हिब्रू 2:6 - Sunuwar Bible

⁶ परमप्रभु यावे आ लोव़ पाइब कामी “मुर आइक्‍च बाक्‍त हना यो, मेको कली मिम्‍नीनी। रागीम जरमेशो मुर आन कली मारदे कोव़नीनी?

हिब्रू 2:6 ပူးပေါင်းရင်းမြစ်များ

उत्पत्ती 50:24

मिनु योसेफमी आ लोक्‍ब आन कली “गो बेक्‍नुङ। परमप्रभुमी इन कली कोव़ब। परमप्रभुमी अब्राहाम, इसहाक नु याकूब कली ‘इन कली कनान रागी लेप्‍पाइक्‍नुङ’ दे कसम जशा, लोव़ पशो बाक्‍ब” देंमाक्‍त।

अय्‍युब 15:14

बेक्‍शा लाइब मुर नेल्‍ल दोस ताइब दुम्‍नीम। मीश मुर रे जरमेशो सु ठीक पाइब बाक्‍ने चाप्‍बा ङा? अय्‍युब १४:४

अय्‍युब 25:6

मिनु लुस्पु खोदेंशो मुर, दोपा परमप्रभु आ ङोंइती ठीक दुम्‍ने चाप्‍बा ङा?” दे बिल्‍दादम देंमाक्‍त। यसैया ४१:१४

भजन संग्रह 144:3

परमप्रभु यावे, मुर आइक्‍च बाक्‍तेक्‍म हना यो, गे मेको आन कली कोव़नीनी। बेक्‍शा लाइब मुर मार नमी ङा? तन्‍न गे मेको आन कली मिम्‍नीनी।

यसैया 40:17

रागी रागी ङा मुरपुकी मेको आ ङोंइती मारेइ मनम। मेको श्‍येत्‍थ नु मारेइ मबाक्‍शो बाक्‍नीम, दे मिम्‍ब।

यसैया 51:12

परमप्रभुमी “गो इन कली थुं बारपाइक्‍ब नङ। गे मुर तशा, मारदे हिंनीनी? मुरपुकी घांस खोदेंशो पा बेक्‍नीम। भजन संग्रह ५६:५; मत्ती १०:२८; यसैया ४०:१,६

लूका 1:68

मेकोमी “परमप्रभु, इस्राएली आन परमप्रभु यावे ठेयब बाक्‍ब। मारदे हना इस्राएल ङा मुर इं कली शिशी पा पाप रे प्रोंइब सोइक्‍चाप्‍तु। लूका ७:१६

लूका 1:78

आंइ परमप्रभु यावेमी इं कली दाक्‍शा, शिशी पा, रुप्‍तीक थुं सुनी ङा छेङछेङ खोदेंशो पा इं तार मोइक्‍ताक्‍व। यसैया ६०:१-२

लूका 7:16

मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८

१ थिस्‍सलोनिकी 4:6

सुइ वोंइश मुरुम आ लोक्‍ब कली मोदेंशो पा श्‍येत मगेवल। मारदे हना प्रभुमी मोदेंशो पाइब आन कली क्‍येक्‍क लेप्‍ब, दे ङोंइती रे इन कली शेंताक्‍क। लेवी १९:११

हिब्रू 4:4

परमप्रभु यावेमी रागी मारेइ मारेइ सेल्‍शा, ७ नाक्‍त आ पर्बम “परमप्रभु यावेमी नेल्‍ल सेल्‍ने थुम्‍शा, ७ नाक्‍तीमी नाइक्‍से बाक्‍त” दे ब्रेक्‍शो बाक्‍ब। उत्‍पत्ती २:२

हिब्रू 5:6

मिनु लेंशा “गे गेना हना यो मेल्‍कीसेदेक आ खाल ङा चढ़ेब दुम्‍ते” देंत। भजन संग्रह ११०:४; हिब्रू ६:२०

१ पत्रुस 1:11

मेकोपुकीमी आन आगामी बाक्‍शो ख्रीस्‍त आ सोक्‍त कली “पाप रे प्रोंइब सु बाक्‍मे, गेना जाक्‍बा?” दे हिल्‍लो पामे बाक्‍त। मोदेंशो पा माल्‍ना माल्‍न ख्रीस्‍त आ श्‍येत जचा नु छेङछेङम लचा आ पर्बमी नोले दुम्‍ब लोव़ पामे बाक्‍त। भजन संग्रह २२:-, यसैया ५२:१३- ५३:१२