हिब्रू 2:9 - Sunuwar Bible

⁹ गोपुकीमी येसु कली मान पाइक्‍चा पुंइसीतीके, छेङछेङ ङा सिरपेच गुप्‍शो नु सक्ति पाइश्‍शो दुम्‍शो ताइतय। रागीम बाक्‍मेनु, परमप्रभु यावे आ स्‍वर्ग ङा गेय पाइब क्‍येङा इच्‍ची आइक्‍च दुम्‍शो बाक्‍त। मारदे हना परमप्रभु यावेमी मुर नेल्‍ल आन कली शिशी पाइनुङ, दे कोंइचा कली मुर आन पर्बम श्‍येत जपाइश्‍शा बेक्‍चा गेप्‍तु। फिलिप्‍पी २:८-९

हिब्रू 2:9 ပူးပေါင်းရင်းမြစ်များ

उत्पत्ती 3:15

गे नु मेको मीश मुर जिशा, बाक्‍चा मलीसे। मेको आ युइ नु इ युइ जिशा बाक्‍नीमी। मीश मुर आ युइ कामी इ पिया दिम्‍शा प्रोल्‍ब। गे चहिं मेको आ गेंग्रेम कोक्‍नेवे” दे सराप पदा बाक्‍त। प्रकाश १२:४-५,१५-१७

यसैया 11:1

येस्‍से आ ठुटा रे ठोसा का दाप्‍ब। मेको आ शाक्‍श रे वाशो राशीम फल फुल सिप्‍ब।

यसैया 7:14

मोपतीके परमप्रभुमी इन कली चिन्‍ड का गेब। मेको चिन्‍ड मार बाक्‍ब देंशा हना, कन्‍ने मीश आलम कोव़ज कुरशा तौ का थीब। मेको आ नें इम्‍मानुएल वोइक्‍नीम। मत्ती १:२३

मत्ती 16:28

नोफा दाइश्‍शा नेनीने, मुल गो नु काथा बाक्‍ब का निक्‍शीमी रागीम जरमेशो आ राज्‍य जाक्‍शो मतथु मबेक्‍नीम” दे शेंताक्‍मी। मत्ती १०:२३

मत्ती 6:28

मार फेक्‍चा, दे मारदे मिम्‍नीनी? लिली फू कली कोव़शा मिम्‍तीने। गिश बोइश्‍शा रिम्‍शो तांइसीनीमी। श्‍येत पा गेय मपाइनीम। पांइतो मपांइनीम।

मर्कूस 9:1

मिनु “नोफा दाइश्‍शा नेनीने, मुल गो नु काथा बाक्‍शो का निक्‍शीमी परमप्रभु यावे आ राज्‍य सक्ति पाइश्‍शा जाक्‍शो मतामे सम्‍म मबेक्‍नीम” देंमाक्‍त।

लूका 9:27

गो इन कली थमा लोव़ पाइनुङ मुल गो नु काथा बाक्‍ब का निक्‍शीमी परमप्रभु यावे आ राज्‍य मतथु मबेक्‍नीम” दे माइक्‍मी बाक्‍त।

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

यूहन्‍ना 10:17

मेको आन साइक्‍चा पुंइसीचा ङा गो साइक्‍चा पुंइसीनुङ। मोपतीके आं आफोमी आं कली दाक्‍ब, मिनु आं कली बेक्‍शो रे सेंब।

यूहन्‍ना 12:32

गो क्‍युक्‍शा साइक्‍चा पुंइसीशा, मुर नेल्‍ल आन कली आं गे कीनुङमी” देंत। यूहन्‍ना ८:२८

यूहन्‍ना 3:16

परमप्रभु यावेमी रागी ङा मुर आन कली शुश दाक्‍ताक्‍व। मोपतीके आ कांइचीक तौ रागीमी सोइक्‍ताक्‍व। सु सुमी मेको कली थमा सुइक्‍नीमी, मेकोपुकी नरक मलाइनीम। तन्‍न गेना हना यो परमप्रभु यावे नु बाक्‍चा ताइनीम। रोमी ५:८; रोमी ८:३२; १यूहन्‍ना ४:९

