हिब्रू 2:4 - Sunuwar Bible

⁴ परमप्रभु यावेमी पपाइश्‍शो चिन्‍ड नु छक लाक्‍चा ङा गेय, सक्ति पाइश्‍शो शुश गेय नु परमप्रबु यावेमी आ दाक्‍शो पा योव़शा आ सोक्‍तीमी मुर आन कली पपाइश्‍शो गेय, मेको सांफा सांकछी बाक्‍नीम। मर्कूस १६:२०; २कोरिन्‍थी १२:१२; १कोरिन्‍थी १२:४-११; प्रेरित २:१-१३; प्रेरित १०:४४-४५

हिब्रू 2:4 ပူးပေါင်းရင်းမြစ်များ

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

मर्कूस 16:20

मिनु येसु कली थमा सुइक्‍बपुकी लशा, ग्‍येरपाइक्‍ब लोव़ तेइ तेइ नेंपाइक्‍ना पाइक्‍न गाक्‍‍मा बाक्‍त। प्रभु यो मेकोपुकी नु काथा बाक्‍शा, चिन्‍ड कोंइना कोंइन मेको आन लोव़ थमा बाक्‍ब दें‍बाक्‍माक्‍त। प्रेरित १४:३; हिब्रू २:४

मर्कूस 6:14

मिनु हेरोद पिपमी मेको लोव़ नेंना बाक्‍त। मारदे हना येसु आ नें तेइ तेइ ब्रशो बाक्‍माक्‍त। का निक्‍शी मुरपुकीमी “ब्‍वाक्‍कुमी ख्रुम्‍शा ग्रुंइब यूहन्‍ना बेक्‍शो रे सेंचा पुंइसे बाक्‍त। मोपतीके सक्ति पाइश्‍शो गेय पाइबाक्‍माक्‍त” देंबाक्‍मा बाक्‍त।

यूहन्‍ना 15:26

मिनु वारच पाइब का जाक्‍ब। गो मेको कली आफ आ बाक्‍तीक रे सोइक्‍नुङ। मेको परमप्रभु यावे रे जाक्‍शो थमा ङा सोक्‍त बाक्‍ब। मेकोमी आं पर्बम शेंब। यूहन्‍ना १४:१६,२६; लूका २४:४९

यूहन्‍ना 4:48

मिनु येसुमी “गे चिन्‍ड नु छक लाक्‍चा ङा गेय मताइतीनी हना, आं कली थमा मसुइक्‍नीनी” देंत। यूहन्‍ना २:१८; १कोरिन्‍थी १:२२

प्रेरित 14:3

मो दुम्‍शा यो पावल नु बारनाबास शुश नाक्‍त सम्‍म मेकेर शेंना शेंन बाक्‍सा बाक्‍त। ठेयब थुं पा सुइ आन कली तशा महिंथु, ख्रीस्‍त आ लोव़ शेंदसेनु, प्रभुमी चिन्‍ड नु छक लाक्‍चा ङा गेय पचा कली सक्ति गेशा, आस शेंशो लोव़ थमा सेला बाक्‍त। प्रेरित १९:११; हिब्रू २:४

प्रेरित 4:10

गे ला ममाइ, तन्‍न इं इस्राएल ङा मुर नेल्‍लेमी रुप्‍चा माल्‍नीम। मेको खोइल मदुक्‍ब मुर नासरथ ङा येसु ख्रीस्‍त आ नें ब्रशा साशा गाक्‍ने चाप्‍ब दुम्‍माक्‍त, दे रुपीने। मेको नासरथ ङा येसु ख्रीस्‍त कली गेपुकीमी शीमी केप्‍शा कांटी थोक्‍शा क्‍याइक्‍पाइश्‍शा साइक्‍पाइक्‍तीनी। तन्‍न परमप्रभु यावेमी मेको कली बेक्‍शो रे सेंताक्‍व। प्रेरित ३:६,१३-१६

प्रेरित 5:32

मेको नेल्‍ल आंइ मिक्‍चीमी ताइतक। आ देंशो टीब आन कली परमप्रभु यावेमी आ सोक्‍त गेब। मिनु परमप्रभु यावे आ सोक्‍तीमी ‘मेको लोव़ नेल्‍ल थमा बाक्‍ब’ दे तुइक्‍पाइक्‍ब, दे तुइक्‍तीने” देंमा बाक्‍त। लूका २४:४८; यूहन्‍ना १५:२६-२७

एफिसी 1:5

मिनु परमप्रभु यावेमी इं कली दाक्‍शा “येसु ख्रीस्‍त कली थमा सुइक्‍ब दुम्‍नीम” दे आंम आ तमी तौ सेल्‍तु। मेकोन परमप्रभु यावे आ दाक्‍शो बाक्‍त।

एफिसी 1:9

परमप्रभु यावेमी इं कली ङोंइती ख्रीस्‍त रे आ थुंमी ख्रुइश्‍शा वोइश्‍शो लोव़ तुइक्‍पाइक्‍चा दाक्‍ताक्‍व।

एफिसी 4:7

इं कली नेल्‍ल शिशी गेशो बाक्‍ब। मेको ख्रीस्‍तमी “आं गेय पचा कली गिश माल्‍बा” दे मो गेशो बाक्‍ब। रोमी १२:३-६; १कोरिन्‍थी १२:१

हिब्रू 6:4

मारदे हना ङोंइती शेंतीक लोव़ रुप्‍शा, परमप्रभु यावे आ छेङछेङ तशा, आ सक्ति तशा, परमप्रभु यावे आ सोक्‍तीम ब्रीशा,