु आन कली गेशा, आ चाइक्‍ब पपाइक्‍चा ममाल्‍नेवे ङा?

लूका 16:22

मिनु लाजरस शुश श्‍येत जशा बेक्‍माक्‍त। मिनु परमप्रभु यावे आ स्‍वर्ग ङा गेय पाइबमी अब्राहाम आ थुकुमी वोदमे बाक्‍त। मेको नोले शोंप पाइश्‍शो मुर यो बेक्‍शा थिम्‍चा पुंइसे बाक्‍त।

लूका 8:15

रिम्‍शो खपीम जुक्‍शो देंशो मुरपुकीमी परमप्रभु यावे आ लोव़ नेंशा, आन रिम्‍शो थुंमी वोइश्‍शा, मिम्‍शा बाक्‍मानु, मेको लोव़ आन थुंमी सिप्‍ब। प्रेरित १६:१४

रोमी 12:11

पचा माल्‍शो गेय अल्‍सी मपथु पने। परमप्रभु यावे आ सोक्‍तीम इन थुंम मी ब्रशो खोदेंशो आ प्रभु कली गेय पने। प्रकाश ३:१५; प्रेरित १८:२५; कलस्‍सी ३:२३

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

रोमी 4:12

अब्राहामम ख्रोइक्‍तीक चिनु ख्रोइक्‍ब आन आफ ला ममाइ, ख्रोइक्‍तीके चिनु मख्रोइक्‍थु थमा सुइक्‍ब आन लां गाक्‍ब आन आफ यो दुम्‍त। मत्ती ३:९

१ थिस्‍सलोनिकी 1:3

गोपुकी इं आफ परमप्रभु यावे आ ङोंइती इन थमा सुइक्‍तीके ङा गेय, दाक्‍चा ङा गेय नु इं प्रभु येसु ख्रीस्‍त कली आस पतीके मिम्‍ना मिम्‍न बाक्‍नीकी। १कोरिन्‍थी १३:१३

२ थिस्‍सलोनिकी 1:4

मोदेंशो दुम्‍शा, गेपुकी खेदा पचा पुंइसीशा, श्‍येत फाल्‍शोमी खोइल थेक्‍शा थमा सुइक्‍ब बाक्‍नीनी, दे गोपुकीमी परमप्रभु यावे कली थमा सुइक्‍ब आन ग्रुम्‍तीकेमी इन पर्बम ग्‍येरशो लोव़ पाइनीकी। २कोरिन्‍थी ७:४

हिब्रू 1:14

मेको गेय पाइब सोक्‍त मनमी ङा? मिनु आन पाप क्‍याम्‍चा पुंइसीब आन कली वारच पथ सोइश्‍शो मनमी ङा?” देंत। भजन संग्रह ३४:८; भजन संग्रह ९१:११-१२

हिब्रू 10:36

गे फाल्‍तीक सक्ति माल्‍नीनी। परमप्रभु यावे आ दाक्‍शो गेय पना पन बाक्‍कीन। मिनु आ गेनुङ देंशो थोव़क ताइनीनी। लूका २१:१९; याकूब ५:७

हिब्रू 11:33

मोदेंशो थमा सुइक्‍बपुकीमी मार पामे बाक्‍त देंशा हना, कोइमी लडाइ पा ग्राशा, रागी आंम के सेल्‍मे बाक्‍त। कोइमी श्‍येत जाइब आन कली वारच पामे बाक्‍त। कोइमी ङोंइती देंशो लोव़ थमा दुम्‍शो तामे बाक्‍त। गुप्‍स आन शोव़ रे यो ब्रोंइमा बाक्‍त।

हिब्रू 12:1

साइ थमा सुइक्‍बपुकी शुश बाक्‍मा बाक्‍त। मेकोपुकीमी इं कली कोव़ना कोव़न बाक्‍नीम। मोपतीके दोरब मुर खोदेंशो पा, इं कली तेक्‍ब नु खोल्‍ने चाप्‍बपुकी तिल्‍शा, पापमी इं खोइली फ्रेंचा मगेथु, दोरय। १कोरिन्‍थी ९:२४

हिब्रू 13:7

इन कली परमप्रभु यावे आ लोव़ शेंब आन पशो मिम्‍तीने। मेकोपुकी बेक्‍ची सम्‍म थमा सुइक्‍चा मप्रोनेम। मेको आन पशो खोदेंशो पने।

हिब्रू 5:11

ठेयब चढ़ेब सेल्‍शा वोइक्‍चा पुंइसीशो आ पर्बम मुल यो इन कली शुश शेंचा लीशो बाक्‍ब। इन नोफा थांइशो बाक्‍ब। मोपतीके मेको आ अर्थ दोपा रुप्‍पाइक्‍चा ननी?

हिब्रू 6:15

मिनु अब्राहाममी शुश बर्स सम्‍म रिम्‍शा बाक्‍शा, परमप्रभु यावे आ देंशो नेल्‍ल लोव़ गाप्‍शो ताप्‍तु।

याकूब 1:3

मारदे हना इन थमा सुइक्‍चा ठीक बाक्‍त हना, गेपुकी खोइली थेक्‍शा शुश फाल्‍ब दुम्‍नीनी।

२ पत्रुस 1:10

मोपतीके आं लोक्‍बपुकी, गेपुकीमी “गो ब्रेश्‍शो नु योव़शो मुर बाक्‍नीकी” दे गेना हना यो मिम्‍चा माल्‍नीनी। मो पाइतीनी हना, गे गेनायो नोले मशोंइ‍‍सीनीनी।

१ यूहन्‍ना 2:25

परमप्रभु यावेमी “गो इन कली गेना हना यो ब्रोंइशा बाक्‍चा गेनुङ” देंशो बाक्‍ब।

प्रकाश 13:10

सु जेल्‍खानमी लचा योव़सीशो बाक्‍मे, मेको जेल्‍खानमी लचा माल्‍ब। तन्‍न सुमी तरवारमी साइक्‍बा, मेको तरवारमी साइक्‍चा पुंइसीब। मिनु परमप्रभु यावे आ योव़शो मुरपुकीमी श्‍येत फाल्‍शो “परमप्रभु यावेमी तुइक्‍ब” दे थमा सुइश्‍शा बाक्‍चा माल्‍नीम। उत्‍पत्ती ९:६; मत्ती २६:५२; प्रकाश १४:१२