यूहन्‍ना 8:51

मिनु येसुमी “नोफा दाइश्‍शा नेनीन, सुमी आं देंशो लोव़ टीबा, मेको गेनायो मबेक्‍ब” देंत। यूहन्‍ना ६:४०,४७

यूहन्‍ना 8:52

मिनु यहूदीपुकीमी “गे वोलमी सुम्‍शो बाक्‍ते, दे गो मुल तुइक्‍ताक्‍क। अब्राहाम नु परमप्रभु यावे आ लोव़ पाइबपुकी बेक्‍तेक्‍म। गे चहिं ‘सुमी आं देंशो टीबा, मेको गेनायो मबेक्‍ब’ देंते।

प्रेरित 2:33

मिनु येसु परमप्रभु यावे आ ग्‍युरा गे बाक्‍शा, आ आफ रे परमप्रभु यावे आ सोक्‍त ताक्‍शा, आंइ तारी मोइक्‍‍तु। मिनु मार मार नेंनी, मार मार तनी, मेको नेल्‍ल परमप्रभु यावे आ सोक्‍तीम पपाइश्‍शो बाक्‍माक्‍त, दे तुइक्‍तीने। यूहन्‍ना १५:२६

प्रेरित 3:13

इ किकी पिपी अब्राहाम, इसहाक नु याकूब आन परमप्रभु यावेमी आ गेय पाइब येसु कली ठेयब सेल्‍तु। गेपुकी चहिं मेको कली ग्‍याइक्‍पाइक्‍तीनी। पिलातसमी मेको कली प्रोंइचा थुं पवानु यो, गे मबिस्‍सीनी।

रोमी 5:18

दोपा मुर कामी पाप पतीके मुर नेल्‍ल जाम्‍शा लाइब दुम्‍मा, मोपा मुर का आ ठीक पतीकेम मुर नेल्‍ल आन पाप क्‍याम्‍शा, ठीक सेल्‍चा पुंइसीशा, ब्रोंइचा ताइनीम। १कोरिन्‍थी १५:२१-२२

रोमी 5:8

तन्‍न परमप्रभु यावेमी इं कली शुश दाक्‍शा, गो पापी, इं बेक्‍चा आ पा ङा ख्रीस्‍त कली बेक्‍चा गेप्‍तु। यूहन्‍ना ३:१६; १यूहन्‍ना ४:१०

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

रोमी 8:32

परमप्रभु यावेमी इं कली दाक्‍शा, आ दाक्‍शो तौ कली इं पाप क्‍याम्‍चा कली बेक्‍चा गेप्‍तु। मोपा आ दाक्‍शो तौ लाइ गेवानु, इं कली मार मार माल्‍या, मेको मगेबा ङा? गेब।

२ कोरिन्‍थी 5:15

मिनु मेको नेल्‍ल आन पर्बम बेक्‍त। मिनु ब्रोंइशोपुकी मुल रे आंम पर्बम मब्रोंइमल। तन्‍न येसु कली ब्रोंइमल। मारदे हना मेको आन पर्बम साइश्‍‍शा, सेंसीचा पुंइसाक्‍व। रोमी १४:७-८

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

१ तिमोथी 2:6

मेकोमी मुर नेल्‍ल आन कली पाप रे प्रोंइचा, दे आंम कली जिम्‍मा गेप्‍तु। एको लोव़ मेना रे शेंचा गोम्‍तेक्‍म। गलाती १:४; गलाती २:२०; तीतस २:१४

हिब्रू 1:9

ठीक गेय पतीके दाक्‍नीनी। मरिम्‍शो पतीके मदाक्‍नीनी। मोपतीके परमप्रभु, इन परमप्रभु यावेमी इन पियामी तेल ख्रेक्‍शा ग्‍येरपाइक्‍तु। इन वारच आन क्‍येङा इन कली ठेयब सेल्‍तु” देंत। भजन संग्रह ४५:६-७

हिब्रू 10:5

मोपतीके ख्रीस्‍त रागीम जाक्‍मेनु, मेकोमी “गे चढ़ेतीक नु भेटी ममाल्‍नी। तन्‍न गे आं कली मुर आ रां का सेल्‍तीनी।

