हिब्रू 3:18 - Sunuwar Bible

¹⁸ परमप्रभु यावेमी आ लोव़ मटीब आन पर्बम “मेकोपुकी गेनायो आं राज्‍य ओव़शा थुं नाइक्‍चा मताइनीम” दे कसम जशो मबाक्‍बा ङा?

हिब्रू 3:18 ပူးပေါင်းရင်းမြစ်များ

भजन संग्रह 78:22

मारदे हना मेकोपुकीमी परमप्रभु कली थमा मसुदेम। मिनु “परमप्रभुमी आंइ कली प्रोंइने मचाप्‍ब” देंतेक्‍म।

गन्‍ती 14:11

मिनु परमप्रभु यावेमी मोसा कली “एको मुरपुकीम गेना सम्‍म आं कली मटीनीमी? एको आन दातेम आं कोंइशो चिन्‍ड तशा यो, गेना सम्‍म आं कली थमा मसुइक्‍नीमी?

गन्‍ती 14:23

मेको आन किकी पिपी आन कली कसम जशा ‘गेनुङ’ देंशो रागी ओव़चा मताइनीम। मिनु आं कली काइ मदाक्‍बपुकीम मेको रागी मताइनीम। भजन संग्रह ९५:११; हिब्रू ३:११,१७-१९

गन्‍ती 14:30

आं कसम जशा, इन कली गेनुङ देंशो रागीमी सुइ ओव़चा मताइनीम। यपुन्‍ने आ तौ कालेब नु नून आ तौ यहोसु ला ओव़चा ताइनीस।

गन्‍ती 14:37

मेको रागी आ पर्बम मरिम्‍शो लोव़ चाक्‍ब मुर नेल्‍ल परमप्रभु यावे आ ङोंइती बेक्‍चा माल्‍नीम।

गन्‍ती 20:12

तन्‍न परमप्रभु यावेमी मोसा नु हारून आस कली “गे आं कली थमा मसुइक्‍तीके नु आं ठेयब सक्ति इस्राएली आन ङोंइती मकोंइतीके, गे एको मुर आन कली गो इन कली गेशो रागीम चाक्‍दीत्‍चा मताइनीसी” देंत। गन्‍ती २७:१४; ब्‍यवस्‍था १:३७; ब्‍यवस्‍था ४:२१; ब्‍यवस्‍था ५०:५१

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

रोमी 11:30

गेपुकीमी यो परमप्रभु यावे आ लोव़ मटिनी। यहूदीपुकीम मटितीके परमप्रभु यावेमी इन कली शिशी पा थमा सुइक्‍चा गेप्‍तु। मिनु मुल गे परमप्रभु यावे आ शिशी ताइब दुम्‍तीनी।

ब्‍यवस्‍था 9:23

मिनु परमप्रभु यावेमी गे कादेश-बारनेआ रे लशा, इन कली ‘मेकेर लने। मिनु इन कली गेशो रागी इन के सेलीन’ दे सोइक्‍ताक्‍व। मिनु गेपुकीमी परमप्रभु यावे, इन परमप्रभु आ अरेशो मबित्‍थु, गन गन पा मेको कली थमा मसुइक्‍नी। मेको आ लोव़ यो मटिनी। गन्‍ती १३:२,३१; गन्‍ती १४:१-४

हिब्रू 3:11

मिनु गो चुरशा ‘मेकोपुकी गेनायो आं राज्‍य ओव़शा थुं नाइक्‍चा मताइनीम’ दे कसम जशा देंती” देंत। भजन संग्रह ९५:७-११; हिब्रू ४:३; गन्‍ती १४:२१-२३

हिब्रू 4:11

मोपतीके सुइमी परमप्रभु यावे आ लोव़ मटिथु जाम्‍शा मलमल। गो नेल्‍ले नाइक्‍चा ततीकेमी ओव़चा माल्‍य। हिब्रू ३:१६-१९

हिब्रू 4:2

थमा पा, इं कली यो मेको आन कली खोदेंशो पा परमप्रभु यावे आ लोव़ नेंपाइश्‍शो बाक्‍त। तन्‍न इं किकी पिपी आन कली नेंपाइश्‍शो लोव़ शोर गाक्‍शो दुम्‍त। मारदे हना नेंबपुकीमी थमा मसुइक्‍थु मटिशो बाक्‍तेक्‍म।

हिब्रू 4:6

मो हना यो का निक्‍शी ओव़चा ताइनीम। तन्‍न आ लोव़ ङोंइती ङा नेंबपुकीमी मटिथु, ओव़चा मतामे बाक्‍त।