हिब्रू 4:15 - Sunuwar Bible

¹⁵ मारदे हना इं नेल्‍ल क्‍येङा ठेयब चढ़ेबमी इं चाप्‍तीक नु मचाप्‍तीक दोदेंशो बाक्‍बा, नेल्‍ल तुइक्‍ब। गोपुकी इं थुं थाम्‍चा पुंइसीशो खोदेंशो पा, आ यो थुं थाम्‍चा पुंइसाक्‍व। तन्‍न थुं थाम्‍चा पुंइसाक्‍व हना यो, पाप मपव। हिब्रू २:१८; यूहन्‍ना ८:४६

हिब्रू 4:15 ပူးပေါင်းရင်းမြစ်များ

प्रस्‍थान 23:9

मिनु अर्को रागी ङा मुर आन कली मदिपीन। मारदे हना गेपुकी यो इजीप्‍त रागीम अर्को रागी ङा मुर दुम्‍शा, अर्को रागी ङा मुर आन थुं तुइक्‍नीनी। प्रस्‍थान २२:२०

यसैया 53:9

मुरपुकीमी मेको कली परमप्रभु यावे आ अरेशो मटीब आन कली थिम्‍तीकेमी थिम्‍तेक्‍म। आ तुरस क्‍येट थीब नु बाक्‍त। मेकोमी गेना हना यो ठीक ला पाप्‍तु। मिनु जोल मपव हना यो मेको कली मो पाम्‍तेक्‍म। १पत्रुस २:२२; १यूहन्‍ना ३:५

होसे 11:8

एफ्राइम, गो इ कली दोपा प्रोंइने चाप्‍नुङा? इस्राएल, गो इ कली दोपा इ जोरी सत्रु आन गुइमी गेने चाप्‍नुङा ङा? गो इ कली दोपा अदमाह कली पाइश्‍शो खोदेंशो पाइनुङा ङा? गो इ कली दोपा सेबोयीम खोदेंशो सेल्‍नुङा ङा? मुल आं थुं फांइसाक्‍व। गो गाइक्‍चा रे लेश्‍शा, शिशी पाइब दुम्‍ती। ब्‍यवस्‍था २९:२२; येरमीया ३१:२०

मत्ती 12:20

जिक्‍चशो किन्‍दा मजिक्‍ब, काप्‍चशो मी मकाप्‍ब। ठीक पतीकेमी मग्राम सम्‍म मोदेंशो पना पन बाक्‍त।

मत्ती 4:1

मिनु नोले सैतान रे पा थुं थाम्‍चा पुंइसीचा कली परमप्रभु यावे आ सोक्‍तीमी येसु कली गोरशो रागीमी चाक्‍दीदा बाक्‍त। हिब्रू ४:१५;

लूका 22:28

आं कली थुं थाम्‍मेनु, वारच पाइब गे ननी। यूहन्‍ना ६:६७-६८

लूका 4:2

मिनु ४० नाक्‍ती गोरशो रागीम सैतान रे पा थुं नाक्‍चा पुंइसे बाक्‍त। मेको ४० नाक्‍त सम्‍म मारेइ मजथु बाक्‍शो बाक्‍माक्‍त। मिनु नोले शुश शोव़लु बेक्‍माक्‍त।

यूहन्‍ना 8:46

गेपुकीमी आं कली ‘गे मरिम्‍शो पाइब नवे’ दे दोसी सेल्‍ने चाप्‍नीनी ङा? गो थमा लोव़ पाता हना, मारदे आं कली थमा मसुइक्‍नीनी? २कोरिन्‍थी ५:२१; १पत्रुस २:२२; १यूहन्‍ना ३:५; हिब्रू ४:१५

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

हिब्रू 4:14

तन्‍न गो इं के ठेयब चढ़ेब का बाक्‍ब। मेको स्‍वर्ग लाक्‍शा लाइब, परमप्रभु यावे आ तौ, येसु बाक्‍ब। इं थमा सुइक्‍तीके बोल्‍यो सेल्‍शा, गेनायो मप्रोंइय। हिब्रू ३:१; हिब्रू ९:११,१२; हिब्रू १०:२३

हिब्रू 5:2

मेकोमी मतुइक्‍ब नु मरिम्‍शो लां गाक्‍ब आन कली शिशी पने चाप्‍ब। मारदे हना मेको आंमन यो मोदेंशो बाक्‍ब।

हिब्रू 7:26

इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।

हिब्रू 9:28

मोपा ख्रीस्‍त शुश मुर आन पाप क्‍याम्‍चा कली खेयप का आ हुश चढ़ेप्‍तु। मिनु लेंशा जाक्‍ब। पाप क्‍याम्‍थ चहिं मजाक्‍ब। तन्‍न मेको कली थमा सुइश्‍शा रिम्‍शा बाक्‍ब आन कली श्‍येत रे प्रोंइचा कली जाक्‍ब। हिब्रू १०:११,१२,१४

१ पत्रुस 2:22

मेकोमी काइ पाप मपवो। जोल यो मपवो। यूहन्‍ना ८:४६; यसैया ५२:९

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६