हिब्रू 3:5 - Sunuwar Bible5 नोले तुइक्पाइक्तीक लोव़ आ पर्बम सांकछी दुम्चा कली मोसा परमप्रभु यावे आ खिंमी थम रिम्शो गेय पाइब दुम्त। အခန်းကိုကြည့်ပါ။ |
हिब्रू 3:5
35 ပူးပေါင်းရင်းမြစ်များ
मिनु ग्रुम्ची नाक्ती पावल आ बाक्तीकेमी शुश मुर खुम्साक्म। मिनु सुनी रे नाक्दो सम्म पावलमी मेको आन कली एको लोव़ नेल्ल रुप्पपाइक्तीमी। मोसा आ अरेशो नु परमप्रभु यावे आ लोव़ पाइब आन ब्रेक्शो लोव़ रे शेंशा, परमप्रभु यावे आ सोइश्शो ख्रीस्त चहिं येसु बाक्ब देंशा, परमप्रभु यावे आ राज्य ङा लोव़ शेंताक्व।
मिनु परमप्रभु यावेमी इन लोक्ब आन कली, इन कली खोदेंशो पा नाइक्चा मगेवा सम्म, मेको रागी आंम के मसेल्मे सम्म नु परमप्रभु यावे, इन परमप्रभुमी मेको आन कली गेचा चिक्शो रागी मग्रामा सम्म मेको आन कली वारच पचा माल्नीनी। मिनु नोले परमप्रभु यावे आ गेय पाइब मोसामी यर्दन आ पूर्ब गे इन कली गेशो रागीमी लेश्शा, बाक्ने चाप्नीनी” देंत।
परमप्रभु यावे आ गेय पाइब मोसामी इस्राएली आन कली देंशो खोदेंशो पा नु मोसामी अरेशो लोव़ ब्रेक्शा किताबम ब्रेक्शो खोदेंशो, मक्योरशो, फलामम मथिपाइश्शो फुल्लु खुप्शा, चढ़ेतीक का सेल्तेक्म। मेकेर परमप्रभु यावे कली चोशा चढ़ेतीके नु दुशा बाक्चा आ पर्बम चढ़ेतीके चढ़ेम्तेक्म। प्रस्थान २०:२५; प्रस्थान २४:१-८
मिनु इस्राएली नेल्ल, मेको नु बाक्ब अर्को रागी ङा मुरपुकी, खाल्पापुकी, ठेयब मुर नु मेको आन ठेयब मुरपुकी परमप्रभु यावे आ कबल पशो सन्दोस आ नेक्था राप्शो बाक्तेक्म। मेकोपुकी परमप्रभु यावे आ सन्दोस कुरब लेवी आ थर ङा चढ़ेब गे कोव़शा, राप्शो बाक्तेक्म। इस्राएली नु मेको नु बाक्ब अर्को रागी ङा मुर नेल्ल आधी गेरीजीम डांडा गे कोव़शा, अरु आधी एबाल डांडा गे कोव़शा राप्शो बाक्तेक्म। मिनु परमप्रभु यावे आ गेय पाइब मोसामी अरेशो खोदेंशो पा यहोसुमी इस्राएली नेल्ल आन कली आसीक गेप्तु। ब्यवस्था ११:२९; ब्यवस्था २७:१२-२६; ब्यवस्था २८:-
मिनु परमप्रभु यावे आ वाइल मोसा नु पाठा आ कुम्सो पाम्तेक्म। मिनु मेको कुम्सोम मार लोव़ बाक्त देंशा हना “परमप्रभु यावे, गे नेल्ल सक्ति पाइश्शो परमप्रभु बाक्नीनी। इन गेय ठेयब नु छक लाक्चा बाक्नीमी। गे इन लां नेल्ल ठीक नु थमा बाक्नीमी। गे गेना हना यो पिप बाक्नीनी। प्रस्थान १५:१,११; येरमीया १०:६-७; ब्यवस्था ३२:४; भजन संग्रह १४५:१७
ကြော်ငြာတွေ