हिब्रू 3:19 - Sunuwar Bible

¹⁹ मोपतीके परमप्रभु यावे आ लोव़ कली थमा मसुइक्‍तीकेन आ राज्‍य ओव़शा नाइक्‍चा मतामे बाक्‍त, दे रुप्‍नय।

हिब्रू 3:19 ပူးပေါင်းရင်းမြစ်များ

भजन संग्रह 106:24

मिनु नोले मेकोपुकीमी परमप्रभु आ गेशो रागी मदाक्‍शो बाक्‍तेक्‍म। आ थोक्‍शा पशो लोव़ थमा मसुइश्‍शो बाक्‍तेक्‍म। गन्‍ती १४:२-४; ब्‍यवस्‍था ८:७-१०

मर्कूस 16:16

सुमी थमा सुइश्‍शा, ब्‍वाक्‍कुमी ख्रुम्‍शा ग्रुंइचा पुंइसीबा, मेको ब्रोंइचा ताइब। सुमी चहिं थमा मसुइक्‍बा, मेको सजाइ गेचा पुंइसीब। प्रेरित २:३८; प्रेरित १६:३१-३३

यूहन्‍ना 3:18

सुमी परमप्रभु यावे आ तौ कली थमा सुइक्‍बा, मेको स्‍वर्गमी निसाफ पचा मपुंइसीब। सुमी चहिं थमा मसुइक्‍बा, मेको ङोंइती रेन निसाफ पा सजाइ तचा पुंइसीब दुम्‍शो बाक्‍ब। मारदे हना मेकोमी परमप्रभु यावे आ कांइचीक तौमी पाप रे प्रोंइब, दे थमा मसुइश्‍शो बाक्‍ब। यूहन्‍ना ५:२४

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

रोमी 11:23

मेको क्‍योरशा ताइश्‍शो राशी खोदेंशो दुम्‍शो यहूदीपुकीमी आन थुं परमप्रभु यावे गे लेश्‍शा, थमा सुइक्‍तेक्‍म हना, रिम्‍शो फल रवाम लेंशा केप्‍शो खोदेंशो पा आ मुर सेल्‍ने चाप्‍ब।

ब्‍यवस्‍था 1:32

मोदेंशो दुम्‍त हना यो गे परमप्रभु यावे, इन परमप्रभु कली थमा मसुइक्‍नी।

२ थिस्‍सलोनिकी 2:12

दूली शेंतीक थमा सुइक्‍बपुकी जाम्‍शा लाइनीम। मारदे हना थमा लोव़ थमा मसुइक्‍थु, मदुम्‍शो गेय दाक्‍ताक्‍मे।

हिब्रू 3:12

आं लोक्‍बपुकी, होस पांइसीने। मारदे हना मरिम्‍शो नु थमा मसुइक्‍तीक थुंमी गेना हना यो ब्रोंइशा बाक्‍ब परमप्रभु यावे रे सुइ इन कली फ्राशा मलदल।

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६

यहूदा 1:5

गेपुकी ङोंइती रे “दोपा ठीक पा थमा सुइक्‍चा” दे नेल्‍ल शेंसीशो बाक्‍तीनी हना यो, गो इन कली लेंशा मेको शेंशो लोव़ मिम्‍पाइक्‍चा दाक्‍नुङ। मार मिम्‍पाइक्‍चा दाक्‍नुङ देंशा हना, परमप्रभु यावेमी आ मुर आन कली इजीप्‍त रागी रे प्रोंइपाइश्‍शा, तन्‍न नोले मेको थमा मसुइक्‍ब आन कली सदा बाक्‍त। गन्‍ती १४:३५; १कोरिन्‍थी १०:५