हिब्रू 13:24 - Sunuwar Bible

²⁴ शेंब नु थमा सुइक्‍ब नेल्‍ल इन कली “रिम्‍शो बाक्‍कीन” देंती। इटाली ङा थमा सुइक्‍ब लोक्‍बपुकीमी यो इन कली “रिम्‍शो बाक्‍कीन” देंतेक्‍म।

हिब्रू 13:24 ပူးပေါင်းရင်းမြစ်များ

प्रेरित 18:2

मिनु कोरिन्‍थ सहरम बाक्‍मेनु, नक इटाली रे जाक्‍शो अक्‍वीला नें पाइश्‍शो यहूदी नु आ मीश प्रिस्‍कीला आस कली ग्रुम्‍सी बाक्‍त। अक्‍वीला पोन्‍टसमी जरमेशो बाक्‍माक्‍त। मेको निक्‍शी ङोंइती रोम सहरमी बाक्‍शो बाक्‍सा बाक्‍त। तन्‍न क्‍लौदीयस माइश्‍शो रोमी पिपमी यहूदी नेल्‍ल आन कली रोम सहरम बाक्‍चा मगेथु, ग्रुंइशा सोइक्‍तीके गाक्‍शा, कोरिन्‍थ सहरम जाक्‍शो बाक्‍सा बाक्‍त। रोमी १६:३

प्रेरित 27:1

मिनु पावल कली सिजर बाक्‍तीके इटाली सोइक्‍ची जाक्‍माक्‍त। मिनु पावल नु अरु चोक्‍चा पुंइसीशो का निक्‍शी आन कली अगस्‍टस पल्‍टन ङा युलीयस नें पाइश्‍शो कप्‍तान आ गुइमी जिम्‍मा गेमे बाक्‍त। मिनु गो पावल आ वारच का निक्‍शी यो सासाक्‍क। प्रेरित २५:१२

प्रेरित 9:13

मिनु हनानीयामी “आमाइ, प्रभु, गो शुश मुर आन शोव़ रे मेको मुर आ पर्बम शुश मरिम्‍शो लोव़ नेंता। मेकोमी यरूसलेममी बाक्‍ब थमा सुइक्‍ब आन कली शुश श्‍येत गेशा, खेदा पना पन बाक्‍ब देंशो नेंता।

१ कोरिन्‍थी 16:16

मेको आन पशो खोदेंशो पा शेंना शेंन गाक्‍ब नेल्‍ल आन कली मान पा आन लोव़ नेंशा टिने।

२ कोरिन्‍थी 1:1

परमप्रभु यावे आ दाक्‍शो पा ख्रीस्‍त येसु आ सोइश्‍शो गो पावल नङ। इं लोक्‍ब तिमोथी नु गोमी कोरिन्‍थ सहर ङा परमप्रभु यावे कली थमा सुइश्‍शा ग्रुम्‍ब इन कली नु आकाया रागीम बाक्‍ब थमा सुइक्‍ब नेल्‍ल आन कली एको चिठी ब्रेक्‍शा सोइक्‍ताक्‍स्‍कु। १कोरिन्‍थी १:१

२ कोरिन्‍थी 13:13

गो नु बाक्‍ब थमा सुइक्‍ब नेल्‍लेमी इन कली “रिम्‍शो बाक्‍कीन” देंतेक्‍म।

फिलिप्‍पी 1:1

पावल नु तिमोथी, गो निक्‍शी ख्रीस्‍त येसु आ वाइल नस्‍कु। फिलिप्‍पी सहरम बाक्‍शो ख्रीस्‍त येसु कली थमा सुइक्‍ब नेल्‍ल इन कली, थमा सुइक्‍ब आन कली कोव़ब नु ग्रुम्‍तीके ङा गेय पाइब इन कली चिठी ब्रेक्‍ताक्‍ङ। प्रेरित १६:३

फिलिप्‍पी 4:22

सिजर आ खिं ङा नु अरु थमा सुइक्‍ब नेल्‍लेमी यो इन कली “रिम्‍शो बाक्‍कीन” देंतेक्‍म। फिलिप्‍पी १:१३

कलस्‍सी 1:2

गो कलस्‍से सहर ङा परमप्रभु यावे कली थमा सुइक्‍ब नु ख्रीस्‍तमी बाक्‍शो लोक्‍ब इन कली चिठी ब्रेक्‍ताक्‍ङ। इं आफ परमप्रभु यावेमी इन कली शिशी पा थुं नाइक्‍चा गेवल।

फिलेमोन 1:5

मारदे हना गे थमा सुइक्‍ब नेल्‍ल आन कली शुश दाक्‍शो नु इ येसु ख्रीस्‍त कली थमा सुइश्‍शो आ पर्बम नेंता।

हिब्रू 13:17

इन कली शेंब आन लोव़ नेंशा टिने। मेकोपुकीमी “परमप्रभु यावे आ ङोंइती जिम्‍मा ब्राइनुङ” दे तुइश्‍शा इन कली शेंनीमी, कोव़नीम। शेंब आन लोव़ टीतीनी हना, मेकोपुकीमी ग्‍येरशा शेंनीम। इन कली मटिशो तशा चहिं, आन थुं हेल्‍शो दुम्‍शा, शेंचा ब्रीनीम, मिनु इन कली यो मरिम्‍शो दुम्‍ब। १थिस्‍सलोनिकी ५:१२; इजीकीएल ३:१७-१९

हिब्रू 13:7

इन कली परमप्रभु यावे आ लोव़ शेंब आन पशो मिम्‍तीने। मेकोपुकी बेक्‍ची सम्‍म थमा सुइक्‍चा मप्रोनेम। मेको आन पशो खोदेंशो पने।