हिब्रू 6:11 - Sunuwar Bible

¹¹ गे नेल्‍लेमी नेल्‍ल क्‍येङा नोले सम्‍म “परमप्रभु यावे आ देंशो नेल्‍ल जाक्‍दीप्‍ब” दे थमा सुइक्‍चा मप्रोंइतीक सक्ति तने, दे मिम्‍नीकी। हिब्रू ३:१४; फिलिप्‍पी १:६

हिब्रू 6:11 ပူးပေါင်းရင်းမြစ်များ

यसैया 32:17

ठीक पतीकेम थुं नाइक्‍चा गे‍ब। ठीक पतीके आ सित्‍तीके सिक्‍सी पा बाक्‍चा नु गेना हना यो थमा सुइक्‍चा बाक्‍ब।

मत्ती 24:13

सु सु चहिं नेल्‍ल क्‍येङा नोले सम्‍म थमा सुइक्‍चा मप्रोंइथु बाक्‍नीमी, मेकोपुकी श्‍येत जचा रे ब्रोंइशा, गेना हना यो परमप्रभु यावे नु बाक्‍चा ताइनीम। मत्ती १०:२२; प्रकाश १३:१०

लूका 1:1

माननीय थियोफीलस, इं रागीम मार मार दुम्‍मे, मेको आ पर्बम शुश लोव़ ब्रशो बाक्‍माक्‍त।

रोमी 12:8

अर्ती गेब योव़ने पुंइसाक्‍वे हना, अर्ती गेचा मब्रीदो। मुर आन कली मार गेप्‍तीवी हना यो, ठेयब सेल्‍सीचा कली मगेवो। थमा सुइक्‍ब आन लां कोंइब दुम्‍ते हना, होस पा गेय पावो। शिशी पवीनु, ग्‍येरशा पावो। मत्ती ६:३; २कोरिन्‍थी ८:२; २कोरिन्‍थी ९:७

रोमी 15:13

आस गेब परमप्रभु यावे आ सोक्‍तीमी इन कली शुश ग्‍येरपा, थुं नाइक्‍पा बाक्‍चा गेवल। मोपा इन थमा सुइक्‍तीकेमी ठेयब आस पा बाक्‍कीन।

१ कोरिन्‍थी 13:13

थमा सुइक्‍चा, परमप्रभु यावेमी आ देंशो नेल्‍ल खाप्‍ब, दे आस पा बाक्‍चा नु दाक्‍तीक सांफा बाक्‍नीम। मेको सांफामी दाक्‍तीक चहिं नेल्‍ल क्‍येङा ठेयब बाक्‍ब। १थिस्‍सलोनिकी १:३; १यूहन्‍ना ४:१६

१ कोरिन्‍थी 15:58

मोपतीके आं दाक्‍शो लोक्‍बपुकी, इन खोइली थेक्‍शा, दल्‍गीर मपथु, प्रभु आ गेय पना पन बाक्‍कीन। प्रभु आ नेंमी पशो गेय गेनायो मोशीन मलाइब, दे तुइक्‍तीन।

गलाती 5:5

गोपुकी “ख्रीस्‍त आ पतीके ठीक दुम्‍तय” देंशा, परमप्रभु यावे आ सोक्‍तीमी तुइक्‍पाइक्‍चा पुंइसाक्‍य।

गलाती 6:9

रिम्‍शो गेय पचा मदने। मोपा ला गो रुप्‍ची ना रुप्‍ने चाप्‍नीकी। २थिस्‍सलोनिकी ३:१३

फिलिप्‍पी 3:15

इं दातेमी सु सु रुम्‍ने चाप्‍ब बाक्‍नी, मेकोमी आं खोदेंशो पा मिम्‍तीन। गेपुकीमी आं खोदेंशो पा ममिम्‍ताक्‍नी हना, परमप्रभु यावेमी इन कली तुइक्‍पदल।

कलस्‍सी 1:23

गेपुकीमी थमा सुइक्‍ना सुइक्‍न बाक्‍शा, नोले मशोंइ‍सीथु खोइल थेक्‍शा, इन नेंशो ग्‍येरपाइक्‍ब लोव़ मप्रोंइथु बाक्‍तीनी हना, मोदेंशोन लीनीनी। मुल मेको ग्‍येरपाइक्‍ब लोव़ नेल्‍ल मुर आन कली नेंपाइश्‍शो बाक्‍त। गो पावल, मेको लोव़ शेंब दुम्‍ती।

