हिब्रू 5:6 - Sunuwar Bible

⁶ मिनु लेंशा “गे गेना हना यो मेल्‍कीसेदेक आ खाल ङा चढ़ेब दुम्‍ते” देंत। भजन संग्रह ११०:४; हिब्रू ६:२०

हिब्रू 5:6 ပူးပေါင်းရင်းမြစ်များ

भजन संग्रह 110:4

मिनु परमप्रभु यावेमी “गे मेल्‍कीसेदेक खोदेंशो पा गेना हना यो चढ़ेब दुम्‍‍नेवे” दे कसम जाप्‍तु। मेकोमी आ थुं मफाइक्‍ब। उत्‍पत्ती १४:१८-२०; हिब्रू ५:६,१०; हिब्रू ६:२०; हिब्रू ७:१७,२१

हिब्रू 5:10

मिनु परमप्रभु यावेमी मेको कली मेल्‍कीसेदेक आ खाल ङा ठेयब चढ़ेब वोइश्‍शो बाक्‍त। हिब्रू ७:-

हिब्रू 6:20

येसु मेल्‍कीसेदेक आ खाल ङा ठेयब चढ़ेब नु इं कली लां कोंइब दुम्‍शा, नेल्‍ल क्‍येङा ङोंइती मेकेर ओव़दीश्‍शो बाक्‍ब। हिब्रू ५:६

हिब्रू 7:11

लेवी आ खाल ङा चढ़ेबपुकीमी परमप्रभु यावे आ अरेशो लोव़ यो ताम्‍तेक्‍म। मेको आन पशोमी मुर आन कली पाको सेल्‍ने चाप्‍शो नम हना, हारून आ खाल ङा ममाइ मेल्‍कीसेदेक आ खाल ङा चढ़ेब का वोइक्‍चा ममाल वा।

हिब्रू 7:15

चढ़ेब आन खाल फांइसे बाक्‍त, दे थमा पा तुइक्‍नय। मारदे हना मेल्‍कीसेदेक खोदेंशो पा मेको चढ़ेब सेल्‍चा पुंइसाक्‍व।

हिब्रू 7:17

मारदे हना मेको आ पर्बम “मेल्‍कीसेदेक आ खाल ङा गेना हना यो चढ़ेब दुम्‍ते” देंशो बाक्‍ब। भजन संग्रह ११०:४; हिब्रू ५:६

हिब्रू 7:21

तन्‍न मेकोमी कसम जशा “परमप्रभुमी कसम जशो बाक्‍ब। मिनु आ थुं मफाइक्‍ब। गे गेना हना यो चढ़ेब दुम्‍ते” दे माइक्‍चा पुंइसीशो बाक्‍त। भजन संग्रह ११०:४

हिब्रू 7:3

मेको आ आम आफ नु आ किकी पिपी मबाक्‍नीम। गेना जरमेसे, गेना बेक्‍मे, दे मतुंइ‍सीब। तन्‍न परमप्रभु यावे आ तौ खोदेंशो बाक्‍शा, गेना हना यो परमप्रभु यावे कली चढ़ेब दुम्‍शा बाक्‍ब। यूहन्‍ना ७:२७

हिब्रू 7:8

मेको बेक्‍शा लाइब लेवी आ थर ङा चढ़ेबपुकीमी १० भाग ङा भाग का ताइब दुम्‍शो बाक्‍नीम। तन्‍न गेना हना यो ब्रोंइशो बाक्‍ब देंचा पुंइसीबमी यो १० भाग ङा भाग का तवा बाक्‍त।