हिब्रू 3:16 - Sunuwar Bible

¹⁶ नेंशा यो मटीब सु नमी? मोसाम इजीप्‍त रे ग्रुंइशा पिश्‍शोपुकी मनमी ङा?

हिब्रू 3:16 ပူးပေါင်းရင်းမြစ်များ

भजन संग्रह 78:17

तन्‍न मेकोपुकीमी गोरशो रागीमी नेल्‍ल क्‍येङा ठेयब कली मटिथु, मरिम्‍शो पा ङोंइती क्‍येङा शुश पाप पाम्‍तेक्‍म।

भजन संग्रह 78:40

मेकोपुकीमी गोरशो रागीम शुश खेयप परमप्रभु कली मटीमे। परमप्रभु कली मुर मबाक्‍तीकेमी श्‍येत गेम्‍तेक्‍म।

येरमीया 32:29

एको सहर कली लडाइ तोइब कल्‍दी जाक्‍शा मी सुइक्‍नीम। तेको खिं तारी आं कली गाइक्‍पाइक्‍चा कली बाल देवता कली चढ़ेमे नु देवी देवता आन कली तूचा थोव़क चढ़ेशा लुक्‍‍तमे, मेको नेल्‍ल क्रोइक्‍नीम। येरमीया १७:१३

येरमीया 44:3

मारदे मोदेंशो दुम्‍त देंशा हना, मेकेर ङा मुरुमी आं अरेशो मटिथु, गाइक्‍पाइक्‍‍तीमी। मेकोपुकीमी देवी देवता आन कली चढ़ेशा मेको आन नोले खोइक्‍तेक्‍म। ङोंइती मेकोपुकी, गेपुकी नु इन किकी पिपीमी यो मेको आन कली मतुइश्‍‍शो बाक्‍तेक्‍म।

येरमीया 44:8

मारदे गेपुकीमी इन गेयमी आं कली गाइक्‍पाइक्‍नीनी? मारदे गे इजीप्‍तमी बाक्‍शा, देवी देवता आन कली चढ़ेशा आं कली गाइक्‍पाइक्‍नीनी? गेपुकी क्‍याम्चा पुंइसीशा, रागी ङा मुर नेल्‍ल आन दातेमी सराप चीले राइब नु शुक्‍शी पाइक्‍चा पुंइसीब दुम्‍नीनी।

गन्‍ती 14:11

मिनु परमप्रभु यावेमी मोसा कली “एको मुरपुकीम गेना सम्‍म आं कली मटीनीमी? एको आन दातेम आं कोंइशो चिन्‍ड तशा यो, गेना सम्‍म आं कली थमा मसुइक्‍नीमी?

गन्‍ती 14:2

मिनु इस्राएली नेल्‍ल मोसा नु हारून आस पर्बम गन गन पाम्‍तेक्‍म। मिनु नेल्‍लेमी मेको आस कली “गोपुकी इजीप्‍त उइ बेक्‍शो नकी हना, रिम्‍शो दुम वा। एको गोरशो रागीम बेक्‍शो नकी हना यो, दुम वा। गन्‍ती ११:१; प्रस्‍थान १६:२-३; प्रस्‍थान १७:२-३

गन्‍ती 14:24

तन्‍न आं गेय पाइब कालेब आ थुंमी अर्को सोक्‍ती बाक्‍ब। मिनु मेकोमी आ थुं नेल्‍लेमी आं कली टिशो बाक्‍ब। गो मेको कली आ क्‍यारी पथ लशो रागी चाक्‍दीत्‍नुङ। मिनु मेको आ तौ चच युइ आन रागी दुम्‍ब। यहोसु १४:६-९

गन्‍ती 14:30

आं कसम जशा, इन कली गेनुङ देंशो रागीमी सुइ ओव़चा मताइनीम। यपुन्‍ने आ तौ कालेब नु नून आ तौ यहोसु ला ओव़चा ताइनीस।

गन्‍ती 14:38

मिनु मेको रागी क्‍यारी पथ लाइब आन दाते ङा नून आ तौ यहोसु नु यपुन्‍ने आ तौ कालेब ला ब्रोंइनीस।

गन्‍ती 14:4

मिनु मेकोपुकी “मुल गो लां कोंइब मुर का योव़शा, इजीप्‍त रागीम लेय्‍य” देंमुम्‍तेक्‍म।

गन्‍ती 26:65

मारदे हना, परमप्रभु यावेमी मेको आन पर्बम “मेकोपुकी थमा पा गोरशो रागीमीन बेक्‍चा माल्‍नीम” देंशो बाक्‍त। यपुन्‍ने आ तौ कालेब नु नून आ तौ यहोसु ङा लाक्‍शा, मेको आन दाते ङा का यो सेस मलीम। गन्‍ती १४:२२-३८

ब्‍यवस्‍था 1:38

इ के गेय पाइब नून आ तौ यहोसु चहिं ओव़चा ताइब। गे मेको आ थुं बारपाइक्‍चा माल्‍नेवे। मारदे हना यहोसुमी इस्राएली आन कली मेको रागी योक्‍शा गेचा माल्‍ब’ दे परमप्रभुमी कसम जशा देंत। गन्‍ती ३४:१७

यहूदा 1:5

गेपुकी ङोंइती रे “दोपा ठीक पा थमा सुइक्‍चा” दे नेल्‍ल शेंसीशो बाक्‍तीनी हना यो, गो इन कली लेंशा मेको शेंशो लोव़ मिम्‍पाइक्‍चा दाक्‍नुङ। मार मिम्‍पाइक्‍चा दाक्‍नुङ देंशा हना, परमप्रभु यावेमी आ मुर आन कली इजीप्‍त रागी रे प्रोंइपाइश्‍शा, तन्‍न नोले मेको थमा मसुइक्‍ब आन कली सदा बाक्‍त। गन्‍ती १४:३५; १कोरिन्‍थी १०:५