कलस्‍सी 1:5

स्‍वर्गमी इन कली रिम्‍शो दुम्‍ब, दे तुइक्‍ताक्‍नी। गेपुकीमी ङोंइती रे थमा लोव़ पशो नेंतीनी। मेकोन ग्‍येरपाइक्‍ब लोव़ बाक्‍ब। १पत्रुस १:३-४

कलस्‍सी 2:2

मेकोपुकी दाक्‍मुशा आन थुं बारपदमेक्‍ल। थमा पा रुप्‍तीके गिश ठेयब बाक्‍बा, परमप्रभु यावेमी ख्रीस्‍त आ पर्बम ख्रुइश्‍शो लोव़ मार बाक्‍बा, मेको नेल्‍ल रुप्‍मेक्‍ल।

१ थिस्‍सलोनिकी 1:5

मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। १कोरिन्‍थी २:५

१ थिस्‍सलोनिकी 4:10

मिनु गेपुकी थमा पा मासीडोनीया रागी ङा लोक्‍ब नेल्‍ल आन कली दाक्‍नीनी। गोपुकीमी मेको क्‍येङा यो दाक्‍तीन, दे इन कली अरेनीकी।

२ थिस्‍सलोनिकी 3:13

आंइ लोक्‍बपुकी, रिम्‍शो गेय पचा कली गेनायो मदने। गलाती ६:९

हिब्रू 10:22

मोपतीके रिम्‍शो थुं पा, रिम्‍शो थमा सुइक्‍ब दुम्‍शा, पाप नेल्‍ल क्‍याम्‍चा पुंइसीशो तुइश्‍शा नु इं रां रिम्‍शो ब्‍वाक्‍कुम चिक्‍शा ग्‍येरशा परमप्रभु यावे आ नेक्‍था जाक्‍दीय्‍य। हिब्रू ४:१६; एफिसी ५:२६; १पत्रुस ३:२१

हिब्रू 3:14

इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११

हिब्रू 3:6

ख्रीस्‍तम चहिं परमप्रभु यावे आ खिंमी आ तौ दुम्‍शा, रिम्‍शो गेय पाप्‍तु। मिनु गो मेको कली आस पा थमा सुइक्‍चा मप्रोंइतय हना, गो आ खिं बाक्‍नय। एफिसी २:१९; १पत्रुस २:५

यहोसु 7:3

मिनु मेकोपुकीमी यहोसु बाक्‍तीक लेश्‍शा जाक्‍शा “मुर नेल्‍ल ऐ सहरम लचा ममाल्‍नीम। निक्‍शी सां हजार मुर ला लशा, लडाइ पाम्‍तेक्‍म हना, ग्रा‍नीम। नेल्‍ल कली श्‍येत मगेन। मारदे हना मेकेर शुश मुर मबाक्‍म” देंतेक्‍म।

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

२ पत्रुस 1:10

मोपतीके आं लोक्‍बपुकी, गेपुकीमी “गो ब्रेश्‍शो नु योव़शो मुर बाक्‍नीकी” दे गेना हना यो मिम्‍चा माल्‍नीनी। मो पाइतीनी हना, गे गेनायो नोले मशोंइ‍‍सीनीनी।

२ पत्रुस 3:14

आं दाक्‍शो लोक्‍बपुकी, मोदेंशो रिम्‍शा, गल्‍ती मपाइब नु दोस मताइब दुम्‍चा कली शुश गेय पने। परमप्रभु यावेमी इन कली मोदेंशो पशो नु थुं नाइश्‍शा बाक्‍शो ग्रुम्‍चा दाक्‍ब। १कोरिन्‍थी १:७-८

१ यूहन्‍ना 3:14

गोपुकी बेक्‍तीक राज्‍य रे पा, ब्रोंइतीक राज्‍यमी बाक्‍नय। दोपा तुइक्‍नय देंशा हना, थमा सुइक्‍ब लोक्‍ब आन कली दाक्‍नय। सुम चहिं मदाक्‍बा, मेको बेक्‍तीक राज्‍यमी बाक्‍ब। यूहन्‍ना ५:२४

१ यूहन्‍ना 3:19

गोपुकी थमा पा दाक्‍शा, गेय पाइतय हना, इं थुंमी “थमा लां खोइक्‍ब नय” दे थमा पा तुइक्‍नय।

प्रकाश 2:26

सु सुमी सैतान कली ग्रानीमी, मेकोमी बेक्‍ची ना सम्‍म आं गेय पाइनीमी, गो मेको आन कली रागी रागी ङा मुर आन कली सासन पतीके सक्ति गेनुङ।