हिब्रू 11:5

हानोकमी परमप्रभु यावे कली थमा सुइक्‍बाक्‍माक्‍त। मोपतीके आ मबेक्‍थु सेसीन, परमप्रभु यावे नु लशा बाक्‍चा तवा बाक्‍त। हानोक रागीम बाक्‍मेनु, परमप्रभु यावे आ देंशो टिशा, आ थुं नुपाइश्‍शो बाक्‍माक्‍त, दे तुइक्‍नय। हिब्रू लोव़मी हानोक कली एनोक बाक्‍ब। उत्‍पत्ती ५:२४

हिब्रू 12:2

थमा सुइक्‍तीक लां कोंइशा, पाको सेल्‍ब येसु कली मिम्‍तय। मेकोमी शीम केप्‍शा कांटी थोक्‍शा क्‍याइश्‍शा साइक्‍चा पुंइसीचा आ पर्बम, मुने आ पर्बम मारेइ ममिम्‍ता बाक्‍त। नोले मान पा ग्‍येरसीशा बाक्‍चा ताइनुङ, दे मिम्‍ता बाक्‍त। मिनु मुल परमप्रभु यावे आ ग्‍युरा गे निश्‍शो बाक्‍ब। हिब्रू ५:८-९; फिलिप्‍पी २:८-१०

हिब्रू 2:7

मेको कली इन स्‍वर्ग ङा गेय पाइब क्‍येङा इच्‍ची आइक्‍च सेल्‍शा वोइक्‍तीनी। नोले मान पाइक्‍चा पुंइसीतीके सिरपेच गुप्‍चा गेशा, सक्ति पाइश्‍शो सेल्‍तीनी।

हिब्रू 7:25

मोदुम्‍तीके येसु रे पा परमप्रभु यावे आ ङोंइती जाक्‍दीश्‍शो आन कली येसुमी गेना हना यो वारच पने चाप्‍ब। मारदे हना मेको आन पर्बम गेना हना यो परमप्रभु यावे आ ङोंइती बाक्‍शा पुंइशो बाक्‍ब। रोमी ८:३४; १यूहन्‍ना २:१

हिब्रू 8:3

ठेयब चढ़ेब नेल्‍ले भेटी नु चोशा चढ़ेचा कली योव़चा पुंइसीशो बाक्‍नीम। मोपतीके मेको ठेयब चढ़ेबमी यो मारेइ थोव़क चढ़ेचा माल्‍ब।

१ पत्रुस 1:21

गे येसु ख्रीस्‍त आ पतीके परमप्रभु यावे कली थमा सुइक्‍नीनी। मेकोमी येसु ख्रीस्‍त कली बेक्‍शो रे सेंपाइश्‍शा, छेङछेङम वोइक्‍तु। मोपतीके गे “परमप्रभु यावेमी इं कली कोव़ब” दे थमा सुइश्‍शा आस पने।

१ यूहन्‍ना 2:2

दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२

प्रकाश 19:12

मिनु मेको दोदेंब तांइसाक्‍व देंशा हना, मेको आ मिक्‍च हुरुर पा ब्रशो मी खोदेंशो तांइसाक्‍व। आ पियामी शुश मुकुटपुकी बाक्‍तेक्‍म। मिनु मेको तारी नें का ब्रेक्‍शो बाक्‍त। मेको नें सुइमी मतुइक्‍नीम। मेकोम ला तुइक्‍ब। प्रकाश १:३४; प्रकाश ३:१२

प्रकाश 5:9

मिनु मेकोपुकीमी पाठा कली नक कुम्‍सो का पाम्‍तेक्‍म। मार नक कुम्‍सो पाम्‍तेक्‍म देंशा हना “मेको कागज ताक्‍ने नु प्राक्‍ने चाप्‍ब, गे का ला ननी। मारदे हना गे मुर आन कली परमप्रभु यावे आ नेक्‍था बाक्‍पाइक्‍चा कली ग्‍याप्‍तीनी। दोपा ग्‍याप्‍तीनी देंशा हना, साइक्‍चा पुंइसीशा, इन हुश शाइश्‍शा ग्‍याप्‍तीनी। मिनु गे मार मुर ग्‍याप्‍तीनी देंशा हना, नेल्‍ल थर रे, नेल्‍ले लोव़ रे, नेल्‍ल जात रे नु नेल्‍ल रागी रे मुरपुकी ग्‍याप्‍तीनी। भजन संग्रह ३३:३